Yowel 2:27 - KITAWO MALEŊ Catholic

²⁷ Aka wilaŋeyo adieri ni, i dier Isiraili, An, kendo an Rwoth, abedo Were mewin aka ongoye man. Wickwot k'omaki ji paran kendo cil gi cil.

KITAWO MALEŊ

²⁷ Aka wilaŋeyo adieri ni, i dier Isiraili, An, kendo an Rwoth, abedo Were mewin aka ongoye man. Wickwot k'omaki ji paran kendo cil gi cil.

Yowel 2:27 ပူးပေါင်းရင်းမြစ်များ

Zabuli 46:5

Were nitie i tindi madwoŋ no, aka k'oyengere; Were bino konyo go i ŋamba.

Zabuli 68:18

Iyidho got mabor, itelo jom'omak i gar perin, t'ijolo mic kwoŋ ji, kiri kwoŋ ji perin ŋey Rwoth Were wonyali bedo kenyo.

Agecin 1:23

Winji win apuse paran, alakonjo kwoŋ win paro paran, t'amiyo win ŋeyo wac paran.

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Isaya 44:3

Kole alakonjo pi i piny m'othwo, gi waŋ pi i lowo m'othwo, alakonjo cuny paran kwoŋ nyikwayin, gi silwany paran kwoŋ nyithindho perin.

Isaya 44:8

Wikiri wikirin, kosa wibwok, fodi akiwaco riwin wok cene t'awodho kamaler? Wibedo jokony paran! Nitie were man je kwanyowoko an? Ongoye tele man, ongoye m'aŋeyo.”

Isaya 45:18

Me apaka Rwoth waco, go m'ocweyo polo, (go obedo Were!) Go ocweyo piny, (ocweyo m'ocwiny aka ma cil gi cil. Go k'ocweyo piny m'ojwangere, to ocweyo ni ji jowobed'iye.) An abedo Rwoth, aka ongoye man.

Isaya 45:5

An abedo Rwoth, aka ongoye man, ongoye were man kendo, alokin matek, makada nende ikuya an.

Isaya 45:6

Atimo gime ŋey kisi dhano je, wok yuwok ceŋ gi yupodho ceŋ, jowoŋey ni ongoye were man, abedo Rwoth, aka ongoye man kendo.

Isaya 46:9

Poyi win gigipiny ma cango con, kole abedo Were, aka ongoye man, Abedo Were, aka ongoye ŋata cale kodan.

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 53:6

Wajoje oyido wacal rombo m'orwenyo, kisi moro ocomo yo pere, to, Rwoth miyo gir'acula podho kwoŋ go, gir'acula m'oyido waŋati waripo limo.

Ezekiel 37:6

Alaketho fuc kwoŋ win, t'amiyo riŋo bino kwoŋ win, t'aumo win gi pien, t'aketho luya i win, aka wibino kwo; aka wilaŋeyo ni An Abedo Rwoth.”

Ezekiel 39:22

Joisiraili jolaŋeyo ni An Abedo Rwoth Were pajo, wok i ndelo no kadho yuwaŋe.

Ezekiel 39:28

Nyaka jobino ŋeyo ni An Abedo Rwoth Were pajo rupiri adhiro jo i katwec i dier nonin, nyaka t'acoko jo i piny pajo won. Ongoye kwoŋ jo ŋat'alaweyo cen.

Ezekiel 39:29

Ak'opan waŋan rijo kendo, k'akonjo woko cuny paran kwoŋ Joisiraili, Rwoth Were waco.

Yowel 2:26

Wilacemo to wiyeŋ, to wipako nyingi Rwoth Were mewin, go m'otieko timo gir'aura gi win. Aka wickwot k'omaki ji paran kendo cil gi cil.

Yowel 3:17

Wilaŋeyo nike An, Rwoth Were mewin, abedo i Zayon, got ma leŋo paran. Yerusalem labedo Kabedo Maleŋ, aka jokicar jok'oluw'iye kendo.

Yowel 3:21

Alaculo kwor ri remo pa ji m'oneki, aka ak'owey jobanja m'akimiyo jo gir'acula, kole Rwoth bedo i Zayon.

Zefania 3:11

I ndelo no, wik'obedi giwickwot, ro tim je m'omiyo win gwenyirok kwoŋan, kole alakwanyo woko i dier win, jonoro je, aka wik'odele kendo, wi got paran maleŋ.

Zefania 3:17

Rwoth Were perin nitie i dier win, jalweny ma miyo loyo, go lafore kwoŋin gi kisangala, go ladwoŋin gi mar pere; go lasiemere kwoŋin gi wer ma malo.

Zekaria 2:9

Kole ee acegin yengo cingan kwoŋ jo, aka ŋecin pajo jolakinyaga jo, aka wilaŋeyo nike Rwoth pa lwak jolweny ooran.

Kwan 11:29

To Musa waco rigo ni, “Nyeko makin ro an? Kabedi ji pa Rwoth je jonyalo bedo jotuci wac Were, aka bedi Rwoth oyido nyalo ketho cuny pere i jo!”

Kwan 23:21

Go fodi k'oneno silwany marac kwoŋ Yakobo, kosa teko i Isiraili. Rwoth Were pajo nitie gi jo, Jotuco nike Rwoth obedo Kere pajo.

2 Jokorintho 6:16

Tiyirok aŋo manitie i dier Ot pa Were kodi cal makicar? Kole wabedo Ot pa Were makwo! Paka Were won owaco ni, “Abino bedo i jo to awotho gi jo. Abino bedo Were pajo, aka jobino bedo ji paran.”

Kitawo mar'abic mapa Musa m'ilwoŋo ni Cik 23:14

Kole Rwoth Were mewin wotho i kambi mewin, botho win kodi jwango jokwor mewin, riameno kambi mewin ripo bedo maleŋ, ŋey go wokiri wonen gimakoc to eye woko kwoŋ win.

1 Petero 2:6

Ato ndiko waco ni, “Neni, pama onyo aketho tele ma tielo ot i Zayon, tele m'oyer ma diwelo; aka nyatoro je m'oyey go wiye kilakwot.”

Menyirok ri Yohana 21:3

Awinjo dwondi nyatoro ma luwo malo munyo waco wi kom ma dhum ni, “Pama peco pa Were nitie gi ji! Go bino bedo gi jo, aka jobino bedo ji pere. Were won bino bedo gi jo, aka bino bedo Were pajo.