Yohana 4:18 - KITAWO MALEŊ Catholic

¹⁸ rupiri itieko nywomirok gi cwo abic, aka ŋata pama ibedo gine no bende k'obedo cworin. Iwaco gir'adieri.”

KITAWO MALEŊ

¹⁸ rupiri itieko nywomirok gi cwo abic, aka ŋata pama ibedo gine no bende k'obedo cworin. Iwaco gir'adieri.”

Yohana 4:18 ပူးပေါင်းရင်းမြစ်များ

Cakirok 20:3

Wor acel Were onenere ri Abimelek i lek, aka owaco rigo ni, “Neni itieko tho rupiri dhako m'ibedo gine otieko nywomere.”

Cakirok 34:2

Munyo Sekem wod pa Hamor Jahivi m'oyido obedo rwoth mar'adec oneno go, otero go to riyo go nindo gine.

Cakirok 34:31

To jodwoko go ni, “Go nyalo tero nyamin wan paka malaya?”

Yeremia 3:20

Kucel, paka dhako ma jabanirok ma weyo cwore, ameno apaka wibanere ran, awi Joisiraili.

Ezekiel 16:32

Awi dhako ma jakidakana, ma weyo cwore to timo cot gi jokicar.

Ezekiel 16:35

Riameno, winji gima Rwoth waco, awi Yerusalem, malaya.

Kwan 5:29

Me a cik ka dhawirok obedi, ka dhako opor gicen kafodi nitie iy'adhum pa cwore to kocere,

Mariko 10:12

aka ameno bende, dhako ma pokere gi cwore to nywomere gi jacwo man, meno timo cot.”

Yohana 4:16

Yesu owaco rigo ni, “Kidhi ilwoŋ cworin idwoki gine ka”

Yohana 4:17

Dheno odwoko ni, “Angoye gi cworan.” Ana Yesu ni, “Itire waco ni ingoye gi cworin,

Yohana 4:19

Dhako no owaco ni, “Jadwoŋ, onyo aniaŋ ni kere i jatuci wac Were.

Joroma 7:3

Am'omiyo, ka go obedo gi jacwo man munyo fodi cwore nitie, ibino tero go paka jatim cot; to ka cwore otieko otho, go nitie i siem i kite ma cik, aka go kitim cot ka go odoko obedo gi jacwo man.

Joebulaniya 13:4

Ji je joripo miyo nywomirok dwoŋ, aka jacwo gi dhako joripo kurok i nywomirok pajo i leŋo, rupiri Were bino thumo banja ri jocot kodi joma turo cik ma nywomirok.

Ruth 4:10

Medo kwoŋ meno, Ruth nyar Jamowab ciliendi Mahilon lokere dhako paran. Gime bino miyo lim pa Mahilon wodoŋ i nyingi go; aka nyinge kilarere i dier ji gi piny pere. Wibedo jokony ma gime konon”.