Yohana 3:34 - KITAWO MALEŊ Catholic

³⁴ Ŋata Were ooro, luwo wac pa Were, rupiri Were miyo go Cuny Maleŋ m'opoŋ ma k'obuyo.

KITAWO MALEŊ

³⁴ Ŋata Were ooro, luwo wac pa Were, rupiri Were miyo go Cuny Maleŋ m'opoŋ ma k'obuyo.

Yohana 3:34 ပူးပေါင်းရင်းမြစ်များ

2 Kerin 2:9

Gikenyo Elia openjo Elisa ni, “Kway gim'imito atim rin mafodi k'okwanyan woko bongin.” Elisa odwoko ni, “Weyi alimi kwoŋ meni perin ma bino miyan lunjo waŋin.”

Zabuli 45:7

aka imaro gim'otire t'idak kidakana. Riameno Were, Were perin otieko yerin, aka omiyin kisangala maloyo, m'omiyo kerin man.

Isaya 59:21

Aka ri an, Rwoth waco, me cikirok paran gi jo. Cuny paran nitie kwoŋ win, aka wac paran m'atieko ketho i dhok win kilaeye i dhok win, kosa i dhok nyithindho mewin, kosa dhok nyikway win, wok pama kadho yuwaŋe gi cil gi cil.

Jolevi 7:35

Me adec pa Aron kodi wote, wok kwoŋ mic m'iwaŋo ri Rwoth gi mac, wok i ndelo ma go oketho jo tic paka jocway ri Were i wi migam pa Rwoth.

Kwan 11:25

Kenyo Rwoth oloro piny i pondeponde to luwo gine, to kwanyo cuny moro m'oyido nitie kwoŋe to ketho kwoŋ cwo ma jotegino piero abirio; aka munyo cuny no oloro kwoŋ jono, to jotuco wac pa Were; to jok'omedo kendo.

Matayo 12:18

“Panen jatic paran m'atieko yero m'amaro aka cunyan sangala gine. Abino ketho Cuny Maleŋ paran i go, aka go bino tuco tiro ri nonin je.

Luka 4:18

“Cuny pa Rwoth opoŋ kwoŋan, rupiri owiran gi mo ma tito Wac Manyen Maber ri jocandi. Ooran waco ri jom'otwey ni otiek gonyo jo, kendo ri joma waŋ jo otho, ni otiek yawo waŋ jo, aka ri jom'onwaŋo odiy jo ni onyo owey jo i siem.

Yohana 1:16

Adieri, wajoje watieko nwaŋo nema wi nema kwoŋ ŋaŋo pere.

Yohana 15:26

“Ka Jamiy rieko, m'obedo Cuny mar'adieri m'anodhiri riwin, ma loro wok bongi Baba obin, go bino luwo kwoŋan.

Yohana 16:7

To adieri awaco riwin: Bedo gimaber riwin ka akadho, rupiri ka akikadho, Jamiy rieko kilabino bongi win. To k'atieko kadho, nyaka abino dhiro riwin go.

Yohana 3:17

Ato Were k'ooro Wode i piny ka nike wothum ri piny banja, to ni piny wonyali limo both kwoŋ go ayino.

Yohana 5:26

Ato paka Baba nigi kwo kwoŋe, apaka otieko miyo Wode bende bedo gi kwo kwoŋe.

Yohana 7:16

Yesu odwoko ni, “Gim'afonjo k'obedo aparan won, to wok bongi Ŋat'ooran.

Yohana 8:40

To an ma awaco riwin adieri ma awinjo bongi Were, ama je fodi wimito nekan. Kole Abraham k'otimo gima cale ameno!

Yohana 8:47

Ŋata wok bongi Were winjo wac pa Were. Gim'omiyo wikiyey winjo wac paran, obedo rupiri wikibedo apa Were.”

Tim pa Jomoor 1:2

cuka ndelo m'oter'iye go i polo. Aka gi meni pa Cuny Maleŋ, omiyo jomoor pere ma go oyero or.

Tim pa Jomoor 10:38

Paka Were okonjo kwoŋ Yesu ma Nazareth Cuny Maleŋ kodi meni; paka go okidho kamoro je munyo timo bero gi botho joma two je m'onwaŋo jonitie i acanda pa jwogi, rupiri Were oyido nigi go.

Joroma 8:2

rupiri cik ma Cuny ma kelo riwan kwo i Kristo Yesu, otieko thekan gi cik m'okelo gimarac kodi tho.

Joefeso 3:8

Kad'oyido aŋat'aasa thin kwoŋ jomaleŋ je, omiyan nema me ma tito ri Jopath Wac Manyen Maber kwoŋ ŋaŋo pa Kristo ma bu gike.

Jokolosia 1:19

Kole Were won ama omito ni go wobedi gi kwo pa Were gipi.

Jokolosia 2:9

Kole kwo pa Were gipi nitie kwoŋ Kristo, i kwo manyadel;

Menyirok ri Yohana 21:6

Aka owaco ran ni, “Otieko timere! An a Alifa kodi Omega, cakirok kodi gike. Ŋata riyo neko abino miyo pi amadha ma nono ma wok i waŋ pi ma kwo.

Menyirok ri Yohana 22:1

Malaika onyuthan bende jwom ma pi ma kelo kwo, maler pa ndewiro, ma mol kareno wok i kom ma dhum pa Were kodi apa Nyathi rombo,