Yohana 5:37 - KITAWO MALEŊ Catholic

³⁷ Aka Baba m'ooran, bende otieko luwo kwoŋan. Fodi wikiwinjo dwonde, odoko fodi wikineno cal pere,

KITAWO MALEŊ

³⁷ Aka Baba m'ooran, bende otieko luwo kwoŋan. Fodi wikiwinjo dwonde, odoko fodi wikineno cal pere,

Yohana 5:37 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 20:19

Jowaco ri Musa ni, “Luw gi wan aka wawinji, to k'iweyo Were luwo gi wan wabino tho.”

Isaya 26:10

K'onyuthi jokidakana wor, jokilafonjere timo gim'otire. I lowo pa joma timo gim'otire, go timo komo, aka kinen meni pa Rwoth ma dhum.

Matayo 17:5

Munyo go oyido fodi luwo, pondeponde matar obino to thoko jo aka dwondi moro m'owok i pondeponde owaco ni, “Me Wodan m'amaro kendo asangala gine; winji win go!”

Matayo 3:17

Gikenyo dwondi nyatoro oluwo wok i polo ni, “Me a Wodan won m'amaro, aka asangala gine.”

Mariko 1:11

Aka dwondi jo moro owok i polo ma waco ni, “In i Wodan m'amaro, asangala kodin.”

Luka 24:27

Yesu otito rijo gima Ndiko Maleŋ oluwo kwoŋe cako kwoŋ kitawin pa Musa tundo i ndiko pa jotuci wac Were je.

Luka 3:22

Gikenyo Cuny Maleŋ oloro to pie kwoŋe i cal p'akuru, to dwondi jo moro wok i polo ma waco ni, “In i Wodan m'amaro; kendo asangala swa kodin.”

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 14:9

Yesu odwoko ni, “Atieko bedo gi win hongo malac ama je, to fodi ikuya an, Filipo? Moro je m'otieko nenan meno otieko neno Baba. To raŋo ma wiwaco ni, ‘Nyuthi wan Were Bawan?’

Yohana 15:24

Bedi fodi akitimo i dier jo tic m'oyido fodi ongoye ŋat'otimo, di jongoye gi raco; to pama onyo jotieko neno gim'atimo aka jodak wan gi Baba.

Yohana 5:32

to nitie ŋatiman ma cungo aka luwo kaparan, aka aŋeyo nike gima go waco kwoŋan otire.”

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

Yohana 8:18

Aridho adieri ma mako kwoŋan won, aka Baba m'ooran bende ridho adieri ma mako kwoŋan.”

Kitawo mar'abic mapa Musa m'ilwoŋo ni Cik 4:12

Rwoth oluwo gi win wok i mac. Wiwinjo derino ma wac pere to wikineno cal pere, nyaka obedo dwondi go.

1 Timothe 1:17

Ri Kere ma cil gi cil, makitho aka kinenere, m'obedo Were kende, wor gi dwoŋ wobedi cil gi cil. Ameno.

1 Timothe 6:16

Go kende ama kitho, go bedo i lero ma moro kinyal core cegin gine. Ongoye ŋata fodi oneno go, odoko ongoye ŋata nyalo neno go. Ri go dwoŋ wobedi kodi meni ma cil gi cil. Ameno.

1 Yohana 4:12

Ongoye ŋata fodi oneno Were, to ka wamare, meno Were bedo i wan aka mar pere bino roci maber i wan.

1 Yohana 4:20

Ka nyatoro waco ni, omaro Were ma to go fodi odak omin, meno go jatwodo, kwoŋbedo go kinyal maro Were mafodi go k'oneno, to kwero maro omin ma go otieko neno.

1 Yohana 5:9

K'inen wayeyo wac pa ji ka joridho gine adieri moro, meno waripo yeyo apa Were madwoŋ loyo; aka me a wac ma Were ridho kwoŋ Wode.