Yowel 3:17 - KITAWO MALEŊ Catholic

¹⁷ Wilaŋeyo nike An, Rwoth Were mewin, abedo i Zayon, got ma leŋo paran. Yerusalem labedo Kabedo Maleŋ, aka jokicar jok'oluw'iye kendo.

KITAWO MALEŊ

¹⁷ Wilaŋeyo nike An, Rwoth Were mewin, abedo i Zayon, got ma leŋo paran. Yerusalem labedo Kabedo Maleŋ, aka jokicar jok'oluw'iye kendo.

Yowel 3:17 ပူးပေါင်းရင်းမြစ်များ

Yobu 15:19

Jo kende ama omiy jo lowo no, aka ongoye japath m'obedo i dier jo.

Zabuli 76:2

Go nigi peco pere i Yerusalem, go bedo i got Zayon.

Zabuli 9:11

Wer win wer ma pak ri Rwoth, ma dhumo i Zayon! Waci ri kisi piny gima go timo!

Kitawo mar'ario mapa Musa m'ilwoŋo ni Wok 16:12

“Atieko winjo kigeŋisa pa Joisiraili. Waci rijo nike kisi othieno jolabedo gi riŋo acama, aka kisi odikin jolabedo gi mugat je ma joyenyo. Kenyo jobino ŋeyo nike An, Rwoth, abedo Were pajo.”

Isaya 11:9

Jok'omiy litho kosa rerok wi got maleŋ paran je. Piny lapoŋ ŋeyo Rwoth paka pi umo nam.

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Isaya 35:8

Royo labedo kenyo, aka ilalwoŋo ni Royo Maleŋ. Ongoye jareco ma laluw'iye, jomamiŋ jok'orweny'iye dhano.

Isaya 4:3

Ŋat'owey i Zayon to doŋ i Yerusalem ilalwoŋo ni ŋataleŋ, kisi ŋat'ondiki ri kwo i Yerusalem,

Isaya 46:13

Akelo both paran cegin, ki nitie bor, aka both paran kilagalo; Alaketho both paran i Zayon, aka i Isiraili dwoŋ paran.

Isaya 52:1

Cew, cew, bedi matek kendo, Awi Zayon! Ruk nangin perin maŋon, awi Yerusalem, tindi madwoŋ maleŋ. Kole ji ma jok'othumere gi jomakoc jok'obin bongin.

Isaya 56:7

Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

Yeremia 31:23

Me apaka Rwoth waco pa lwak jolweny, Were pa Isiraili waco ama: Ibino oro kendo wac me i piny Yuda kodi i tindin mere ka adwoko lim pajo. Rwoth womiyin silwany, Awi Kabedo Maleŋ got maleŋ kama go bed'iye.

Yeremia 31:40

Milelo gibe, kam'iyik'iye jom'otho aka ikonj'iye buru, ndelin je tundo kiri i milelo ma Kidron, kiri i sonda ma Waŋkac ma Kayina yuthenge ma yuwok ceŋ labedo maleŋ ri Rwoth. Kilafudho kendo kosa turo piny tindi madwoŋ cil gi cil.

Ezekiel 20:40

Kole wi got paran maleŋ, got mabor pa Isiraili, Rwoth Were waco, kenyo ot pa Isiraili gibe, joje, jolatic ran i lowo no. Koro alayeyo jo, aka koro alamito mic mewin kodi mic mewin maber loyo, kodi gigipiny mewin maleŋ je.

Ezekiel 37:6

Alaketho fuc kwoŋ win, t'amiyo riŋo bino kwoŋ win, t'aumo win gi pien, t'aketho luya i win, aka wibino kwo; aka wilaŋeyo ni An Abedo Rwoth.”

Ezekiel 43:12

Me cik ma Ot pa Were, adec je ma thoko, wi got obedo maleŋ loyo. Me cik ma Ot pa Were.

Ezekiel 44:9

Rwoth Were waco ama: Ongoye japath ma k'othumere, kwoŋ jopath je ma jonitie i dier Joisiraili, ma ripo donjo i ot paran.

Ezekiel 48:35

Boro ma tindi madwoŋ thoko ripo bedo mita 9,000. Nyingi tindi madwoŋ wok i ndelo no medirok yuwaŋe labedo ni: Rwoth nitie Kenyo.

Yowel 2:27

Aka wilaŋeyo adieri ni, i dier Isiraili, An, kendo an Rwoth, abedo Were mewin aka ongoye man. Wickwot k'omaki ji paran kendo cil gi cil.

Yowel 3:21

Alaculo kwor ri remo pa ji m'oneki, aka ak'owey jobanja m'akimiyo jo gir'acula, kole Rwoth bedo i Zayon.

Mika 4:7

Alaloko jor'aŋolo ji m'odoŋ, aka jom'oyido abolo woko, alaloko piny madwoŋ. Rwoth bino dhumo jo wi got Zayon, wok pama kadho yuwaŋe aka cil gi cil.

Nahum 1:15

Neni, wi gote bino tiendi ŋata kelo mikwenda ma siem! Tim kalima perin, awi Yuda, kethi i kare kwoŋirok perin, kole jakidakana k'omonjin kendo; ilareyo go woko kicutho.

Zekaria 8:3

Me apaka Rwoth waco: Aladwoko i Zayon, aka alabedo i Yerusalem; Ilalwoŋo Yerusalem ni tindi madwoŋ ma genere, aka got pa Rwoth pa lwak jolweny, ilalwoŋo ni, got maleŋ.

Menyirok ri Yohana 21:27

To ongoye gimakoc ma bino donj'iye, kosa ŋata timo giwickwot kosa twodo, kende ji ma nyingi jo ondiki i kitawo ma kwo mapa Nyathi rombo kende ama jobino donjo i tindi no.