Yohana 6:39 - KITAWO MALEŊ Catholic

³⁹ Me a gima ŋat'ooran yenyo ni atim: Nike ji je ma go omiyan kiri joworweny kad'acel, to nike acerino jo i kwo i ndelo ma rumacen.

KITAWO MALEŊ

³⁹ Me a gima ŋat'ooran yenyo ni atim: Nike ji je ma go omiyan kiri joworweny kad'acel, to nike acerino jo i kwo i ndelo ma rumacen.

Yohana 6:39 ပူးပေါင်းရင်းမြစ်များ

Yeremia 23:4

Alaketho jokwath ma kikwonga. Ji paran jok'obedi malwor kendo, kosa jok'obwok, kosa ongoye m'orweny, Rwoth waco.”

Matayo 10:15

Adieri awaco riwin, ndelo ma thumo banja bino bedo marac ri tindi no loyo Sodom kodi Gomora.”

Matayo 18:14

I royo acel, Bawin manitie i polo bende kiyeny acel kwoŋ jomathindho me rwenyo.”

Luka 12:32

“Wikiri wibedi malwor, nyaka rombo paran! Kole Bawin sangala gi miyo win Ker.

Yohana 12:48

Nitie ŋata bino thumo banja ri nyatoro je ma kweran aka kijol fonji paran; wac m'atieko luwo ama bino bedo jathum rigo banja i ndelo ma rumacen,

Yohana 17:12

I hongo m'onwaŋo an gi jo, akuro jo maber gi meni ma nyingin m'imiyan. Agwoko jo, aka kwoŋ jo ongoye ŋat'orwenyo, kwanyo woko ŋati m'amien oyido ripo podho rigo ŋey gima ndiko waco wotimere.

Yohana 17:2

Kole imiyo go meni kwoŋ ji je, ŋey go womiy joma imiyo go je kwo makirum.

Yohana 17:24

“Baba, itieko miyan jo, aka ayenyo jowobedi kodan kam'an'iye, jowonyal neno dwoŋ paran m'imiyan; kole imaran kiri mafodi k'ocwey piny.

Yohana 17:6

“Atieko miyo nyingin ŋeyirok i waŋ ji m'imiyan wok i piny. Jo oyido jobedo ji perin, to imiyan jo aka jotieko mako wac perin.

Yohana 17:9

“Akwayo rijo. Akikway ri piny, to ri ji m'imiyan, rupiri jobedo aperin.

Yohana 18:9

Gime otimere ama, ŋey gima ndir no go owaco wotundi i kare ni, “Ongoye kad'acel m'orwenyo kwoŋ joje m'imiyan.”

Yohana 5:28

Wikiri widhier kwoŋ gime; kole ndir bino ma jom'otho je ma jonitie i kaliel jobino winj'iye dwonde,

Yohana 6:37

Moro je ma Baba miyan bino bongan. Ak'oriem woko nyatoro je m'obin bongan.

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Yohana 6:44

Ongoye ŋata nyalo bino bongan kwanyo woko ka Baba m'ooran oywayo go bongan; aka abino cerino go i ndelo ma rumacen.

Yohana 6:54

Ŋata camo delkwoŋan aka madho remo paran nitie gi kwo makirum, aka abino cerino go i ndelo ma rumacen.

Joroma 8:11

Ka Cuny Maleŋ pa Were m'ocerino Yesu kwoŋ jom'otho nitie i win, meno ŋat'ocerino Kristo kwoŋ jom'otho bende bino miyo delkwoŋ win ma tho no kwo ro Cuny Maleŋ ma bedo i win.

1 Jokorintho 6:14

Were ocerino Rwoth kwoŋ jom'otho, aka go bende bino cerino wan i meni pere.

2 Timothe 2:19

To tiendi geto m'ocwiny ma Were otieko ketho kiyengere, aka me a wac m'ondiki kwoŋe: “Rwoth oŋeyo joma jobedo apere.” Odoko ni, “Nyatoro je m'obedo apa Rwoth ripo eye woko kwoŋ tim mareco.”

Yakobo 5:15

Kwayo ma yeyo, bino botho jatwo; aka Rwoth bino tiŋo go malo, aka reco ma go otimo ibino cwako.

1 Petero 1:5

Ato ro yeyo mewin am'omiyo meni pa Were kuro win cuka tundo ndelo ma both m'oyik nyutho ka ndir otundo.

Yuda 1:1

An Yuda, jatic pa Yesu Kristo, kendo omin Yakobo, andiko balwa me ri joma Were olwoŋo ma jonitie i mar pa Were Bawan kodi kur pa Yesu Kristo.

1 Samwiri 25:29

Ka nyatoro moro omonjin to temo nekin, Rwoth Were perin bino gwoko kwo perin paka ŋata gwoko lim pere ma welo. To jokwor perin Rwoth bino lilo woko kwo pajo pa ŋata lilo tele gi asumulu.