Yohana 3:21 - KITAWO MALEŊ Catholic

²¹ To ŋata timo gim'otire bino kama dilero, ŋey lero wonyuthi nike go otimo tic pere munyo winjo Were.”

KITAWO MALEŊ

²¹ To ŋata timo gim'otire bino kama dilero, ŋey lero wonyuthi nike go otimo tic pere munyo winjo Were.”

Yohana 3:21 ပူးပေါင်းရင်းမြစ်များ

Zabuli 119:105

Wac perin obedo tala ri tiendan, kodi lero ri yo paran.

Zabuli 119:80

Weyi cunyan wongoye g'apuse i cik perin, ŋey wokiri wosewan.

Isaya 26:12

Awi Rwoth, ilamiyo wan siem, kole bende, itieko timo riwan tic mawan je.

Isaya 8:20

Ri fonji gi mijulisi! Adieri ri wac ma joluwo me jokilaneno lero.

Hoseya 14:8

Efrayim lapenjere ni, aŋo man kendo m'alatimo gi cal? An aŋat'adwokin t'akurin. Acalo yath ma boke mere kioy; silwany mewin wok bongan.

Yohana 1:47

Munyo Yesu oneno Nathanel, oluwo kwoŋe ni, “Me Jaisiraili mar'adieri; ongoye komo moro kwoŋe!”

Yohana 3:20

Aka moro je ma timo gigipiny mareco meno odak lero aka kibin kama dilero, rupiri kimiti ni tim pere mareco wonyuthere kamaler.

Yohana 5:39

Wifonjere Ndiko Maleŋ rupiri wiparo ni wibino nwaŋ'iye kwo makirum; aka kole Ndiko no ama luwo kwoŋan!

Yohana 7:17

Ŋata yeyo timo gima Were yenyo bino ŋeyo k'agima afonjo wok bongi Were kosa ka aluwo gi meni paran won.

1 Jokorintho 15:10

To ro nema pa Were, abedo ŋat'abedo, aka nema ma go otimo ran k'obedo ma bukony. Kucel, atieko tiyo matek loyo jomoor man je, kada k'obedo tic paran won, to nema pa Were ma nikodan ama tiyo.

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

Jogalasia 6:8

Ka go ocwoyo i ndelo mar'awanya pa del pere, go bino keco kenyo tho; ka go ocwoyo i ndelo ma Cuny, wok kwoŋ Cuny Maleŋ go bino keco kwo makirum.

Joefeso 5:9

Kole gima kelo lero obedo gigipiny mabeyo, m'otire kodi mar'adieri.

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jofilipi 2:13

Kole Were ama tiyo i win, ma miyo wiyeyi aka winyal timo atoŋa pere.

Jokolosia 1:29

Am'omiyo atiyo tektek munyo aoro meni m'oasere ma Kristo poko, ma tiyo i an.

Joebulaniya 13:21

womiy win gimaber ma wiyenyo ŋey witim gima go mito. Weyi go wotim i wan gima sangala go i Yesu Kristo, aka dwoŋ wobedi rigo cil gi cil. Ameno.

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Yohana 1:6

Am'omiyo ka wawaco ni wanitie i riwirok gine, ma to kwo mawan nitie i mudho, meno kareno watwodo aka tim mawan ongoy'iye adieri.

3 Yohana 1:11

Mere paran, ikir'iluw ranen marac no, to luw gimaber mere ayino. Nyatoro je ma timo gimaber bedo apa Were. Aka ŋata timo gimarac meno fodi k'oŋeyo Were.

Menyirok ri Yohana 3:15

Aŋeyo tim perin; aŋeyo nike icale pi ma murmur. Kabedi iŋic kicutho kosa ilieth ayino kicutho d'ober!