Yowel 2:23 - KITAWO MALEŊ Catholic

²³ Awi ji ma Zayon, sangala win, aka fore win i Rwoth Were mewin; kole go otieko miyo koth marapena ma botho win, go otieko konjo piny riwin koth, koth marapena gi macowe, i dwe marapena.

KITAWO MALEŊ

²³ Awi ji ma Zayon, sangala win, aka fore win i Rwoth Were mewin; kole go otieko miyo koth marapena ma botho win, go otieko konjo piny riwin koth, koth marapena gi macowe, i dwe marapena.

Yowel 2:23 ပူးပေါင်းရင်းမြစ်များ

1 Kerin 8:36

winji jo gi polo. Cwaki reco pa kere kodi reco pa Joisiraili. Fonji jo timo gim'otire. Kenyo, Awi Rwoth, dhiri koth i lowo perin me, m'imiyo ji perin paka lim pajo alunja.”

Yobu 33:23

Kabedi nwaŋere rijo acel kwoŋ jomalaika, japido, acel kwoŋ jomalaika ganin, ŋata tuco tiro pa dhano.

Yobu 37:13

Were dhiro koth dhieko piny, go nyalo dhiro ma miyo wan gir'acula, kosa ma nyutho wan wor pere.

Zabuli 104:34

Weyi go wosangala gi wer paran, kole afore i Rwoth.

Zabuli 147:8

Go umo polo gi pondeponde, go yiko koth ri piny, go miyo lum twi i wi tendere.

Zabuli 149:2

Weyi Isiraili wosangala i jacwec pere, weyi wot Zayon jowofore i kere pajo!

Zabuli 28:7

Rwoth obedo meni paran aka kwot paran, aketho geno paran i go. Rwoth miyan kony aka sieman, apako go gi wer ma kisangala.

Zabuli 32:11

Win ma witimo gim'otire, sangala win aka fore win, ro gima Rwoth otieko timo. Win ma cuny win ler, koki win ri kisangala.

Zabuli 84:6

Paka joluwo gi i milelo Baka, lokere waŋ pi, koth ma cwir poŋo kidiwin.

Agecin 16:15

Bwonjo pa kere kelo kwo, aka ŋono pere cal gi pondeponde ma kelo koth i hongo ma cwir.

Isaya 30:21

Ka winowire racuc kosa racam, ithi win lawinjo wac yuŋey win ka waco ni, “Me a yo; woth win i iye.”

Isaya 30:23

Rwoth lamiyo koth ri kodhi ma wicwoyo i lowo, kodi ŋano, aka cemo lanyak m'owega. I ndelo no ogwaŋe mewin jolabedo gi lum kweth.

Isaya 41:16

Wilapiedho jo to koyo kudho jo, aka asur lakedho jo. Nyaka to wifore i Rwoth, wilalimo dwoŋ i Ŋataleŋ pa Isiraili.

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Yeremia 3:3

Riameno ogeŋo koth k'ocwe, aka koth ma cwir fodi k'obino. Kucel icale malaya, ingoye giwickwot.

Yeremia 5:24

Jokiwaci i cuny jo ni, “Mondo weyi win walwor Rwoth Were mawan, go m'amiyo koth i hongo mere ma ripo, koth ma oro kodi ma cwir, aka kuro riwan i hongo mere ndelin m'oyik ma keco i hongo mere.”

Ywakirok 4:2

Nyithindho ma welo ma Zayon, oyido jorom gi peko ma zahabu macil, onyo itero jo paka degi ma lowo, tic ma cingi jacwec degi.

Ezekiel 34:26

Alaloko jo kodi adec m'othoko tendere paran silwany; aka aladhiro rijo koth i hongo mere ma ripo; labedo rijo koth ma silwany.

Hoseya 6:3

Weyi waŋey, wakethi kinen ma ŋeyo Rwoth; menyirok pere obedo adieri paka ŋamba; go labino riwan paka koth ma cwe nyiknyik, paka koth cwir ma dhieko piny.”

Jolevi 26:4

alamiyo win koth mewin i hongo ma ripo, to piny nyak cemo mere, to yen ma ndelin nyak olemo mere.

Amos 4:7

Oyido amako koth kwoŋ win, munyo oyido odoŋ dwe adek to keco tundo. Oyido adhiro koth i tindi madwoŋ acel, t'akwero dhiro i tindi madwoŋ man. Koth oyido cwe i ndelo acel, aka ma koth k'ocw'iye othwo woko.

Zekaria 10:1

Kway win koth wok bongi Rwoth, i hongo ma cwir, Rwoth timo pondeponde ma kelo koth, go miyo ji koth, miyo kisi ndelo pa dhano twi cemo.

Zekaria 10:7

Efrayim labedo matek paka cwo ma jomeni, cuny jo lakisangala paka gi vini. Nyithindho pajo jolaneno to josangala, cuny jo lafore i Rwoth.

Zekaria 9:13

Kole atieko gondo Yuda paka atum bor paran, atieko timo Efrayim paka aserin mere. Alacewo wotin, Awi Zayon, kwoŋ wotin, Awi Gris, aka alacweyin paka abor pa jameni.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Tim pa Jomoor 14:17

to kad'ameno go k'odoŋ nono m'ongoye gima nyutho ni go nitie, rupiri go onyuthere ndir je i gigipiny mabeyo ma go timo: Go miyo win koth wok i polo kodi cemo m'ipidho i hongo m'otire; go miyo win cemo aka poŋo kisangala i cuny win.”

Kitawo mar'abic mapa Musa m'ilwoŋo ni Cik 11:14

kenyo go lamiyo win koth ri lowo mewin i hongo mere, koth ma cwir kodi ma oro, ŋey winyal coko ŋano, vini, kodi mo mewin.

Kitawo mar'abic mapa Musa m'ilwoŋo ni Cik 28:12

Rwoth layawo kakan ma ŋaŋo pere, polo, miyo win koth i lowo mewin i hongo ma ripo to miyo tic je ma cingi win silwany. Wilakikopa nonin kweth, to wikilabedo gi banjin pajo.

Kitawo mar'abic mapa Musa m'ilwoŋo ni Cik 32:2

Fonji paran lathon paka koth, luwo paran laŋicere paka thoyo, paka koth ma lilo i lum, paka nyidho i cemo madongo.

Jofilipi 3:1

Aka macowe, wutmera, bedi win gi kisangala i Rwoth. Gik i gim'atieko ndiko con kijokan, aka meno medo gwoko win i yeyo.

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,

Jofilipi 4:4

Sangala win i Rwoth noknok; adoko awaco ni sangala win!