Ywakirok 1:1 - KITAWO MALEŊ Catholic

¹ Yerusalem, tindi madwoŋ odoŋ kakende nedi, tindi madwoŋ m'oyido opoŋ'iye ji kweth! Go ma cango nonin woro, onyo pama olokere citho. Go m'oyido obedo nyakere, onyo pama timo tic arom.

KITAWO MALEŊ

¹ Yerusalem, tindi madwoŋ odoŋ kakende nedi, tindi madwoŋ m'oyido opoŋ'iye ji kweth! Go ma cango nonin woro, onyo pama olokere citho. Go m'oyido obedo nyakere, onyo pama timo tic arom.

Ywakirok 1:1 ပူးပေါင်းရင်းမြစ်များ

1 Kerin 4:21

Solomon odhumo kerin wok i Yufrete tundo i lowo pa Jofilistia kiri i kew ma Misir. Joculo Solomon misolo aka jotiyo rigo i kwo pere je.

2 Kerin 23:33

Dhum pere orumo munyo Farawo Neko ma Misir otero go paka jatwec i Ribila i piny Hamath, to miyo Yuda culo kilo 3,400 ma feza kodi kilo 34 ma zahabu paka misolo.

2 Kerin 23:35

Yekoyakim ocoko misolo wok bongi ji marom gi lim pajo, manyalo culo misolo ma kere ma Misir oyido mito.

2 Kigana kwoŋ Kerin 9:26

Go odhumo kerin je wok i malawa Yufrete tundo i lowo pa Jofilistia, kodi kew gi Misir.

Ezira 4:20

Kerin madongo jodhumo Yerusalem aka jodhumo adec gipi ma yupodho ceŋ ma malawa Yufrete, ka jocoko misolo.

Nehemia 5:4

Aka oyido nitie jono ma jowaco ni, “Wakopa pesa ma culo misolo pa kere i ndelin mawan gi ndelin vini mawan.

Nehemia 9:37

Gima lowo nyak je itero ri kerin, m'imiyo jo dhumo wan kwoŋbedo watimo reco. Jotimo gima jomito gi delkwoŋ wan g'ogwaŋe mawan, aka wanitie i litho madwoŋ!”

Zabuli 122:4

Ka ama nonin jobino i iye, nonin pa Rwoth, foyo Rwoth, cungo kwoŋ Or pere.

Isaya 14:12

Ipodho nedi wok i polo, Awi micala m'odieceŋ, wod ŋamba! Otoŋin nedi kiri piny, in m'oyido iredho piny nonin!

Isaya 22:2

Awi tindi madwoŋ m'opoŋ woy, Awi tindi madwoŋ m'opoŋ kisangala. Ji mewin ma jotho k'oneki jo g'abor, kosa jok'otho i lweny.

Isaya 3:26

Waŋkac ma tindi madwoŋ lakumo to ywak, ladoŋ nono, to jengere piny.

Isaya 49:21

Kenyo ilapenjere i cunyin ni, “Ŋa m'onywolo ran nyithindho me je? Oyido aywak aka akinywol, oyido ajawiloka aka obolan, to ŋa won m'opidho nyithindho me je? Oyido adoŋ kendan, onyo nyithindho me jowok kune?”

Isaya 50:5

Rwoth otieko yawo ithan, aka akigwenyere, akigiki acen.

Isaya 52:2

Teŋi woko fukefuke kwoŋin, aka ay malo, awi Yerusalem manitie i twec, gony woko lijegere i ŋuti win, Awi ji ma Yerusalem ma jonitie i twec.

Isaya 52:7

Nga ŋon wi gote, masembo pa jamikwenda ma tuco wac maber, ma tuco siem, kelo wac maber ma bero, tuco both, aka waco ri Zayon ni, “Were perin dhumo.”

Isaya 54:4

Ikir'ibedi gi lworo, kole wickwot kilamakin; Ikir'ilacere, wickwot kilamakin. Wiyin lawil gi wickwot ma soye perin, aka ikilawinjo wickwot ro bedo citho.

Yeremia 31:7

Kole Rwoth waco ama, wer malo gi kisangala ri Yakobo, aka koki gi kisangala ri Rwoth pa nonin, tuci, miy pako, aka wac ni, “Awi Rwoth, both ji perin, ma joboth i Isiraili.”

Yeremia 40:9

Gedalia wod pa Ahikam wod pa Safan okwoŋere rijo kodi jolweny pajo ka waco ni, “Wikiri wibwok tiyo ri Jobabilon. Bedi win i piny me, aka witiy ri Jobabilon, aka labedo maber gi win.

Yeremia 42:2

bongi Yeremia jatuci wac Were aka jowaco rigo ni, “Bedi ŋataber iwinji ywak mawan, ikway Rwoth Were mawan ri ji ma jodoŋ je. Kole wadoŋ nyaka manok kwoŋ kweth m'oyido wanitie, paka in bende ineno gi waŋin.

Yeremia 44:2

Rwoth pa lwak jolweny, Were pa Isiraili waco ama: Wiwegi witieko neno teko m'atieko kelo kwoŋ Yerusalem kodi tindin je ma Yuda. Ŋiy win jo, konon jodoŋ gundin m'ongoye ŋata bedo i jo,

Yeremia 44:6

Ameno nge paran kodi keme paran oliel kwoŋ tindin ma Yuda kodi i royin ma Yerusalem, aka jolokere gundin ma kiber anena paka fodi jonitie kiri konon.

Yeremia 50:23

Babilon m'oyido obedo nyundu ri piny gibe, otoŋ woko aka otur. Neni, kite ma Babilon olokere gibwok i dier nonin.

Yeremia 9:11

Me apaka Rwoth waco, “Alaloko Yerusalem gundin m'opanga, kabedo ma kibwe jobed'iye; tindin madongo ma Yuda jolalokere thim, kabedo m'ongoye ŋata bed'iye.”

Ywakirok 1:19

Alwoŋo jomitirok paran, to jowondan, jocway ri Were i wi migam paran kodi jodongo paran, jorere i tindi madwoŋ, kareno jorango cemo, ma kuro kwo pajo.

Ywakirok 2:1

Rwoth, i nge pere, oumo Zayon gi mudho. Go obolo i piny wok i polo, dwoŋ pa Isiraili, go k'opoyo kabedo pa tiende, i ndelo ma nge pere.

Ywakirok 2:10

Jodongo ma Zayon, jobedo piny i lowo liŋ. Jowiro fukefuke i wic jo, aka joruko kutiya. Nyir ma Yerusalem, jokulo wic gin i lowo.

Ywakirok 4:1

Neni paka zahabu olokere ma nimnim, nger ma zahabu macil owire, telin ma leŋo jokedhere, i kisi gike ma royo.

Ywakirok 5:16

Sangaria opodho woko wok i wiy wan, kidamba riwan, kole watieko timo reco.

Ezekiel 26:16

Kenyo jodhum je ma nam jolaweyo kombere pajo ma dhum; jolalunyo lwodo pajo gi nangin pajo makicin. Ilaruko jo gi kirin to jobedo i lowo. Jolakirin kisi hongo, to jobwok tektek kwoŋ win.

Ezekiel 26:2

Wod dhano, rupiri ji ma Tire joluwo kwoŋ Yerusalem ni, “Aha, waŋkac pa ji otur, oyengere to yawere ran, alalokere mabup, paka onyo otieko nyekere.”

Ezekiel 5:5

Rwoth Were waco ama: Me Yerusalem, atieko ketho go i dier nonin, gi lowo je thoko go.

Jolevi 26:31

Alathango tindin mewin madongo, alaloko kamaleŋ mewin kam'ojwangere, aka ak'oŋwey kur ma cowirok mewin.

Jolevi 26:33

Aka alakedho win i dier nonin, t'ayuyo abor paran kwoŋ win; piny mewin lajwangere, to tindin mewin madongo bedo gunda.”

Zefania 2:15

Me tindi madwoŋ m'oyodere, m'obedo i siem, to waco i cunye ni, obedo an, kole an kende, kucel otieko lokere gunda, kaywomirok p'ogwaŋe. Kisi ŋata luwo kabonge, lalwiyo to teŋo cinge.

Menyirok ri Yohana 18:7

Miy go candirok kodi rem, marom gi dwoŋ kodi yodirok ma go oyido omiyere. Ato go kwot ka waco gi i cunye ni, ‘An abedo paka kere madhako; akibedo citho, odoko ak'owinji rem moro je!’