Yohana 6:40 - KITAWO MALEŊ Catholic

⁴⁰ Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

KITAWO MALEŊ

⁴⁰ Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Yohana 6:40 ပူးပေါင်းရင်းမြစ်များ

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 53:2

Ŋeca pa Rwoth odongo paka dudi ma nyaka rwako fuc i lowo m'othwo. Go oyido ongoye gi dwoŋ kosa ŋono, m'omiy waŋiy go, kosa cal moro kwoŋe ma d'oyway cuny wan, kosa ŋono ma d'omiy wawanya go.

Kwan 21:9

Ameno Musa otimo thwol ma ywel, to ketho wi yath, aka kisi ka thwol okayo dhano, ŋato ŋiyo thwol ma ywel to kwo.

Matayo 10:15

Adieri awaco riwin, ndelo ma thumo banja bino bedo marac ri tindi no loyo Sodom kodi Gomora.”

Matayo 25:46

Gikenyo jobino eye bonge to jodonjo i gir'acula makirum, aka jomabeyo jobino donjo i kwo makirum.”

Mariko 16:16

Ŋat'oyey t'ibatisa go bino both; ŋat'okwer yeyo ilathumo banja rigo.

Luka 2:30

Kole waŋan otieko neno both

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 10:28

Amiyo jo kwo makirum, aka jokibino tho; ongoye moro ma bino mayan jo.

Yohana 11:24

Go odwoko ni, “Aŋeyo ni go bino cerino i ndelo ma rumacen.”

Yohana 11:25

Yesu owaco rigo ni, “Aŋat'abedo kisukina kodi kwo; ŋata yeyan bino kwo, kada go otho;

Yohana 12:45

Ŋata nenan meno neno ŋat'ooran bende.

Yohana 12:50

Aka aŋeyo nike or pere kelo kwo makirum. Am'omiyo gim'awaco je, awaco paka Baba ooran waco.”

Yohana 14:17

meno Cuny mar'adieri ma piny kinyal jolo, rupiri kinyal neno go kosa ŋeyo go. To wiŋeyo go, rupiri go nitie gi win aka bino bedo i win.”

Yohana 14:19

I hongo macek piny kilanenan kendo, to wibino nenan; aka paka akwo, wibende wibino kwo.

Yohana 17:2

Kole imiyo go meni kwoŋ ji je, ŋey go womiy joma imiyo go je kwo makirum.

Yohana 3:36

Ŋata yeyo Wode nitie gi kwo makirum; ŋata kiwinji Wode k'olimi kwo, to keme pa Were ama bino tundo rigo.

Yohana 4:14

to ŋat'omadhi pi m'abino miyo go odoko kilawinjo riyo kendo. Aka pi m'anomiy go bino lokere i go waŋ pi ma mol to miyo go kwo makirum.”

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

Yohana 6:39

Me a gima ŋat'ooran yenyo ni atim: Nike ji je ma go omiyan kiri joworweny kad'acel, to nike acerino jo i kwo i ndelo ma rumacen.

Yohana 6:44

Ongoye ŋata nyalo bino bongan kwanyo woko ka Baba m'ooran oywayo go bongan; aka abino cerino go i ndelo ma rumacen.

Yohana 6:54

Ŋata camo delkwoŋan aka madho remo paran nitie gi kwo makirum, aka abino cerino go i ndelo ma rumacen.

Yohana 8:56

Bawin Abraham osangala nike oyido laneno ndelo paran; oneno aka osangala.”

Joroma 5:21

Am'omiyo, paka gimarac odhumo i royo ma tho, ameno bende nema pa Were dhumo i royo ma kwanyo woko banja kwoŋ ji, munyo tero jo i kwo makirum kwoŋ Yesu Kristo Rwodhiwan.

Joroma 6:23

Kole kemba pa gimarac obedo tho; to mic ma Were miyo wan obedo kwo makirum i Kristo Yesu Rwoth mawan.

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Joebulaniya 11:1

Onyo bedo gi yeyo meno ŋeyo adieri nike wabino limo gigipiny ma wageno, bedo gi ridho ni wabino limo gigipiny ma wakinen.

Joebulaniya 11:27

Yeyo am'omiyo Musa oweyo Misir ma k'olworo nge pa kere; go ociro rupiri oyido neno Were ma kinenere.

1 Petero 1:8

Wimaro go kada fodi wikineno go; wiyeyo go, kada pama wikinen go; aka winigi kisangala ma didwoŋ ma kiwacere,

1 Yohana 2:25

Aka me a gima Kristo won gipi ociko miyo wan: Manago kwo makirum.

Yuda 1:21

Bedi win i mar pa Were kareno wikuro wor pa Rwodhiwan Yesu Kristo, ma bino kelo riwin kwo makirum.