Ywakirok 1:16 - KITAWO MALEŊ Catholic

¹⁶ Ro gigipiny me aywak, aka pigi waŋan cwer, kole ongoye ŋat'okwey cunyan, ŋat'odwoki ran meni, nyithindho paran jodoŋ nono, jakwor otieko kikengila an.

KITAWO MALEŊ

¹⁶ Ro gigipiny me aywak, aka pigi waŋan cwer, kole ongoye ŋat'okwey cunyan, ŋat'odwoki ran meni, nyithindho paran jodoŋ nono, jakwor otieko kikengila an.

Ywakirok 1:16 ပူးပေါင်းရင်းမြစ်များ

Zabuli 106:42

Jokwor jodiyo jo, aka joketho jo i dhum pajo kicutho.

Zabuli 119:136

Pigi waŋan cwer paka malawa, kwoŋbedo ji jokikur cik perin.

Zabuli 69:20

Yet otieko turo adundo paran, aka onyo angoye gi geno. Adwaro wor, t'akinwaŋo; kodi jom'odiy cunyan t'akinwaŋo moro.

Jafonji 4:1

Kenyo awire t'aneno adica je m'itimo i pendi waŋceŋ. Aka neni, pigi waŋ jom'idiyo, m'ongoye ŋat'odiy cuny jo! Kareno joma diyo jo, jonitie gi meni, to ngoye ŋat'odiy cuny jo.

Isaya 54:11

Rwoth waco, Awi Yerusalem, tindi madwoŋ ma candere aka ongoye ŋat'okony, ongoye ŋat'oyom cunyin. Alageto kindi ot perin kendo gi telin ma welo.

Yeremia 13:17

To ka wik'owinji, alaywak nyaliŋliŋ ro delok mewin; alaywak gi geregere aka pigi waŋan laoy kwoŋbedo okadhi gi ji pa Rwoth paka jotwec.

Yeremia 14:17

Ibino waco rijo wac me: Weyi pigi waŋan wooy wor kodi odieceŋ, aka weyi jokiri jowocoki, kwoŋbedo nyar ji paran mambula, ji paran, orwadhi jo piny g'adol ma ŋinyo jo, g'adhola ma kiwacere.

Yeremia 15:5

Rwoth penjo ni, “Ŋa m'omak kodin wor, awi Yerusalem, kosa ŋa m'oywakin? Ŋa m'owire githenge to penjo paka initie?

Yeremia 8:18

Kisangala paran orumo, ywak opoŋ kwoŋan, cunyan podho.

Yeremia 9:1

Awi ka bedi wiyan oyido obedo waŋ pi, aka waŋan kama pigi waŋ jo wok'iye, ŋey anyal ywak wor g'odieceŋ ri ji paran ma jocandi m'oneki jo!

Yeremia 9:10

Awaco ni, “Alabiyo pigi waŋan ri gote, kodi ywak ri lum ma thim, rupiri jotieko thwo, aka ongoye ŋata luwo i jo. Ywak pa dhok kiwinjere kendo; winyin kodi ogwaŋe madudi jotieko ringo to jokadho.”

Yeremia 9:21

“Tho otieko bino i dirisin mawan, otieko donjo i cel mawan, ma neko woko nyithindho wok i royin kodi yac wok i kam'othangere.”

Ywakirok 1:2

Go ywak gi geregere wor, gi pigi waŋe i pinde, ongoye ŋat'okwey cunye, i dier jomitirok pere. Merin pere je jotiyo gi go akor, jotieko lokere jokwor pere.

Ywakirok 1:9

Koco pere oyido nitie i rinda pere, go k'oparo kwoŋ gim'owok rumacen, podho pere obedo gi dhier, m'ongoye ŋat'okwey cunye. Awi Rwoth, neni, litho paran, kole jakwor otieko tiŋere malo.

Ywakirok 2:11

Waŋan oloc gi ywak, aka iyan raman. Cunyan raman, kwoŋbedo rerok pa ji paran, kwoŋbedo nyithindho kodi nyithindho ma dhoth, joloc kam'othangere i tindi.

Ywakirok 2:18

Ywak win malo ri Rwoth, Awi ji ma Yerusalem! Weyi pigi waŋ win womol paka malawa, odieceŋ kodi wor. Wikiri wiywomere, kosa wiliŋ ywak.

Hoseya 9:12

Kada jokel nyithindho pajo, alaneko woko nyithindho pajo m'ongoye kad'acel m'odoŋ. Kidamba rijo adieri, k'anojwangi jo!