Yohana 17:3 - KITAWO MALEŊ Catholic

³ Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

KITAWO MALEŊ

³ Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 17:3 ပူးပေါင်းရင်းမြစ်များ

1 Kigana kwoŋ Kerin 28:9

“Aka in, wodan Solomon, yey Were pa benin aka tiyi rigo gi cunyin acel kodi paro perin je; kole Rwoth dwaro kisi nyaŋith, aka niaŋ kisi can kodi paro. K'inorangi go, ilanwaŋo go; to k'inojwangi go, go laweyin kicutho.

2 Kigana kwoŋ Kerin 15:3

Ma hongo malac, Isiraili oyido ongoye gi Were mar'adieri, jacway ri Were i wi migam m'ofonji jo, kodi cik;

Zabuli 9:10

Jono ma joŋeyin, Rwoth, joketho geno pajo i in, kole ikijwangi ŋata bino bongin.

Agecin 8:35

Kole ŋata nwaŋan nwaŋo kwo aka limo ŋono wok bongi Rwoth.

Isaya 48:16

Core win cegin kodan, winji win gime! Wok i cakirok akiluwo aponda, aka je timere ma an bende aneno. Aka onyo pama Rwoth Were ooran gi Cuny pere.

Isaya 53:11

Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.

Isaya 61:1

Cuny pa Rwoth Were nitie kwoŋan, kwoŋbedo Rwoth owiran gi mo, ooran kelo wac manyen maber ri ji m'idiyo, yomo cuny joma cuny jo otur, tito gonyirok pa joma jonitie i twec, gi gonyo joma jotudere.

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Hoseya 6:3

Weyi waŋey, wakethi kinen ma ŋeyo Rwoth; menyirok pere obedo adieri paka ŋamba; go labino riwan paka koth ma cwe nyiknyik, paka koth cwir ma dhieko piny.”

Mariko 9:37

“Dhano je ma jolo nyaka nyathi me i nyingan, meno jolan; aka ŋata jolan meno kijolan kendan, to jolo kiri ŋat'ooran bende.”

Luka 9:48

Aka owaco rijo ni, “Ŋata jolo nyathi me i nyingan meno jolan; aka ŋata jolan, meno jolo ŋat'ooran; kole ŋat'oasa thin i dier win meno a ŋatadwoŋ loyo.”

Yohana 10:36

onyo winowaci ri ŋata Were ooro i piny ni go luwo gima k'otire kwoŋ Were ni rupiri awaco ni abedo Wod Were?

Yohana 11:42

Aŋeyo ni ndir je iwinjan, t'awaco ama ma bero pa ji man ka, ŋey jowoyey ni iŋat'ioran.”

Yohana 14:26

To Jamiy rieko, Cuny Maleŋ ma Baba bino dhiro i nyingan, bino fonjo win gimoro je aka bino poyo win gimoro je m'atieko waco riwin.”

Yohana 17:18

Onyo aoro jo i piny paka cango in bende ioran i piny.

Yohana 17:21

Akwayo nike joje jowonyal bedo acel, Baba, paka initie i an aka anitie i in. Jo bende jowobedi i wan, ŋey piny woyeyi nike Iŋat'ioran.

Yohana 17:23

abedi i jo aka ibedi i an, ŋey jowobedi acel kicutho, aka nyaka piny woŋey ni ioran aka ni imaro jo paka imaran.”

Yohana 17:25

Baba M'otire, piny kuya in, t'aŋeyin aka jome joŋeyo nike Iŋat'ioran.

Yohana 17:8

rupiri amiyo jo mikwenda m'imiyan, aka jojolo; joŋeyo adieri ni awok bongin, aka joyeyo nike iŋat'ioran.”

Yohana 3:17

Ato Were k'ooro Wode i piny ka nike wothum ri piny banja, to ni piny wonyali limo both kwoŋ go ayino.

Yohana 3:34

Ŋata Were ooro, luwo wac pa Were, rupiri Were miyo go Cuny Maleŋ m'opoŋ ma k'obuyo.

Yohana 5:44

Onyo winyalo yeyo nedi ka wimito pak ma wok bongi wiwegi, aka wikitem limo pak ma wok bongi Were won.

Yohana 6:57

Baba makwo ooran, aka akwo kwoŋbedo go. Meno bende apaka ŋata caman bino limo kwo wok kwoŋan.

Yohana 7:29

to an aŋeyo go, rupiri awok bonge aka go ama ooran.”

Yohana 8:19

Jopenjo go ni, “Benin nikune?” Yesu odwoko ni, “Wikuya an kosa Baba. Bedi wiŋeyan di wiŋeyo kiri Baba bende.”

1 Jokorintho 15:34

Dwoki win i paro mewin m'otire wiwey timo reco. Awaco gime ma kwoto wiy win; ato jomegi kwoŋ win jokuya Were.

1 Jokorintho 8:4

Am'omiyo, i wac ma mako kwoŋ camo cemo m'ocow gine cal makicar: Waŋeyo ni cal makicar k'obedo gima nigi kwo i piny ka; aka adieri waŋeyo ni Were nitie acel kende m'ongoye man.

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Jofilipi 3:10

Gim'ayenyo kende a ŋeyo Kristo, gi meni ma cerino pere, kodi riwirok gi go i candirok pere, gi bedo paka go i tho pere,

Jofilipi 3:8

Ki meno kende, akwano gimoro je paka podho madwoŋ, rupiri gima diwelo m'oasere a ŋeyo Kristo Yesu Rwoth paran. Ro wac pere atieko bolo woko gimoro je; atero je paka woyo, ŋey alimi Kristo,

1 Jothesalonika 1:9

Kole joma koro je jowaco paka wijolo wan munyo waliewo win, gi paka wiweyo lamo cal makicar to wigik bongi Were, tiyo ri Were mar'adieri odoko makwo,

2 Jothesalonika 1:8

gi mac maliel, ma miyo joma kuya Were kodi joma kiwinji Wac Manyen Maber mapa Rwoth Yesu gir'acula.

Joebulaniya 3:1

Riameno wutmera i Kristo, ma bende Were am'olwoŋo, kethi paro mewin kwoŋ Yesu, m'obedo jamoor kendo jadwoŋ pa jocway ri Were i wi migam, ma konyo yeyo ma watuco ni wanigine.

2 Petero 1:2

Weyi nema gi siem wobedi mewin i thotho i ŋeyo Were kodi Yesu Rwodhiwan.

2 Petero 1:3

Meni pa Were omiyo wan gimoro je ma wayenyo ma bedo i kwo ma lworo Were, rupiri waŋeyo ŋat'olwoŋo wan gi dwoŋ kodi bero pere won.

2 Petero 1:8

Ka wimedo bedo gi gima beyo me madit, bino loko win mayil to wibedo gi kony i rieko mewin kwoŋ Rwodhiwan Yesu Kristo.

1 Yohana 1:2

Kwo no obino ma nenere; waneno am'omiyo waluwo kwoŋe, aka watito riwin kwoŋ kwo makirum m'onwaŋo nitie gi Bawan aka onenere riwan.

1 Yohana 1:3

Gima watieko neno gi winjo ama watito riwin bende, ŋey wibende wibedi kanyacel gi wan i riwirok ma wan gine gi Bawan kodi Wode Yesu Kristo.

1 Yohana 2:23

Kole ŋata kwero Wod Were meno kwero Bamere bende; odoko ŋata jolo Wod Were meno jolo Bamere bende.

1 Yohana 4:6

To wan wabedo apa Were, aka moro je m'oŋeyo Were ciko ithe riwan. To moro je ma k'obedo apa Were kiwinji wan. Me a royo ma wanyalo poko gine Cuny mar'adieri kodi cuny ma twodo.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.