Ywakirok 2:11 - KITAWO MALEŊ Catholic

¹¹ Waŋan oloc gi ywak, aka iyan raman. Cunyan raman, kwoŋbedo rerok pa ji paran, kwoŋbedo nyithindho kodi nyithindho ma dhoth, joloc kam'othangere i tindi.

KITAWO MALEŊ

¹¹ Waŋan oloc gi ywak, aka iyan raman. Cunyan raman, kwoŋbedo rerok pa ji paran, kwoŋbedo nyithindho kodi nyithindho ma dhoth, joloc kam'othangere i tindi.

Ywakirok 2:11 ပူးပေါင်းရင်းမြစ်များ

Yobu 16:13

Go bayo aserin wok i thenge je, aserin ma kedho rogan aka miyo litho, m'ongoye nyutho wor; aka oyo woko kedhino paran piny i lowo.

Yobu 30:27

Cunyan ule swa ma kikwe, aka teko podho ran radhik.

Zabuli 119:82

Waŋan ool kuro gim'iciko, apenjo ni, “Inokonyan keraŋo?”

Zabuli 22:14

Meni paran orumo, paka pi m'okire piny. Cokin paran jowok i kogino, cunyan cal odok m'oleny.

Zabuli 31:9

Maki wor kodan, Awi Rwoth, kole anitie i kidamba, waŋan ool gi ywak, ajony kicutho.

Zabuli 38:8

Aol, aka aŋinyere kicutho, cunyan rembo, aka acur gi litho.

Zabuli 6:7

Akinyali neno maber, waŋan jobomere, ro ywak ma jokwor paran jokelo ran.

Zabuli 69:3

Alacere gi ywak paran; aka dwondan raman. Waŋan ocore, gi kuro Were paran.

Isaya 22:4

Riameno awaco ni, Ŋiy bor kwoŋan, weyi aywak pigi waŋan makec, ikir'icandere kweyo cunyan ro rerok pa ji paran.

Isaya 38:14

Dwondan oyido thin aka nyap, aka aywak paka akuro. Waŋan jool gi ŋiyo polo. Awi Rwoth, odiyan, bedi jakur paran!

Isaya 51:20

Ji mewin jolocere, joriere i sonda ma kisi royo, paka amudhe m'omoko i bwo, jopoŋ gi keme pa Rwoth, bwok pa Were mewin.

Yeremia 14:17

Ibino waco rijo wac me: Weyi pigi waŋan wooy wor kodi odieceŋ, aka weyi jokiri jowocoki, kwoŋbedo nyar ji paran mambula, ji paran, orwadhi jo piny g'adol ma ŋinyo jo, g'adhola ma kiwacere.

Yeremia 4:19

Litho paran, litho paran! Adwanyere i litho! Awi, gima umo adundo paran! Cunyan gore swa; akinyali liŋ; rupiri awinjo derino ma gwara, gwara ma lweny.

Yeremia 44:7

Onyo Rwoth, Were pa lwak jolweny, Were pa Isiraili waco ama: Raŋo witimo kiti raco madwoŋ ameno kwoŋ win, neko jacwo kodi dhako, nyithindho kodi nyathi maŋic wok i dier Yuda, to widoŋ m'ongoye ji ma joboth?

Yeremia 8:19

Eno, ywak pa jocandi wok bor kodi kama lac i piny: “Rwoth ki nitie i zayon? Kere ma Zayon onyo ongoye kenyo?” Raŋo wimiyan nge gi cal mewin, gi lamo werin mewin makicar ma jongoye kony?

Ywakirok 1:11

Ji pere je jodwanyere gi litho, ka jorango cemo, jotieko kitana gigipiny pajo ma welo ri cemo, ma kuro kwo pajo. Neni, Awi Rwoth, aka ŋiy, nger m'icayan iye.

Ywakirok 1:16

Ro gigipiny me aywak, aka pigi waŋan cwer, kole ongoye ŋat'okwey cunyan, ŋat'odwoki ran meni, nyithindho paran jodoŋ nono, jakwor otieko kikengila an.

Ywakirok 1:20

Neni, Awi Rwoth, nger manitie iye i litho, iyan ramere, cunyan raman, kwoŋbedo gwenyirok paran ma kiwacere, Abor neko i royin, aka i ot cal tho.

Ywakirok 5:17

Cuny wan ramere kwoŋbedo gime, waŋ wan onyo nimnim kwoŋbedo gigipiny me.

Luka 23:29

Kole ndelo odiedere bino ma ji jobino wac'iye ni, ‘Josilwany a mon ma jok'onywol, ma jok'olimo nyithindho, ma jok'omiyo nyithindho dhoth!’

1 Samwiri 30:4

Daudi gi cwo pere jotiŋo dwondi gin malo to jogoyo ndur, aka joywak cuka meni oloyo jo ma ywak.