Yowel 2:2 - KITAWO MALEŊ Catholic

² Labedo ndelo ma mudho kodi kumo, ndelo ma pondeponde kodi mudho m'opoto! Paka ŋamba m'oyare wi gote, tome bonyo madongo aka jomeni jobino; cal pajo oyido fodi k'obedo wok cene, kendo k'obedi ka jotieko ngoye, i luse gi luse.

KITAWO MALEŊ

² Labedo ndelo ma mudho kodi kumo, ndelo ma pondeponde kodi mudho m'opoto! Paka ŋamba m'oyare wi gote, tome bonyo madongo aka jomeni jobino; cal pajo oyido fodi k'obedo wok cene, kendo k'obedi ka jotieko ngoye, i luse gi luse.

Yowel 2:2 ပူးပေါင်းရင်းမြစ်များ

Zabuli 10:6

Joparo i cuny gin ni ongoye gima bwoko jo, aka jokinyal podho i teko.

Zabuli 97:2

Pondeponde gi mudho thoko go, go dhumo m'otire kodi tiro.

Kitawo mar'ario mapa Musa m'ilwoŋo ni Wok 10:14

Jobino i tome to jopoto i piny gibe. Obedo tome bonyo m'oyido fodi k'oneni, kosa kilaneno kendo.

Kitawo mar'ario mapa Musa m'ilwoŋo ni Wok 10:6

Jobino poŋ i udi perin kodi apa jodhum perin. Jobino bedo marac loyo gimoro je ma kwarere pajo oneno.’ ” Kenyo Musa owire to eye woko bongi Farawo.

Kitawo mar'ario mapa Musa m'ilwoŋo ni Wok 20:21

To ji jomedere cungo gi bor, aka Musa kende ama ocore cegin gi pondeponde m'opoto bongi Were.

Isaya 5:30

Jolaŋur kwoŋ Isiraili i ndelo no, paka nam ma ŋur. Aka ka nyatoro oŋiy lowo, neni, mudho gi litho kende, aka lero umere gi colo ma pondeponde.

Isaya 8:22

to joŋiyo piny, to jolaneno nyaka litho gi mudho, mudho ma nge, aka ilabolo jo i mudho mapek.

Yeremia 13:16

Miy win Rwoth Were mewin dwoŋ, ka go fodi k'okelo mudho, kendo ka tiendi win fodi k'orwombere, wi gote ka ŋamba riedo; ka wirango lero, go wiro gino i mudho madwoŋ to timo gino mudho m'opoto.

Yeremia 13:6

Aka munyo hongo okadho m'oromo, to Rwoth waco ran ni, “Ay malo ikidhi i thengi Yufrete, aka ikwany pale ma ndirino aorin kano kenyo.”

Ywakirok 1:12

Me obedo riwin gim'ongoye, win je ma wiluwo? Neni, aka ŋiy win, k'inen nitie litho ma cal gi litho paran, m'okel kwoŋan litho ma Rwoth omiyan, i ndelo ma nge pere maliel.

Ezekiel 32:7

K'atieko reyi woko, alaumo polo, t'aloko micalin pajo m'ocido; alaumo waŋceŋ gi pondeponde, aka dwe k'oliel.

Ezekiel 34:12

Paka jakwath dwaro mwendi pere ka jonitie i dier mwendi pajo m'okedhere, ameno apaka aladwaro rombo paran. Alabotho jo i kabedo je m'okedh'iye jo i ndelo ma pondeponde kodi ma mudho m'opoto.

Ezekiel 38:9

Wilamedere woth, wilabino pa koyo madwoŋ; wilabedo pa pondeponde ma umo piny, win kodi jolweny mewin je, kodi ji kweth ma jonitie gi win.

Yowel 1:6

Kole tome bonyo jotieko monjo piny paran, jomeni aka jokikwanere; lak jo cal paka lak simbwor, aka nitie gi ywothe ma cale simbwor madhako.

Yowel 2:25

Alaculo win cemo ma oro je, ma tome bonyo otieko camo, jolweny paran madwoŋ, m'adhiro kwoŋ win.

Yowel 2:31

Waŋceŋ lalokere mudho, aka dwe lalokere remo, mafodi ndelo pa Rwoth madwoŋ ma kiwacere k'obino.

Yowel 2:5

Paka derino pa cawilin, josala wi gote, paka derino pa mac, ma waŋo woko kanja, paka ji ma jomeni m'ocan jo ri lweny.

Yowel 3:4

Wibende wibedo aŋo ran, awi Tire kodi Sidon, g'adec je ma Filistia? Wiculan ma gimoro? Ka wiculan, aladwoko cul mewin, kwoŋ wiwegi ma dwir kendo ma piyo.

Amos 4:13

Kole neni, ŋat'ocweyo gote, to cweyo koyo, aka kedho ri nyatoro gima nitie i paro pere, ŋata loko odieceŋ wor, aka wotho i boro ma piny Rwoth, Were pa lwak jolweny, meno nyingi go!

Zefania 1:7

Bedi liŋ ruwaŋ Rwoth Were! Kole ndelo pa Rwoth orikere, Rwoth otieko yiko cowirok, go otieko loko wendo pere maleŋ.

Zekaria 14:6

I ndelo no lero kosa ŋico k'obedi.

Matayo 24:21

Ato i hongo no candirok madwoŋ kidho bedo, ma fodi yado k'obedo ye wok i cakirok pa piny tundo pama, aka gima pameno odoko k'obedi kendo.

Mariko 13:19

Kole i ndelo no candirok madwoŋ bino bedo ma fodi yado k'obedo ye wok i cakirok pa piny, aka odoko k'obedi.

Kitawo mar'abic mapa Musa m'ilwoŋo ni Cik 32:7

Poyi ndelo ma cen, par kwoŋ luse macon, penji benin aka lakowo rin, jom'otegino jolawaco rin.

Joebulaniya 12:18

Fodi wikitundo, paka Joisiraili, bongi gima winyalo geyo, paka got Sinai man gi mac maliel; fodi wikitundo i mudho gi kidisa pa piny gi koyo,

Yuda 1:13

Jocale kitula pa pi i nam, aka tim pajo ma wickwot yenyo malo pa bwoyo. Jocale micalin m'ocot, ma Were otieko yiko rijo kabedo ma cil gi cil i mudho.

Menyirok ri Yohana 9:2

Malaika no oyawo mwombe no, aka yiro owok'iye, pa yiro ma wok i kendo m'ombo. Yiro no oloko lero ma ceŋ kodi polo macol.