Ywakirok 4:16 - KITAWO MALEŊ Catholic

¹⁶ Rwoth won ama okedho jo, go kiladewo kwoŋ jo kendo, k'onyuthi jocway ri Were i wi migam wor, kanyacel gi jodongo.

KITAWO MALEŊ

¹⁶ Rwoth won ama okedho jo, go kiladewo kwoŋ jo kendo, k'onyuthi jocway ri Were i wi migam wor, kanyacel gi jodongo.

Ywakirok 4:16 ပူးပေါင်းရင်းမြစ်များ

Cakirok 49:7

Lam wobedi i nge pajo rupiri obedo mager swa, kodi kwoŋ keme pajo rupiri ger swa. Abino tiako jo i lowo gipi ma Isiraili, t'akedho jo i dier ji mere.”

2 Kigana kwoŋ Kerin 36:17

Riameno Rwoth miyo kere ma Babilon monjo jo, to neko soye pajo g'aserin i Ot pa Were ma k'omako wor gi dhano moro je, nyathi kosa jadwoŋ, ma two kosa maber. Were omiyo joje i cingi kere ma Babilon.

Zabuli 106:27

to kedho nyikway jo i dier nonin, weyo jowotho i piny pa jopath.

Zabuli 106:44

Kucel Rwoth owinjo jo munyo joywak, to neno kidamba pajo.

Isaya 24:2

Aka labedo, paka gi ji, ameno gi jocway ri Were i wi migam; paka ri ŋeca, apaka ri jadwoŋ pere, paka ri ŋeca madhako, apaka ri dhakodwoŋ pere, paka ri jamitan, apaka ri janyew, paka ri ŋata kopa, apaka ri ŋat'okopa go, paka ri ŋata banja, apaka ri ŋat'ibanja.

Isaya 47:6

Oyido amako nge gi ji paran, t'akoco alunja paran, aketho jo i cingin, aka ikinyutho jo ŋono, kiri jom'oti je iketho kwoŋ jo okol mapek ma kiwacere.

Yeremia 15:4

Alaloko jo gilworo ri kerin je ma piny kwoŋbedo gima kere Manase wod Hezekia ma Yuda otimo i Yerusalem.

Yeremia 24:9

Alaloko jo ginyero, gimoro marac, ri kerin je ma piny, lifol, gir'awaca, aŋala, t'ioro nyingi jo paka kwoŋ kisi kamoro je m'akedh'iye jo.

Yeremia 52:24

Medo kwoŋ meno, Nebuzaradan, jamituka, okadho kodi Seraya jacway ri Were madwoŋ, Zefania m'oyido luwo Seraya i dwoŋ, kodi jotel man madongo adek ma Ot pa Rwoth.

Ywakirok 2:20

Neni, Awi Rwoth, aka dew ye! Ri ŋa m'itimo gime? Mon jowocami nyithindho pajo wegi, ma jo wegi jonywolo? Woneki jacway ri Were i wi migam kodi jatuci wac Were, i Ot pa Rwoth?

Ywakirok 2:6

Go oturo piny Ot pa Rwoth pere paka ndelo, go oreyo woko ot pere. Rwoth okwanyo woko i Zayon, kalima kodi sabato, aka i keme pere go omiyo, kere kodi jacway ri Were i wi migam winjo meni ma nge pere.

Ywakirok 5:12

Imako jotel mawan t'ideyo jo, jodongo mawan kimiy jo wor.

Ezekiel 5:10

Riameno jonywol jolacamo nyithindho pajo i dier win, aka nyithindho jolacamo jonywol pajo; alathumo banja kwoŋ win, aka joma jodoŋ alakedho jo i kisi thenge je.

Kitawo mar'abic mapa Musa m'ilwoŋo ni Cik 28:25

Rwoth lamiyo wokengila win ruwaŋ jokwor mewin, wilamonjo jo gi thenge acel, to wilaringo woko kwoŋ jo i thenge abirio. Wilabedo gibwok ri kerin je ma i piny.

Kitawo mar'abic mapa Musa m'ilwoŋo ni Cik 32:26

Awaco ni, alatoŋo jo mathindho thindho, aka alareyo woko jo i paro pa ji.

Joebulaniya 8:9

Cikirok no kilabedo paka m'atimo gi kwarere pajo munyo amako cingi jo t'awodho jo woko i piny Misir, rupiri jok'obedo gi genirok kwoŋ cikirok m'atimo gi jo, am'omiyo aeye kwoŋ jo.