Yohana 3:16 - KITAWO MALEŊ Catholic

¹⁶ Kole Were omaro piny tektek to miyo Wode acel g'acel, ni nyatoro je ma yeyo go wokiri wotho to wobedi gi kwo makirum.

KITAWO MALEŊ

¹⁶ Kole Were omaro piny tektek to miyo Wode acel g'acel, ni nyatoro je ma yeyo go wokiri wotho to wobedi gi kwo makirum.

Yohana 3:16 ပူးပေါင်းရင်းမြစ်များ

Cakirok 22:12

Malaika owaco ni, “Ikir'ikethi cingin kwoŋ jayac, kosa ikir'itim rigo gimoro je. Pama onyo aŋeyo ni ilworo Were, rupiri ikithwono go nyaka wodin acel.”

Cakirok 22:2

To Were waco rigo ni, “Kwany wodin, wodin acel g'acel Isaka m'imaro swa, aka ikadhi i piny Moria, t'imiyan go paka mic awaŋa wi got m'anowaci rin.”

Isaya 9:6

Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

Matayo 9:13

Kidhi win winiaŋ atoŋa m'omiyo ondiki ni, ‘Ayenyo wor ayino, makiweno cowirok ma le.’ Kole akibino lwoŋo ji m'otire, to joreco ayino.”

Mariko 12:6

Ŋat'onwaŋo odoŋ aora bongi jofur oyido obedo wode won ma migos. Am'omiyo rumacen ooro wode won gipi bongi jofur ka waco ni, ‘Adieri jobino woro wodan.’

Luka 2:14

“Dwoŋ wobedi ri Were malo i polo, aka i piny siem wobedi ri ji ma silwany pere nigi jo.”

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 10:28

Amiyo jo kwo makirum, aka jokibino tho; ongoye moro ma bino mayan jo.

Yohana 3:15

Ameno nyaka dhano je ma yeyo go bino bedo gi kwo makirum.

Yohana 3:18

Ongoye moro je ma yeyo Wod Were m'ibino thumo rigo banja, to moro je ma kiyey ama otiek thumo rigo banja ni oloyo go con kwoŋbedo k'oketho yeyo i nyingi Wod Were acel kende.

Yohana 3:36

Ŋata yeyo Wode nitie gi kwo makirum; ŋata kiwinji Wode k'olimi kwo, to keme pa Were ama bino tundo rigo.

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Joroma 5:10

Wan oyido wabedo jokwor pa Were, to Were odwoko wan i tiyirok gine kwoŋ remo pa Wode. Aka paka onyo watieko dwoko i tiyirok gi Were, kwo pa Wode onyo bino botho wan kicutho.

Joroma 5:8

To Were otieko nyutho wan paka omaro wan, rupiri munyo fodi wabedo joreco, Kristo otho riwan.

Joroma 8:32

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

Joefeso 2:4

To Were m'oŋaŋ gi ŋono, i mar pere madwoŋ m'omaro gine wan,

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

Tito 3:4

To munyo bero kodi mar pa Were ma Jaboth mawan onenere,

Joebulaniya 2:9

To kole waneno Yesu, ma i hongo macek oloki go ma piny loyo jomalaika, paka orwaki rigo sangaria madwoŋ gi wor rupiri ocandere i tho, ni ŋey kwoŋ nema pa Were go wonyali tho ri ji je.

1 Yohana 3:1

Neni win paka Bawan omaro wan m'oasere m'omiyo ilwoŋo wan ni nyithindho pa Were, aka iy'adieri, wabedo ameno. Gim'omiyo piny kuya wan obedo rupiri k'oŋeyo Were.

1 Yohana 4:19

Wabedo gi mar rupiri Were ama otelo maro wan.

Menyirok ri Yohana 1:5

kodi ma wok bongi Yesu Kristo, jakony ma genere, Wode makayo m'otel cerino go kwoŋ jom'otho, aka obedo jadhum pa kerin je ma piny! Go omaro wan, aka gi remo pere ogonyo wan woko kwoŋ reco mawan,