Yohana 5:39 - KITAWO MALEŊ Catholic

³⁹ Wifonjere Ndiko Maleŋ rupiri wiparo ni wibino nwaŋ'iye kwo makirum; aka kole Ndiko no ama luwo kwoŋan!

KITAWO MALEŊ

³⁹ Wifonjere Ndiko Maleŋ rupiri wiparo ni wibino nwaŋ'iye kwo makirum; aka kole Ndiko no ama luwo kwoŋan!

Yohana 5:39 ပူးပေါင်းရင်းမြစ်များ

Zabuli 1:2

To nwaŋo kisangala i luwo cik pa Rwoth, aka fonjere kwoŋe wor g'odieceŋ.

Zabuli 119:11

Aluwo cik perin i cunyan, ŋey akir'atim reco kwoŋin.

Zabuli 133:3

Cal thoyo wi got Hamon, ma podho i riete ma Zayon. Kole kenyo ama Rwoth ociko silwany pere, kwo m'ongoye gi gike.

Zabuli 16:11

Ibino nyuthan yo ma kelo kwo, kisangala opoŋ ruwaŋin, aka cingin maracuc kelo kisangala ma cil gi cil.

Zabuli 21:4

Go okwayin kwo, t'imiyo go, kwo mabor ma cil gi cil.

Zabuli 36:9

Kole in iŋat'imiyo kwo, aka i lero perin waneno lero.

Agecin 6:23

Kole or obedo tala aka fonji obedo lero, aka tiro kula obedo yo ma kwo.

Isaya 34:16

Rangi aka wisoma gima wok i kitawo pa Rwoth; ongoye kwoŋ cwec me ma kilabedo, je jolabedo ma jacwo gi madhako. Kole dhok Rwoth otieko wodho or, aka cuny pere otieko coko jo.

Isaya 8:20

Ri fonji gi mijulisi! Adieri ri wac ma joluwo me jokilaneno lero.

Yeremia 8:9

Ilakwoto wiy jomariek, jolamienere t'imako jo; paka onyo jotieko kwero wac pa Rwoth, rieko aŋo manitie i jo?

Matayo 22:29

Yesu odwoko jo ni, “Wipodho swa, rupiri wikuya Ndiko Maleŋ kosa meni pa Were,

Mariko 10:3

Yesu odwoko ni, “Musa cango ooro win timo nedi?”

Mariko 12:10

Fodi wikisoma i ndiko ma waco ni, “Kole tele ma jogeto jocayo ni bukony am'olokere tele ma thielo kindi ot;

Luka 16:29

Abraham owaco ni, ‘Kole jonitie gi fonji pa Musa kodi apa jotuci wac Were; weyi wutmin in jowowinji fonji pa jono.’

Luka 16:31

To Abraham waco rigo ni, ‘Ka jok'onyal winjo wac pa Musa kodi apa jotuci wac Were, meno bende jok'owinji makada nende nyatoro oay wok bongi jom'otho to kidho.’ ”

Luka 24:25

Gikenyo Yesu owaco rijo ni, “A ji mamiŋ, aka wiboli i yeyo g'icuny win gimoro je ma jotuci wac Were jowaco!

Luka 24:27

Yesu otito rijo gima Ndiko Maleŋ oluwo kwoŋe cako kwoŋ kitawin pa Musa tundo i ndiko pa jotuci wac Were je.

Luka 24:44

Gikenyo owaco rijo ni, “Me gigipiny ma yado amaro waco riwin munyo fodi anitie gi win, ni gimoro je m'ondiki kwoŋan i Cik pa Musa, i ndiko pa jotuci wac Were, kodi i Zabuli onwaŋo ripo timirok.”

Yohana 1:45

Gikenyo Filipo onwaŋo Nathanel to waco rigo ni, “Watieko nwaŋo ŋata Musa ondiko kwoŋe i kitawo ma Cik, kodi ŋata jotuci wac Were jondiko kwoŋe. Go obedo Yesu, wod Yozefu ma Nazareth.”

Yohana 5:32

to nitie ŋatiman ma cungo aka luwo kaparan, aka aŋeyo nike gima go waco kwoŋan otire.”

Yohana 5:36

To wac ma an awodh'iye kony dwoŋ loyo kiri ma Yohana omiyo: Ato tic ma an atimo obedo ma Baba am'omiyan timo, aka tic no nyutho kamaler ni Baba ama ooran.

Yohana 5:40

To je fodi wikiyey bino bongan limo kwo.”

Yohana 5:46

Bedi wiyeyo Musa, d'onyo wiyeyan bende, rupiri go ondiko gima mako kwoŋan.

Yohana 7:52

Jodwoko ni, “Kere ibende iwok yu Galili? Fonjere ye Ndiko Maleŋ, aka inoniaŋ ni jatuci wac Were ongoye ma wok Galili!”

Tim pa Jomoor 13:27

Kole ji ma Yerusalem kodi jotel pajo jok'oŋeyo nike go a Jaboth, aka jok'oniaŋ kada wac pa jotuci wac Were m'isoma i kisi Sabato. Kad'ameno wac pa jotuci wac Were otundo i kare munyo jothumo ri Yesu banja ma tho.

Tim pa Jomoor 17:11

Joyuda ma kenyo oyido joneno bor loyo ma Thesalonika. Jociko ithi gin winjo fonji gi maro madwoŋ, aka ndelo je bin jofonjere Ndiko Maleŋ jowoneni k'agima Paulo ofonjo jo oyido obedo adieri.

Tim pa Jomoor 26:27

Kere Agripa, iyeyo wac pa jotuci wac Were? Aŋeyo ni iyeyo.”

Joroma 1:2

ma Were cango ociko munyo oro jotuci wac pere, t'iketho i Ndiko Maleŋ.

Joroma 3:2

Nitie bero m'oromo ma bedo Jayuda. Kutho marapena, Were ogeno Joyuda to miyo jo mikwenda pere.

Kitawo mar'abic mapa Musa m'ilwoŋo ni Cik 18:15

Rwoth Were mewin lamiyo win jatuci wac Were ma cale kodan wok i dier win, wok kwoŋ wutmin win, aka ama wiripo winjo go.

Kitawo mar'abic mapa Musa m'ilwoŋo ni Cik 18:18

Alayero rijo jatuci wac Were ma cale kodin wok i dier jo; aka alaketho wac paran i dhok jatuci wac Were, ma lawaco rijo gimoro je m'amiyo or kwoŋe.

Kitawo mar'abic mapa Musa m'ilwoŋo ni Cik 29:29

“Gigipiny m'opanere obedo apa Rwoth Were mawan, aka gigipiny m'omenyere obedo mawan kodi nyikway wan cil gi cil, timo wac je ma cik me.”

Kitawo mar'abic mapa Musa m'ilwoŋo ni Cik 32:47

Kole wac me k'obedo manono riwin, t'obedo wac ma kwo, aka luw'iye winyal kiyindira i lowo ma wicegin kalo Yordan bed'iye.”

Jokolosia 3:16

Weyi mikwenda pa Kristo gi ŋaŋo mere je, wobedi i cuny win, munyo wifonjo aka wimedo jowoti win meni gi rieko je, kareno wiwero wer Zabuli, kodi wer ma cuny ka wifoyo Were i cuny win.

Joebulaniya 11:16

Kucel, oyido jomiyo piny maber loyo, m'obedo piny manyapolo. Am'omiyo Were wiye kikwoti lwoŋirok ni Were pajo, rupiri otieko yiko rijo tindi.

Joebulaniya 11:35

Yeyo omiyo ocerino ri mon ji pajo m'onwaŋo jotho. Joman ocandi jo to jokwero woko kiri siem, to jotho i litho ŋey wocerino jo i kwo maber loyo.

Yosuwa 1:8

Kitawo ma cik me wokiri woeye i dhokin; ifonjere kwoŋe odieceŋ gi wor, ŋey inyal gwokirok timo paka ondiki kisi gimoro je manitie i iye. Nyaka kenyo ilaloko yo perin maber, aka lakadho kodin maber.

Menyirok ri Yohana 19:10

Gikenyo agore piny dho tiende ni alam go, to go owaco ran ni, “Ikir'itim ameno! A jatic nyawotin, acel kwoŋ wutmin in ma joridho adieri pa Yesu. Lami Were ayino! Kole adieri pa Yesu ama gudo cuny jatuci wac Were.”