Yohana 21:22 - KITAWO MALEŊ Catholic

²² Yesu odwoko go ni, “K'amito ni ŋato wokwo cuka anodwoki, meno mako kwoŋin? Luwan ayino!”

KITAWO MALEŊ

²² Yesu odwoko go ni, “K'amito ni ŋato wokwo cuka anodwoki, meno mako kwoŋin? Luwan ayino!”

Yohana 21:22 ပူးပေါင်းရင်းမြစ်များ

Matayo 16:24

Gikenyo Yesu owaco ri jofonjirok pere ni, “Ka moro mito luwan, go won kutho ripo kwerere kende, wotiŋ musalaba pere, aka woluwan.

Matayo 24:27

Kole paka lithkoth wok yuwok ceŋ aka menyo piny kiri yupodho ceŋ, apaka bino pa Wod Dhano bende labedo.

Matayo 24:3

Munyo go obedo wi got Oliv, jofonjirok jobino bonge nyaliŋliŋ to jokwayo go ni, “Waci riwan ndir ma gigipiny me bino timer'iye, aka ranyuth aŋo m'obedi kwoŋ bino perin, kodi apa gik piny?”

Matayo 24:44

Am'omiyo, wibende yikere win, rupiri Wod Dhano labino i hongo ma wikigen.

Matayo 25:31

“Ka Wod Dhano dwoko gi dwoŋ pere, kodi jomalaika pere je, go bino bedo wi kom pere ma dhum.

Matayo 8:22

Yesu odwoko go ni, “Luwan. Weyi jom'otho wegi jowoyiki jom'otho pajo.”

Mariko 9:1

Aka omedo waco ni, “Adieri awaco riwin, nitie jomegi kwoŋ win ka ma jok'otho mafodi jok'oneno Ker pa Were ka bino gi meni.”

Yohana 21:19

(Ameno Yesu owaco ama ma nyutho paka Petero d'otho ma miyo Were dwoŋ.) Gikenyo Yesu owaco rigo ni, “Luwan.”

Yohana 21:21

Munyo Petero oneno go, openjo Yesu ni, “Rwoth, to ŋatin?”

1 Jokorintho 11:26

Kole cuka Rwoth obin, wibino tuco tho pere wangi ka wicamo mugat me aka wimadho gima nitie iy'agwata me.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

1 Jothesalonika 2:19

Aka onyo geno mawan, kisangala mawan, kodi atoŋa mawan ma yumirok obedi aŋo ruwaŋ Rwodhiwan Yesu ka go odwoko?

Yakobo 5:7

Am'omiyo, wutmere, diy win cuny win, cuka Rwoth odwoki. Neni win paka jafur diyo cunye munyo kuro ni lowo pere wonyak rigo gima welo. Go kuro gino m'odiyo cunye cuka koth ma cwir kodi ma keco tundo.

Yakobo 5:8

Aka wibende wiripo diyo cuny win. Cuny win matek rupiri ndelo ma dwoko pa Rwoth orikere nicegin.

Menyirok ri Yohana 1:7

Panen, go eno bino gi pondeponde! Aka kisi waŋ dhano bino neno go, kiri joma jocwowo go je. Ji je ma piny jobino ywak kwoŋbedo go. Apaka bino bedo! Ameno.

Menyirok ri Yohana 2:25

To maki win matek gima winigine cuka anobin.

Menyirok ri Yohana 22:20

Jaridhi mikwenda me waco ni, “Adieri, abino mayot.” Ameno. Biye, Rwoth Yesu!

Menyirok ri Yohana 22:7

Yesu owaco ni, “Winji, abino mayot! Jasilwany a ŋata mako wac pa jotuci wac Were ma kitawo me!”

Menyirok ri Yohana 3:11

Abino mayot; maki maber gim'inigine, aka moro wokiri womayin sangaria perin.