Yowel 2:32 - KITAWO MALEŊ Catholic

³² Nyaka kisi ŋat'olwoŋ nyingi Rwoth bino both; kole wi Got Zayon kodi i Yerusalem, labedo gonyirok, paka Rwoth otieko waco, aka kwoŋ joma joboth, labedo jono ma Rwoth lwoŋo jo.

KITAWO MALEŊ

³² Nyaka kisi ŋat'olwoŋ nyingi Rwoth bino both; kole wi Got Zayon kodi i Yerusalem, labedo gonyirok, paka Rwoth otieko waco, aka kwoŋ joma joboth, labedo jono ma Rwoth lwoŋo jo.

Yowel 2:32 ပူးပေါင်းရင်းမြစ်များ

Cakirok 4:26

Seth bende olimo wode to cwoko nyinge ni Enos. I hongo no ama ji jocako lwoŋo nyingi Rwoth maleŋ i lamo.

Zabuli 50:15

Lwoŋan i hongo ma teko; alabothin, aka ilapakan.”

Isaya 10:22

Kole makada nende Joisiraili oyido jothoth paka kwoyo ma nam, nyaka ma joboth ama joladwoko. Rerok nitie ri ji, aka opoŋ de oy gi tiro.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 11:16

Ameno royo layawere wok i Asiria, ri ji pere ma joboth, paka obedo ri Isiraili, i ndelo ma jowok'iye i piny ma Misir.

Isaya 4:2

I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

Isaya 46:13

Akelo both paran cegin, ki nitie bor, aka both paran kilagalo; Alaketho both paran i Zayon, aka i Isiraili dwoŋ paran.

Yeremia 31:7

Kole Rwoth waco ama, wer malo gi kisangala ri Yakobo, aka koki gi kisangala ri Rwoth pa nonin, tuci, miy pako, aka wac ni, “Awi Rwoth, both ji perin, ma joboth i Isiraili.”

Yeremia 33:3

Lwoŋan aka aladwokin, alawaco rin gigipiny madongo m'opanere ma fodi ikiŋeyo.

Amos 9:8

Neni, waŋ Rwoth Were nitie kwoŋ ker mareco me Isiraili, abino reyo woko wok i piny. T'akibino reyo woko nyikway Yakobo je.

Obadia 1:17

To wi got Zayon jomegi jobino kwale, aka bino bedo Kabedo Maleŋ. Ji pa Yakobo jobino bedo gi lim pajo wegi gi lowo pajo wegi.

Obadia 1:21

Cwo ma jotieko loyo i Yerusalem, jobino monjo Edom to jodhumo. Aka Rwoth won bino bedo kere.

Mika 5:3

Riameno Rwoth bino jwango ji pere tundo i hongo, madhako ma ripo nywol obedi gi wode. Kenyo nyaka Joisiraili ma jonitie wiloka jodwoki, to joriwere gi ji pajo wegi.

Zekaria 13:9

Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Yohana 10:16

An gi rombo man ma jongoye i sidwol me. Aripo kelo jo bende; jobino winjo dwondan, aka jobino lokere sidwol acel kodi jakwath acel.”

Yohana 4:22

Win Josamaria wilamo gima wikuya; to wan Joyuda waŋeyo gima walamo, kwoŋbedo both wok bongi Joyuda.

Tim pa Jomoor 15:17

“Aka ŋey ji man je joworangi Rwoth, kodi Jopath je m'ilwoŋo jo gi nyingan.”

Tim pa Jomoor 2:39

Kole cikirok me obedo riwin kodi nyithindho mewin kodi ji je ma jonitie bor, ji je ma Were lwoŋo bonge.”

Joroma 11:26

Aka me apaka Isiraili gipi bino limo both, paka ondiki ni, “Jaboth bino wok Zayon, Go bino kwanyo woko reco pa nyikway Yakobo je.

Joroma 11:5

Am'omiyo bende kiri gunyo fodi nitie jom'odoŋ, ma Were oyero ro nema pere.

Joroma 11:7

Onyo aŋo to? Gima Joisiraili jorango tektek jok'onwaŋo; jom'oyer ama jonwaŋo, to jom'odoŋ jobedo gi cuny jo matek.

Joroma 9:24

Kole meno mako kwoŋ wan ma go olwoŋo, ki nyaka wok kwoŋ Joyuda kende, to kwoŋ Jopath bende.

Joroma 9:27

Aka Isaya luwo kwoŋ Isiraili ni, “Kada nyithindho pa Isiraili jothoth pa kwoyo ma nam, nyaka manok kwoŋ jo am'ibino botho.

1 Jokorintho 1:2

Ri kitipa pa jom'oyeyo Were manitie Korintho, ri ji je m'olwoŋ bedo ji pa Were, ma jobedo apere i riwirok gi Kristo Yesu, kanyacel gi ji je ma kamoro je ma jolwoŋo nyingi Rwodhiwan Yesu Kristo, Rwoth mawan gi jo.

Joebulaniya 12:22

Kucel, wibino wi Got Zayon kodi i tindi pa Were makwo, Yerusalem manyapolo, gi jomalaika mere gana gi gana.