Zabuli 45:9 - KITAWO MALEŊ Catholic

⁹ I dier mondongo perin, ama nyikin jonwaŋer'iye, aka nyamicala ocungo i racuc ma kom ma dhum, oruko thiwino m'otimi gi zahabu ma Ofir.

KITAWO MALEŊ

⁹ I dier mondongo perin, ama nyikin jonwaŋer'iye, aka nyamicala ocungo i racuc ma kom ma dhum, oruko thiwino m'otimi gi zahabu ma Ofir.

Zabuli 45:9 ပူးပေါင်းရင်းမြစ်များ

1 Kerin 10:11

(Aka ŋecin pa kere Hiram kodi kere Solomon ma jokelo zahabu wok Ofir bende jokelo mbawin ma yen m'ilwoŋo ni algum kodi telin ma welo.

1 Kerin 2:19

Ameno Bathseba okidho luwo ri Adoniya gi kere Solomon. Kere ocungo malo motho min aka okule piny rigo. Kenyo obedo i kom pere ma dhum aka owaco wokel ri min kom man aka min obedo piny yu cinge maracuc.

1 Kerin 2:9

To ikir'iwey go wokadhi m'ongoye gir'acula. Iŋeyo gir'atima, aka iripo neno nike oneki go.”

1 Kigana kwoŋ Kerin 1:23

Ofir, Havila, kodi Yobab.

Yobu 22:24

K'itero zahabu paka fukefuke, kodi zahabu ma Ofir paka telin mager,

Zabuli 45:13

Nyar kere nitie i muluwir pere gi law m'okwoy gi uzi ma zahabu,

Zabuli 72:10

Weyi kerin ma Tarsis gi ma kigodin, jowomiy go mic, weyi kerin ma Seba gi Seba jowokeli mic.

Agecin 7:17

Atieko kudho kanindo paran gi mo maŋwe kur, mo ma yath maŋwe kur, gi sinamon.

Wer pa Solomon 7:1

Nga tiendin ŋon i war, awi nyar kere. Emin m'oŋinere cal thiwino, ma jandijo otimo.

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Yohana 3:29

“Jamweha ama mweha bedo apere; jakony pa jamweha cungo ruŋete to ciko ithe wowinji gima timere, aka go sangala swa k'owinjo dwondi jamweha. Meno bende apaka kisangala paran onyo oromo.

Menyirok ri Yohana 19:7

Weyi wayodere wasangala; weyi wapaki dwoŋ pere m'oasere! Kole ndir otundo ma nywomirok maleŋ mapa Nyathi rombo, aka mweha pere otieko yikirok.

Menyirok ri Yohana 21:2

Gikenyo aneno Tindi Maleŋ, Yerusalem manyen, munyo loro piny wok i polo bongi Were, m'oyik maŋon paka mweha m'orukere maŋon ka yikere romo gi rwoth pere.

Menyirok ri Yohana 21:24

Ji ma piny jobino woth i lero pere, aka kerin ma piny jobino kelo ŋaŋo pajo i iye.

Menyirok ri Yohana 21:9

Acel kwoŋ jomalaika abirio m'onwaŋo jonitie kodi atewe abirio ma thoyamo opoŋ'iye obino bongan to waco ni, “Biye anyuthin Mweha, cipa Nyathi rombo.”