Yohana 3:29 - KITAWO MALEŊ Catholic

²⁹ “Jamweha ama mweha bedo apere; jakony pa jamweha cungo ruŋete to ciko ithe wowinji gima timere, aka go sangala swa k'owinjo dwondi jamweha. Meno bende apaka kisangala paran onyo oromo.

KITAWO MALEŊ

²⁹ “Jamweha ama mweha bedo apere; jakony pa jamweha cungo ruŋete to ciko ithe wowinji gima timere, aka go sangala swa k'owinjo dwondi jamweha. Meno bende apaka kisangala paran onyo oromo.

Yohana 3:29 ပူးပေါင်းရင်းမြစ်များ

Wer pa Solomon 3:11

Nyir ma Yerusalem, wok win winen, kere Solomon oruko sangaria pere, ma yokimere oruko rigo i wiye. I ndelo ma go otim'iye kalima ma nywomirok maleŋ, i ndelo ma kisangala ma cunye.

Wer pa Solomon 5:1

Atieko donjo i ndelo paran, nyamin an, mweha paran, atieko coko mo maŋwe kur paran gi binzar, atieko camo mo kic paran kiri g'apede mere, atieko madho vini paran gi cak paran. Cemi win, jomitirok, aka wimedhi, cuka winomer gi mitirok.

Isaya 54:5

Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

Isaya 66:11

Go lapido win to yomo cuny win, paka yok win, cuka wiyeŋ. Wilakisangala gi dwoŋ pere.

Yeremia 2:2

Kidhi ititi mikwenda me ri kisi dhano ma Yerusalem. Me apaka Rwoth waco: “Apoyo cikirok perin ma mar munyo fodi i soye, mar perin paka mweha, nger m'iluwan iye i thim, i lowo m'oyido fodi k'ocwoy'iye.

Ezekiel 16:8

Aluwo kendo t'aneno nike oyido itieko thiko. Ayaro tiendi kanzu paran kwoŋin, t'aumo kinyoro perin. Atimo kodin cikirok ma nywomirok, Rwoth Were waco, aka ilokere aparan.

Hoseya 2:19

Alalokin dhako paran cil gi cil; alalokin dhako paran i tiro kodi iy'adieri, i mar makiwire, kodi i wor.

Matayo 22:2

“Ker ma polo cale kere m'oyiko kalima ma nywomirok ri wode.

Matayo 25:1

“Ker ma polo cale gi nyir apar ma jotiŋo talin pajo to jokidho romo kodi jamweha.

Matayo 9:15

Yesu odwoko jo ni, “Cene wendo ma kalima ma nywomirok bende jobedo gi rem mafodi jamweha nitie gi jo? Ki nyalere! To ndir bino tundo m'ibino kwany'iye woko jamweha bongi jo nyaka to joriyo kec.”

Luka 15:6

Gikenyo ka otundo peco lwoŋo merin gi joger pere munyo waco ni, ‘Biye sangala win kodan, rupiri atieko nwaŋo rombo paran m'oyido orwenyo.’

Yohana 15:11

“Atieko waco riwin gime ŋey kisangala paran wobedi i win, aka kisangala mewin wobedi m'opoŋ.

Yohana 16:24

Gunyo ni fodi wikikwayo gimoro i nyingan, kway win aka wibino limo, ŋey kisangala mewin wobedi m'opoŋ.”

Yohana 17:13

Onyo pama abino bongin, aka awaco gigipiny me i piny, ŋey jowolimi kisangala paran to poŋ i cuny jo.

Yohana 3:30

Go ripo medo ŋeyirok kareno ŋeyirok paran mojere woko.”

2 Jokorintho 11:2

Atimo nyeko riwin paka Were timo; ato wicale nyako maliw m'atieko yiko ni wonywomere gi jacwo acel kende, aka manago Kristo.

Jofilipi 2:2

onyo sangala win an munyo wibedo gi paro acel, gi mar acel, kareno wibedo acel i cuny win kodi i paro mewin.

1 Yohana 1:4

Wandiko gime ŋey kisangala mawan wobedi m'opoŋ.

2 Yohana 1:12

Onwaŋo anitie gi wac madit riwin, to kiber awaci riwin i papila kodi vino; kucel, ageno liewo win to waluwo awaŋ g'awaŋ, aka nyaka wabino bedo gi kisangala m'opoŋ.

Menyirok ri Yohana 21:9

Acel kwoŋ jomalaika abirio m'onwaŋo jonitie kodi atewe abirio ma thoyamo opoŋ'iye obino bongan to waco ni, “Biye anyuthin Mweha, cipa Nyathi rombo.”