Zabuli 10:16 - KITAWO MALEŊ Catholic

¹⁶ Rwoth obedo kere cil gi cil. Ji ma jolamo werin man, jobino rere wok i lowo pere.

KITAWO MALEŊ

¹⁶ Rwoth obedo kere cil gi cil. Ji ma jolamo werin man, jobino rere wok i lowo pere.

Zabuli 10:16 ပူးပေါင်းရင်းမြစ်များ

1 Kigana kwoŋ Kerin 29:11

Aperin, awi Rwoth, obedo dwoŋo, meni, dwoŋ, loyo kodi dhum; kole gigipiny ma i polo kodi ma i piny obedo aperin; ibedo Kere, awi Rwoth, aka jadhum madwoŋ loyo kwoŋ gigipiny je.

Zabuli 145:13

Ker perin obedo ker ma cil gi cil, aka dhum perin bedo i luse je. Rwoth genere i wac pere je, aka jawor i tim pere je.

Zabuli 146:10

Rwoth ladhumo cil gi cil, Were perin, awi Zayon, tundo i luse je. Rwoth wopak!

Zabuli 29:10

Rwoth dhumo pi je maluth, go dhumo paka kere cil gi cil.

Zabuli 78:55

Oriemo woko nonin ruwaŋ jo, ofudo rijo lim pajo, to ketho nonin pa Isiraili i wemin pajo.

Zabuli 9:15

Ji jokunyo bur aka jopodh'iye, jomoko i bwo pajo wegi.

Zabuli 9:5

Ithumo banja ri piny je, aka ireyo jokidakana, ireyo woko nyingi jo kicutho.

Zabuli 9:8

Rwoth thumo banja ri piny gi tiro, go thumo banja ri ji marom.

Zabuli 93:1

Rwoth obedo Kere. Go ruko dwoŋ gi meni. Piny okethi m'ocwiny i kabedo mere, aka kinyal coro.

Kitawo mar'ario mapa Musa m'ilwoŋo ni Wok 15:18

Rwoth bino dhumo cil gi cil.”

Isaya 33:22

Kole Rwoth obedo jathum banja mawan, Rwoth obedo jadhum mawan; Rwoth obedo kere mawan, go labotho wan.

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Ywakirok 5:19

To in, Awi Rwoth, ibedo kere ma cil gi cil, aka dhum perin ongoye gi gike i luse je.

Kitawo mar'abic mapa Musa m'ilwoŋo ni Cik 8:20

Paka nonin ma Rwoth reyo woko ruwaŋ win, ameno wilarere, kwoŋbedo wikinyalo winjo dwondi Rwoth Were mewin.

1 Timothe 1:17

Ri Kere ma cil gi cil, makitho aka kinenere, m'obedo Were kende, wor gi dwoŋ wobedi cil gi cil. Ameno.