Zabuli 27:6 - KITAWO MALEŊ Catholic

⁶ Ameno abino kikengila jokwor paran ma jothokan. Abino miyo cowirok i wema pere gi koko ma siemirok, abino wero, abino pako Rwoth.

KITAWO MALEŊ

⁶ Ameno abino kikengila jokwor paran ma jothokan. Abino miyo cowirok i wema pere gi koko ma siemirok, abino wero, abino pako Rwoth.

Zabuli 27:6 ပူးပေါင်းရင်းမြစ်များ

Cakirok 40:13

I ndelo adek Farawo bino gonyin to dwokin i kabedo perin; aka doko ilaketho kikopo pa Farawo i cinge paka con mere munyo oyido ijatel pa jotimi rigo vini.

Cakirok 40:20

I ndelo mar'adek, m'oyido obedo ndelo ma poyo nywolirok pa Farawo, otimo kalima ri ŋecin pere je, aka ogonyo jatel pa jotimi vini kodi jatel pa jotedi mugat.

2 Samwiri 22:1

Munyo Rwoth otieko botho Daudi wok i cingi Saulo gi jokwor pere man, Daudi owero wer me ri Rwoth.

2 Samwiri 22:49

aka bothan kwoŋ cwo ma jomaker. A Rwoth, imiyan loyo kwoŋ jokwor paran aka ikwonga an kwoŋ cwo ma jomaker.

2 Samwiri 7:9

Atieko bedo kodin kamoro je m'itieko kadh'iye, aka atieko kikengila jokwor perin je ruwaŋin. Abino miyo nyingin bedo madwoŋ paka jodhum madongo i piny.

2 Kerin 25:27

I oro ma Evilmerodak obedo kere ma Babilon, onyutho kere Yehoyakin ma Yuda wor to gonyo go wok i katwec. Gime ka piero ario g'abirio i dwe mar'apar g'ario i oro ma piero adek g'abirio wok cuka tweyi Yehoyakin.

1 Kigana kwoŋ Kerin 22:18

Go owaco ni, “Rwoth Were mewin nitie gi win aka omiyo win siem i kisi thenge. Go omiyan mako ji je m'oyido jobedo i lowo me, aka nyo pama jonitie i cingi win kodi Rwoth.

Zabuli 107:22

Joripo foyo go gi cowirok to jotuco tim pere gi wer ma kisangala.

Zabuli 110:7

Kere bino madho pi ma wok i waŋ pi ma thengi royo, to cungo gi loyo.

Zabuli 119:108

Yey mic paran ma pak, Awi Rwoth, aka fonjan or perin.

Zabuli 138:5

Jolawero kwoŋ tim pa Rwoth, Kole dwoŋ pa Rwoth nimalo.

Zabuli 21:1

Kere fore i meni perin, Awi Rwoth, aka yodere kwoŋbedo imiyo go loyo.

Zabuli 21:13

Wapakin Rwoth, ro meni perin madwoŋ! Wabino wero ka wapako meni perin.

Zabuli 3:3

To in Rwoth, ibedo kwot paran i teko, imiyan dwoŋ, aka iŋat'itiŋo wiyan malo.

Zabuli 3:4

Aywak malo ri Rwoth, aka go dwokan gi wi got pere maleŋ.

Zabuli 47:1

Goy win adhoŋ, nonin je, Pak win Were gi wer ma winjere malo.

Zabuli 57:8

Alacew gi tongol gi milowe paran, alacewo keko.

Zabuli 81:1

Wer malo ri Were m'obedo meni mawan, koki gi kisangala ri Were pa Yakobo.

Zabuli 95:1

Biye, weyi wapaki win Rwoth; weyi wawer gi kisangala ri tele ma both mawan!

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Yeremia 31:7

Kole Rwoth waco ama, wer malo gi kisangala ri Yakobo, aka koki gi kisangala ri Rwoth pa nonin, tuci, miy pako, aka wac ni, “Awi Rwoth, both ji perin, ma joboth i Isiraili.”

Yeremia 33:11

dwondi jo ma kisangala kodi forok. Lawinjere dwondi jamweha kodi mweha kodi dwondi ji ma jowero, ka jokelo foyo i Ot pa Rwoth ka jowaco ni, “Miy win Rwoth pa lwak jolweny foyo, kole Rwoth ber, aka mar pere makiwire bedo cil gi cil!” Kole aladwoko lim ma lowo paka marapena, Rwoth waco.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Joebulaniya 13:15

Am'omiyo, weyi hongo je wacway pak ri Were paka cowirok mawan i Yesu Kristo, ma cal olemo ma nyak wok i dhok wan ka watuco nyinge.

1 Petero 2:5

Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.

Menyirok ri Yohana 15:3

Onwaŋo jowero wer pa Musa, jatic pa Were kendo apa Nyathi rombo ni, “Tic perin dongo aka obedo gir'aura, Rwoth Were Majameni je! Royo perin otire aka obedo mar'adieri, Kere pa nonin je!

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.