Yowel 2:3 - KITAWO MALEŊ Catholic

³ Mac reyo woko ruwaŋ jo, aka waŋ yuŋey jo. Ruwaŋ jo piny cale ndelo Eden, to yuŋey jo thim m'ojwangi, aka bende ongoye gima budho jo.

KITAWO MALEŊ

³ Mac reyo woko ruwaŋ jo, aka waŋ yuŋey jo. Ruwaŋ jo piny cale ndelo Eden, to yuŋey jo thim m'ojwangi, aka bende ongoye gima budho jo.

Yowel 2:3 ပူးပေါင်းရင်းမြစ်များ

Cakirok 13:10

Loti otiŋo waŋe malo to neno milelo Yordan nger m'oyido nitie gi pi kweth paka ndelo pa Rwoth, paka lowo ma Misir yo Zowar. Me oyido mafodi Rwoth k'oreyo Sodom gi Gomora.

Cakirok 2:8

Aka Were opidho ndelo i Eden, yuwok ceŋ; aka kenyo go oketho nyatoro ma go oyido ocweyo.

Zabuli 50:3

Were mawan bino, go kiliŋ, mac m'odheth nitie ruwaŋe, asur mager othoko go.

Zabuli 97:3

Mac liel ruwaŋ go, aka waŋo woko jokwor ma jothoko go.

Kitawo mar'ario mapa Musa m'ilwoŋo ni Wok 10:15

Joumo piny cuka lowo olokere macol gi jo. Jocamo kisi gima pe oyido oweyo kiri gi olemo ma yen. Ongoye gima nyaboke pendi m'odoŋ kwoŋ cemo ma ndelo kosa yath i lowo ma Misir gipi.

Kitawo mar'ario mapa Musa m'ilwoŋo ni Wok 10:5

Jobino bedo kweth ma jolaumo piny kicutho. Jobino camo kisi gima pe k'onyeko, kiri gi yen m'odoŋ.

Isaya 14:17

m'oloko piny paka thim, to reyo woko tindin madongo, aka k'oyeyo jotwec pere dok peco?”

Isaya 15:6

Pi ma Nimrim, othwo woko, lum othwo, aka kilothi, ongoye gima nyaboke pendi.

Isaya 33:4

Ocok gim'onyaga paka bonyo poto, paka tome bonyo ma por, ilapor kwoŋe.

Isaya 51:3

Kole Rwoth layomo cuny Zayon; gi jono je ma jobedo i gundin mere. Go laloko thim mere paka Eden, aka opalipat mere paka ndelo pa Rwoth. Forok gi kisangala lanwaŋere i go, foyo kodi dwondi ma wer.

Isaya 9:18

Kole kidakana liel paka mac, aka waŋo okure gi kudhin, paka lul m'otwere maliel, aka dunyo malo siro yiro.

Isaya 9:19

Gi keme pa Rwoth pa lwak jolweny piny waŋ, ji jocale paka mo ri mac, aka ongoye ŋata botho nyawote.

Yeremia 5:17

Jobino camo ranyak mewin kodi cemo mewin; jolacamo wot win gi nyiki win. Jolacamo mwendi mewin gi dhok mewin; jobino camo olemo mewin kodi nyandere mewin. Jobino reyo g'abor tindin mewin madongo m'ogoy'iye cel ma wigeno.

Ezekiel 36:35

Ji jolawaco ni, “Lowo me m'oyido ojwangi onyo olokere paka ndelo Eden; aka opalipat, kam'ojwangi kodi tindin madongo m'oyido gunda onyo pama ibed'iye aka ogoy'iye cel.”

Amos 7:4

Me gima Rwoth Were onyuthan menyirok man. Aneno go lwoŋo gir'acula gi mac, aka osika woko lutho madwoŋ aka oyido camo woko lowo.

Habakuk 1:6

Kole ee acegin tiŋo malo Jokaldin, nono mager aka jodwir, jo ma joŋanjo kisi kamoro i piny, mako kabedo ma k'obedo apajo.

Zekaria 7:14

Akedho jo g'asur i dier nonin je m'oyido fodi jokuya. Ameno lowo ma joweyo odoŋ m'ojwangere, m'ongoye ŋata oluw'iye kosa dwok'iye, lowo m'oyido ber to jwangere.