Yohana 17:6 - KITAWO MALEŊ Catholic

⁶ “Atieko miyo nyingin ŋeyirok i waŋ ji m'imiyan wok i piny. Jo oyido jobedo ji perin, to imiyan jo aka jotieko mako wac perin.

KITAWO MALEŊ

⁶ “Atieko miyo nyingin ŋeyirok i waŋ ji m'imiyan wok i piny. Jo oyido jobedo ji perin, to imiyan jo aka jotieko mako wac perin.

Yohana 17:6 ပူးပေါင်းရင်းမြစ်များ

Zabuli 119:11

Aluwo cik perin i cunyan, ŋey akir'atim reco kwoŋin.

Zabuli 22:22

Abino waco ri ji paran gim'itieko timo, abino pakin i cokirok pa ji.

Kitawo mar'ario mapa Musa m'ilwoŋo ni Wok 9:16

T'aweyo wikwo r'atoŋa me, nyutho meni paran, ŋey nyingan wotuci i piny gibe.

Agecin 2:10

Wilabedo gi rieko iy'adundo mewin, aka ŋeyo mewin lamiyo win kisangala.

Agecin 23:23

Nyew adieri, t'ikir'itana, nyew rieko, fonji kodi niaŋ.

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 12:28

Baba, miy nyingin dwoŋ.” Gikenyo dwondi jo moro oluwo wok i polo ni, “Atieko miyo nyingan dwoŋ, kendo abino medo timo ameno.”

Yohana 15:19

Bedi wibedi ji pa piny, di piny omaro win paka ji pere. To ayero win wok i piny me, aka wikibedo apere; am'omiyo piny dak win.

Yohana 15:3

Pama onyo witieko lony gi wac m'atieko luwo riwin.

Yohana 15:7

Ka widoŋ i an, to wac paran doŋ i win, winyalo kwayo gimoro je ma wiyenyo to ibino miyo win.

Yohana 17:12

I hongo m'onwaŋo an gi jo, akuro jo maber gi meni ma nyingin m'imiyan. Agwoko jo, aka kwoŋ jo ongoye ŋat'orwenyo, kwanyo woko ŋati m'amien oyido ripo podho rigo ŋey gima ndiko waco wotimere.

Yohana 17:14

Amiyo jo mikwenda perin aka piny odak jo, rupiri jok'obedo ji pa piny paka an bende akibedo dhano pa piny.

Yohana 17:16

Paka akibedo dhano pa piny, jo bende jok'obedo ji pa piny.

Yohana 17:2

Kole imiyo go meni kwoŋ ji je, ŋey go womiy joma imiyo go je kwo makirum.

Yohana 17:24

“Baba, itieko miyan jo, aka ayenyo jowobedi kodan kam'an'iye, jowonyal neno dwoŋ paran m'imiyan; kole imaran kiri mafodi k'ocwey piny.

Yohana 17:26

Atieko miyo jo ŋeyin aka abino medo timo ameno, ŋey mar perin m'initie gine ran wobedi i jo, aka awon bende abedi i jo.”

Yohana 17:7

Pama onyo joŋeyo ni gimoro je m'imiyan wok bongin,

Yohana 18:9

Gime otimere ama, ŋey gima ndir no go owaco wotundi i kare ni, “Ongoye kad'acel m'orwenyo kwoŋ joje m'imiyan.”

Yohana 6:37

Moro je ma Baba miyan bino bongan. Ak'oriem woko nyatoro je m'obin bongan.

Yohana 6:39

Me a gima ŋat'ooran yenyo ni atim: Nike ji je ma go omiyan kiri joworweny kad'acel, to nike acerino jo i kwo i ndelo ma rumacen.

Yohana 8:51

Adieri awaco riwin, ni ŋata winjo fonji paran kilatho.”

Yohana 8:52

Joyuda jowaco rigo ni, “Pama onyo nyaka waŋeyo odoco nike initie gi jwogi. Abraham kodi jotuci wac Were jotho, aka odoko iwaco ni, ŋata winjo fonji perin kilatho.

Tim pa Jomoor 13:48

Munyo Jopath jowinjo gime josangala aka jopako fonji pa Rwoth. Aka jom'oyido oyer ri kwo makirum jolokere jom'oyeyo.

Joroma 11:2

Were k'obolo woko ji pere ma go won oyero cako con. Wikuya gima ndiko waco kwoŋ Elia, nger ma go pid'iye kodi Were kwoŋ Isiraili?

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Jokolosia 3:16

Weyi mikwenda pa Kristo gi ŋaŋo mere je, wobedi i cuny win, munyo wifonjo aka wimedo jowoti win meni gi rieko je, kareno wiwero wer Zabuli, kodi wer ma cuny ka wifoyo Were i cuny win.

2 Timothe 1:13

Cwire kwoŋ wac m'itieko winjo bongan, paka fonji m'otire aluwa, aka bedi i yeyo kodi i mar i Kristo Yesu.

Joebulaniya 2:12

Go owaco ni, “Were, abino luwo kwoŋin ri wutmera. Abino pakin i cokirok pajo.”

Joebulaniya 3:6

To Kristo ogenere paka Wod Were ma kuro ri Were ot. Aka kole waŋati wabedo ot pere ka wamedere gi miseni mawan kodi ridho geno ma wapakere gine.

1 Petero 1:1

Balwa m'owok bongi Petero, jamoor pa Yesu Kristo. Ri ji pa Were m'oyer ma jobedo paka wendo i piny aka jotiakere iy'adec ma Ponto, Galasia, Kapadosia, Asia kodi Bithinia.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.

Menyirok ri Yohana 2:13

Aŋeyo ni kam'ibed'iye, a kama Sitan ojeng'iye kom pere ma dhum. T'icwire i nyingan, aka ikiweyo medirok gi yeyo perin kwoŋan kada i ndir ma Antipa, jakony paran m'ogenere onek'iye i tindi mewin kenyo kama Sitan bed'iye.

Menyirok ri Yohana 3:10

Kwoŋbedo ikuro or paran ma diyo ici gi ciro candirok; abino kurin maber i ndir ma teko obin'iye ri piny gipi ma temo ji je.

Menyirok ri Yohana 3:8

Aŋeyo tim perin. Kole atieko yawo rin dhiot ma nyatoro kinyal cego; aŋeyo nike initie gi meni manok; to itieko luwo fonji paran aka ikikwedere kwoŋ nyingan. Atieko yawo rin thigo ma moro kinyal cego.