Yowel 2:26 - KITAWO MALEŊ Catholic

²⁶ Wilacemo to wiyeŋ, to wipako nyingi Rwoth Were mewin, go m'otieko timo gir'aura gi win. Aka wickwot k'omaki ji paran kendo cil gi cil.

KITAWO MALEŊ

²⁶ Wilacemo to wiyeŋ, to wipako nyingi Rwoth Were mewin, go m'otieko timo gir'aura gi win. Aka wickwot k'omaki ji paran kendo cil gi cil.

Yowel 2:26 ပူးပေါင်းရင်းမြစ်များ

Cakirok 33:11

Mondo yey mic m'okel rin, rupiri Were otiyo kodan gi wor, aka rupiri anitie gi ma romo.” Yakobo oywaki gi Esau cuka ojolo mic.

Nehemia 9:25

Jomako tindin madongo matek, lowo maber, udi m'opoŋ lim, buce m'okuny ma kano pi, yen oliv, yen ma nyak nyandere, gi ndelin vini. Jocamo gima jomito je aka jopoŋ; aka jofore gi gigipiny mabeyo je m'imiyo jo.”

Zabuli 103:5

Go poŋo kwo paran gi gigipiny mabeyo, ŋey akir'ati aka abedi matek paka ango.

Zabuli 116:7

Bedi m'icwiny, cunyan, kwoŋbedo Rwoth onyuthin bero.

Zabuli 13:6

Abino wero ri Rwoth, kwoŋbedo itieko nyuthan bero.

Zabuli 22:26

Jocandi jolacemo to joyeŋ, jono ma jorango Rwoth jolapako go! Weyi jowoyindira i kisi gima jotimo.

Zabuli 37:19

Jokibino bedo giwickwot i hongo marac, jobino bedo gi ma romo i ndir ma kec.

Zabuli 67:5

Weyi ji jowopakin, Awi Were; Weyi ji je jowopakin!

Zabuli 72:18

Silwany wobedi ri Rwoth, Were pa Isiraili, go ma won kende timo gir'aura.

Agecin 13:25

Jom'otire jonigi gigipiny kweth acama, to kec neko jokidakana i jo hongo je.

Wer pa Solomon 5:1

Atieko donjo i ndelo paran, nyamin an, mweha paran, atieko coko mo maŋwe kur paran gi binzar, atieko camo mo kic paran kiri g'apede mere, atieko madho vini paran gi cak paran. Cemi win, jomitirok, aka wimedhi, cuka winomer gi mitirok.

Isaya 25:1

Awi Rwoth, ibedo Were paran, alatiŋin malo, alapako nyingin; kole itieko timo gigipiny ma gir'aura, can m'itimo cene, mar'adieri aka m'otire.

Isaya 29:22

Riameno, Rwoth, m'obotho Abraham waco ama kwoŋ ot pa Yakobo: Yakobo kilabedo i wickwot kendo, waŋe kilataro kendo.

Isaya 45:17

To Rwoth botho Isiraili, aka loyo pere bedo cil gi cil, jokilanywowere, kosa bedo i wickwot hongo je.

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 54:4

Ikir'ibedi gi lworo, kole wickwot kilamakin; Ikir'ilacere, wickwot kilamakin. Wiyin lawil gi wickwot ma soye perin, aka ikilawinjo wickwot ro bedo citho.

Isaya 55:2

Raŋo wioro pesa ri gima k'obedo cemo, gi meni mewin ri gima kiyeŋ win? Winjan win maber, aka wicam gimaber, to wiyodere gi cemo ma dicwe.

Jolevi 25:19

Aka lowo lanyak olemo mere, to wicemo to wiyeŋ, to wibed'iye maber.

Jolevi 26:26

K'aturo woko alikino ma mugat, mon apar jolatedo mugat i katedo mugat acel, aka joladwanyo mugat mewin gi peko; aka kada winocem, wik'oyeŋ.”

Jolevi 26:5

Piedhirok mewin laloyo vini ma winofon, aka vini ma winofon, laloyo gima winokec; wilacemo to wiyeŋ, to wibedo gi siem i piny mewin.

Mika 6:14

Wibino cemo, to wik'oyeŋ, aka kec bino bedo i iy win, ongoye gima wibino kano, aka ma winonyali kano abino reyo g'abor.

Zefania 3:11

I ndelo no, wik'obedi giwickwot, ro tim je m'omiyo win gwenyirok kwoŋan, kole alakwanyo woko i dier win, jonoro je, aka wik'odele kendo, wi got paran maleŋ.

Zekaria 9:15

Rwoth pa lwak jolweny lakikwonga jo, aka jolareyo to nyono piny telin ma asumulu, jolamadho remo paka jomadho vini, aka jolapoŋ paka acero, paka sondin ma migam.

Zekaria 9:17

Bero mere ocale nedi! Ŋono mere ocale nedi! Ŋano kodi vini lamiyo yac kodi nyir dongo matek.

Joroma 10:11

Kole ndiko waco ni, “Moro je ma yeyo go k'onwaŋ wickwot.”

Joroma 5:5

Geno me kikwoti wiy wan, rupiri Were otieko konjo mar pere i cuny wan, munyo omiyo wan Cuny Maleŋ, m'obedo mic pa Were riwan.

Joroma 9:33

ma ndiko luwo kwoŋe ni, “Neni, aketho i Zayon tele ma bino miyo ji cer, Tele ma bino miyo jo podho. To ŋat'oyey go, k'owey wiye wokwoti.”

Kitawo mar'abic mapa Musa m'ilwoŋo ni Cik 11:15

Go lamiyo win lum i sa mewin ri mwendi mewin, aka wilacemo to wiyeŋ.

Kitawo mar'abic mapa Musa m'ilwoŋo ni Cik 12:12

Aka wiripo forok ruwaŋ Rwoth, win, nyithindho mewin, ŋecin mewin, kodi Jolevi ma jobedo i tindin mewin paka jo jongoye g'adec kosa gir'alunja kodi win.

Kitawo mar'abic mapa Musa m'ilwoŋo ni Cik 12:18

Kole wiripo camo ruwaŋ Rwoth Were mewin i kabedo ma Rwoth Were mewin layero, win kanyacel gi nyithindho mewin, ŋecin mewin, kodi Jolevi ma jobedo i tindin mewin, ka wifore ruwaŋ Rwoth i kisi gimoro je ma witimo.

Kitawo mar'abic mapa Musa m'ilwoŋo ni Cik 12:7

Aka wiripo camo koro ruwaŋ Rwoth Were mewin, win kanyacel gi pecin mewin, ka wifore i tic mewin je ma Rwoth Were mewin omiyo win silwany.

Kitawo mar'abic mapa Musa m'ilwoŋo ni Cik 8:10

Wilacemo to wiyeŋ aka wilapako Rwoth Were mewin ri lowo maber ma go miyo win.

1 Timothe 6:17

Or jom'oŋaŋ i kwo ma piny me ni kiri jowokwoti, kosa ketho geno pajo kwoŋ gigipiny ma kigenere paka ŋaŋo, to kwoŋ Were ayino, ma poko wan gimoro je ma kisangala mawan.

1 Yohana 2:28

Ey, nyithindho paran, nere win i go, ŋey wibedi gi miseni madwoŋ ka go omenyere aka wik'opondi rigo ro wickwot i Ndelo ma go ladwok'iye.