Zabuli 16:4 - KITAWO MALEŊ Catholic

⁴ Jono ma joyero were man, jomedo rem pajo. Akibino kidho i cowirok pajo, kosa tuco nyingi jo gi dhokan.

KITAWO MALEŊ

⁴ Jono ma joyero were man, jomedo rem pajo. Akibino kidho i cowirok pajo, kosa tuco nyingi jo gi dhokan.

Zabuli 16:4 ပူးပေါင်းရင်းမြစ်များ

Cakirok 35:14

Aka Yakobo ogeto kenyo kama Were oluw'iye gine siro ma tele; aka okonjo i wiye vini gi mo.

Zabuli 32:10

Jokidakana jobino candirok, to jono ma jogeno Rwoth, mar pere makiwire kwonga jo.

Zabuli 97:7

Kisi ŋata lamo cal je bedo giwickwot, ma jokwot gi cal ma bukony, werin je jokule piny ruwaŋ Rwoth.

Kitawo mar'ario mapa Musa m'ilwoŋo ni Wok 23:13

“Winji win kisi gim'atieko waco riwin. Wikiri wikway werin man, wikiri wituci kada nyingi gin.”

Isaya 57:6

I kisi telin mafoth ma milelo winwaŋ'iye werin mewin; jobedo adec mewin. Wikonjo rijo mic ma vini gi mic ma cemo. Gino osangala an?

Isaya 65:11

To win, ma wijwango Rwoth, ma wiy win wil gi got paran maleŋ, aka wijengo meza ri Gad gi Meni, werin ma silwany gi lifol, to wipoŋo kikopere ma vini m'oruw.

Isaya 66:3

Ŋata thumo mirikwa cale gi ŋata neko dhano, ŋata ma miyo cowirok ma rombo, cale gi ŋata turo ŋuti gwok, ŋata miyo mic ma cemo manyinge, cale gi ŋata miyo cowirok ma remo mbiji; ŋata timo mic ma rapoy ma buban, cale ŋata miyo cal makicar silwany. Jome joyero yo pajo wegi, aka cuny gin siemere i mienirok pajo.

Yeremia 7:18

Nyithindho jocoko yen, jodongo jobuko mac, aka mon jodwanyo moko, ma yiko mugat ri were madhako ma jolwoŋo ni kere ma i polo. Jo bende jokonjo woko mic ma math ri werin man, ma miyan amaki nge.

Jolevi 23:13

Aka mic ma cemo manyinge wobedi kilo ario ma moko m'onuŋere m'onywow gi mo oliv, mic awaŋa ma ŋwece kur mamit ri Rwoth, aka mic ma vini m'ilamiyo gine wobedi lita acel ma vini.

Yona 2:8

Joma jolamo cal ma bukony, jowiro ŋey jo rin.

Yosuwa 23:7

ŋey wikiri wiruwere gi nonin me ma jodoŋ ka i dier win, kosa wituci nyingi werin pajo, kosa wikwoŋere gi jo, kosa witiy rijo, kosa wikule piny rijo,