Zabuli 141:2 - KITAWO MALEŊ Catholic

² Weyi kwayo paran wotundi bongin paka buban, gi tiŋo cingan malo paka cowirok m'othieno.

KITAWO MALEŊ

² Weyi kwayo paran wotundi bongin paka buban, gi tiŋo cingan malo paka cowirok m'othieno.

Zabuli 141:2 ပူးပေါင်းရင်းမြစ်များ

1 Kerin 18:36

I hongo ma miyo cowirok m'othieno jatuci wac Were Elia ocore cegin gi migam to kwayo ni, “A Rwoth, Were pa Abraham, Isaka, kodi Yakobo, weyi woŋey konon me nike ibedo Were pa Isiraili, nike abedo ŋeca perin, aka nike atimo gime luwo i cik perin.

Ezira 9:4

Kenyo jono je ma jokirin ro wac ma Were oyido owaco kwoŋ ngoye g'adieri pa ji m'oyido jodwoko wok i twec jocokere thokan paka abedo piny m'adhier cuka tundo sawa ma miyo cowirok m'othieno.

Zabuli 134:2

Tiŋi win cingi win i kwayo i Ot pa Were, aka pak win Rwoth!

Zabuli 28:2

Winji ywak paran ri kony, k'atiŋo cingan malo i ot perin maleŋ.

Zabuli 5:3

Awi Rwoth, iwinjo dwondan odikin, ka ceŋ wok amiyo mic paran ma kwayo, t'akurin idwokan.

Zabuli 63:4

Alafoyin kafodi akwo; alatiŋo cingan malo t'alwoŋo nyingin.

Kitawo mar'ario mapa Musa m'ilwoŋo ni Wok 29:39

Miy cowirok ma nyathi rombo ma wode acel odikin, aka acel othieno.

Kitawo mar'ario mapa Musa m'ilwoŋo ni Wok 35:15

Migam ma waŋo buban gi gute mere mo ma wiro, buban maŋwe kur mamit, kodi nanga ma geŋo dhiot ma Wema.

Agecin 15:8

Cowirok pa jokidakana obedo amien ri Rwoth, to kwayo pa ŋataber obedo kisangala pere.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Kwan 16:35

To mac bino wok bongi Rwoth to neko woko cwo miya ario gi piero abic m'oyido jomiyo buban.

Tim pa Jomoor 3:1

Ndelo moro Petero kodi Yohana oyido jokidho i Ot pa Were sawa abuŋwen m'othieno, i hongo ma kwayo.

1 Timothe 2:8

Am'omiyo ayenyo ni kamoro je ji jowokway, ma jomiyere ri Were aka jotiŋo cingi gin malo i kwayo, m'ongoye nge kosa kiŋunyaŋunya.

Menyirok ri Yohana 5:8

Munyo go okwanyo gino ameno, cwec makwo aŋwen no kodi jodongo piero ario g'aŋwen no jogore piny ruwaŋ Nyathi rombo no. Kisi dhano oyido otiŋo tongol, kodi atewe ma zahabu ma buban opoŋ'iye, m'obedo kwayo pa ji pa Were.