Yohana 5:19 - KITAWO MALEŊ Catholic

¹⁹ Gikenyo Yesu odwoko ni, “Adieri awaco riwin, Wod Were kitim gimoro gi meni pere won; to go timo gim'oneno Bamere timo. Gima Bamere timo ama Wode bende timo.

KITAWO MALEŊ

¹⁹ Gikenyo Yesu odwoko ni, “Adieri awaco riwin, Wod Were kitim gimoro gi meni pere won; to go timo gim'oneno Bamere timo. Gima Bamere timo ama Wode bende timo.

Yohana 5:19 ပူးပေါင်းရင်းမြစ်များ

Cakirok 1:1

I cakirok Were ocweyo polo gi piny.

Cakirok 1:26

Kenyo Were owaco ni, “Aka onyo pama walacweyo ji i cal mawan, aka jowocale wan; aka weyi jowodhum rec ma nam, winyin ma koyo kodi ogwaŋe ma peco kodi madudi.”

Zabuli 138:3

I ndelo m'alwoŋin, idwokan, idwoko meni ma cunyan.

Zabuli 27:14

Kuri Rwoth, bedi matek, aka weyi cunyin wobedi matek, ey kuri Rwoth.

Zabuli 50:6

Polo waco ni Were timo gi tiro, kole Were won obedo jathum banja.

Kitawo mar'ario mapa Musa m'ilwoŋo ni Wok 4:11

Kenyo Rwoth owaco rigo ni, “Ŋa m'ocweyo dhok nyatoro? Ŋa m'amiyo go bedo obadha, kosa ithe tho? Ŋa ma miyo go neno kosa waŋe tho? K'obedo an Rwoth?

Agecin 2:6

Kole Rwoth ama miyo rieko, wok i dhok go ŋeyo gi niaŋ jobino.

Isaya 44:24

Rwoth, Jaboth perin waco ama, go m'ocweyin i ici. Abedo Rwoth, m'otimo gigipiny je, go kende m'orieyo polo, an m'awon ayaro piny,

Isaya 45:24

Jolawaco ni i Rwoth kende, ama gim'otire gi meni wok'iye. To jono je ma jodakan, wickwot lamako jo.

Yeremia 17:10

An Rwoth, arango cuny ji t'atemo adundin pa ji. Atiyo gi kisi dhano cungo kwoŋ tim pere, cungo kwoŋ gima go timo.

Matayo 26:39

Aka munyo go omedere yumalo nyaka mathin, opodho gi nyime to kwayo. To waco ni, ‘Baba, ka nyalere, weyi agwata me woeye bongan. To weyi wobedi paka iyenyo makiweno paka an ayenyo.’ ”

Luka 21:15

Kole abino miyo win wac kodi rieko ma ongoye jakwor mewin ma bino ciro kosa kwero gima wiwaco.

Yohana 10:18

Ongoye ŋata kwanyo kwoŋan kwo me. Awon arwenyo woko gi mito paran. Anitie gi meni ma rwenyo go woko, kendo anitie gi meni ma dwoko go. Me gima Baba ooran timo.”

Yohana 12:49

rupiri akiluwo gi meni paran won, to Baba am'ooran gim'aripo waco kodi luwo.

Yohana 12:50

Aka aŋeyo nike or pere kelo kwo makirum. Am'omiyo gim'awaco je, awaco paka Baba ooran waco.”

Yohana 14:10

Wikiyey, ni anitie i Baba aka Baba ni i An? Wac m'atieko waco riwin, kiwoki bongan an won. Baba ma bedo i an, ama timo tic pere.

Yohana 2:19

Yesu odwoko ni, “Kedhi win woko Ot pa Were me aka i hongo ma ndelo adek abino gero kendo.”

Yohana 3:3

Yesu odwoko ni, “Adieri awaco rin, ongoye ŋata nyalo neno Ker pa Were kwanyo woko k'onywole madirio.”

Yohana 5:21

rupiri paka Bamere cerino jom'otho aka miyo jo kwo, apaka Wode bende miyo joma go oyenyo kwo.

Yohana 6:38

Kole abino i piny wok i polo timo gima ŋat'ooran yenyo, makiweno gim'awon ayenyo.

Yohana 8:28

Gikenyo Yesu owaco rijo ni, “Ka witieko ŋawo malo Wod Dhano nyaka wibino ŋeyo ni, ‘An ago.’ Wibino ŋeyo nike akitim gimoro gi wi tungan, t'awaco gima Baba ama ofonjan.

Yohana 9:4

Kafodi piny ler waripo timo tic pa ŋat'ooran, mudho bino, ma ongoye dhano m'onyal tic.

Tim pa Jomoor 2:24

To Were ocerino go kwoŋ jom'otho; okwanyo go woko i litho ma tho, rupiri onwaŋo kinyalere nike tho wotwey go.

Joroma 6:4

Riameno, batisimo mawan nyutho ni oyiki wan bende gi Yesu kendo wariwere gine i tho pere, ŋey paka Kristo ocerino kwoŋ jom'otho ro meni pa Bamere M'oasere, ameno bende wanyalo bedo i kwo manyen.

Joroma 8:11

Ka Cuny Maleŋ pa Were m'ocerino Yesu kwoŋ jom'otho nitie i win, meno ŋat'ocerino Kristo kwoŋ jom'otho bende bino miyo delkwoŋ win ma tho no kwo ro Cuny Maleŋ ma bedo i win.

1 Jokorintho 15:12

Onyo k'itito ni Kristo ocerino kwoŋ jom'otho, jomegi kwoŋ win odoko jowaco nedi ni cerino pa jom'otho ongoye?

2 Jokorintho 4:14

rupiri waŋeyo ni Were, m'ocerino Rwoth Yesu i kwo, bende bino cerino wan gi Yesu to kelo wan kanyacel gi win ruwaŋe.

2 Jokorintho 5:10

Kole wajoje waripo cungo ruwaŋ Kristo, go wothum riwan banja, ŋey kisi dhano kwoŋ wan wolimi gima ripo gine cungo kwoŋ gima go otimo gi delkwoŋe, maber kosa marac.

Joefeso 2:5

kad'oyido watho i cuny wan ro turo cik ma waturo, omiyo walimo kwo kanyacel gi Kristo; aka wiboth cungo kwoŋ nema pa Were.

Joefeso 3:16

Akwayo Were ni cungo kwoŋ dwoŋ pere m'oasere, womiy win meni i cuny win, gi meni pa Cuny Maleŋ pere.

Jofilipi 3:21

Go bino wiro delkwoŋ wan manyap ma tho me, to loko ma cale gi delkwoŋe won ma didwoŋ, kareno oro meni ma go nyalo kelo gine gigipiny je i dhum pere.

Jofilipi 4:13

Anyalo timo gimoro je i Kristo ma miyan meni.

Jokolosia 1:11

Weyi Were woloki win jom'otegino gi meni ma wok i dwoŋ pere m'oasere, ŋey winyal ciro gimoro je gi diyo cuny kodi kisangala.

Jokolosia 1:16

Kole luwo kwoŋ go Were ocweyo gimoro je i polo kodi i piny gi gigipiny ma nenere kodi ma kinenere, kada kom ma dhum, kosa meni, kosa jodhum, kosa rwodhe. Were ocweyo gimoro je luwo kwoŋ go kendo rigo.

1 Jothesalonika 4:14

Ato paka wayeyo ni Yesu otho aka ocerino kendo, meno wayeyo ni Were bende bino dwoko joma jotieko nindo i Yesu kanyacel gine.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

Menyirok ri Yohana 2:23

Abino kisika nyithindho pere bende, aka kitipin pa jom'oyeyo je jobino ŋeyo nike a jameny cuny ji gi ŋeyo paro pa ji. Abino culo kisi dhano kwoŋ win cungo kwoŋ gima go otimo.