Yohana 17:21 - KITAWO MALEŊ Catholic

²¹ Akwayo nike joje jowonyal bedo acel, Baba, paka initie i an aka anitie i in. Jo bende jowobedi i wan, ŋey piny woyeyi nike Iŋat'ioran.

KITAWO MALEŊ

²¹ Akwayo nike joje jowonyal bedo acel, Baba, paka initie i an aka anitie i in. Jo bende jowobedi i wan, ŋey piny woyeyi nike Iŋat'ioran.

Yohana 17:21 ပူးပေါင်းရင်းမြစ်များ

Yeremia 32:39

Alamiyo jo bedo gi cuny acel kodi yo acel, ŋey jowolworan i hongo je, ri bero pajo wegi kodi bero pa nyithindho pajo ma joluw jo

Zefania 3:9

Kenyo alalonyo luwo pa nonin, ŋey jowolwoŋ nyingi Rwoth, aka jowotiy rigo iy'acel.

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Mariko 3:24

Ka ker moro won otiakere munyo ji mere wegi jolwenyo kendi gin, kole ker no kinyal cungo.

Yohana 10:16

An gi rombo man ma jongoye i sidwol me. Aripo kelo jo bende; jobino winjo dwondan, aka jobino lokere sidwol acel kodi jakwath acel.”

Yohana 10:30

Aka wan kodi Baba wabedo acel.”

Yohana 10:38

To k'inen atimo gigipiny ago, kada nende wikiyeyan, yey win kada nyaka tic no aka winoŋey kicutho ni Baba nitie i an aka anitie i go.”

Yohana 11:42

Aŋeyo ni ndir je iwinjan, t'awaco ama ma bero pa ji man ka, ŋey jowoyey ni iŋat'ioran.”

Yohana 13:32

K'inen Were onyo otieko limo dwoŋ i go, meno Were won gipi ama bino miyo Wode dwoŋ, aka bino timo ameno mayot.

Yohana 13:35

Ka kisi dhano omaro nyawote, meno aka ji je jobino ŋeyo nike wijofonjirok paran.”

Yohana 17:11

Akibino doŋ i piny ka, to jo fodi jonitie i piny ka, to an onyo abino bongin. Baba Maleŋ, kuri jo maber gi meni ma nyingin m'imiyan, ŋey nyaka jowobedi acel paka wan kodin wabedo acel.

Yohana 17:18

Onyo aoro jo i piny paka cango in bende ioran i piny.

Yohana 17:20

“Akikway ri jome kende, to ri joma bende joyeyan ro mikwenda pa jome.

Yohana 17:25

Baba M'otire, piny kuya in, t'aŋeyin aka jome joŋeyo nike Iŋat'ioran.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 17:8

rupiri amiyo jo mikwenda m'imiyan, aka jojolo; joŋeyo adieri ni awok bongin, aka joyeyo nike iŋat'ioran.”

Yohana 3:17

Ato Were k'ooro Wode i piny ka nike wothum ri piny banja, to ni piny wonyali limo both kwoŋ go ayino.

Yohana 5:23

aka ŋey dhano je wowori Wod Were paka joworo Bamere. Ŋata kiwor Wod Were meno bende kiwor Bamere m'ooro go.”

Tim pa Jomoor 2:46

Bin kisi ndelo jokidho romo kanyacel i Ot pa Were, odoko jocemo kanyacel i udi pajo gi kisangala kodi cuny jo maber,

Tim pa Jomoor 4:32

Kitipa pa jom'oyeyo obedo acel i paro kodi i cuny gin. Ongoye ŋat'owaco ni lim pere obedo mar'aora pere kende, to apa ji je.

Joroma 12:5

Ameno kada wathothi, je fodi wabedo del acel i Kristo, aka wamakere kanyacel paka adec m'opokere opokere ma del acel.

1 Jokorintho 1:10

Agoyo koko riwin wutmera i nyingi Rwodhiwan Yesu Kristo: Yere win wijoje, i gima wiwaco, aka nyaka tiakirok wokiri wobedi i dier win; riwere win swa munyo winitie gi paro acel kodi atoŋa acel.

1 Jokorintho 12:12

Kole paka del obedo gimoro acel manitie g'adec m'opokere, apaka bende Kristo cale. Go obedo paka del acel ma adec omore iye.

1 Jokorintho 6:17

Aka ŋata bedo iy'acel gi Rwoth lokere acel i cuny kodi go.

Jogalasia 3:28

Am'omiyo pokirok ongoye kwoŋ Joyuda kodi Jopath, kwoŋ ŋecin kodi joma ni siem, kwoŋ cwo gi mon: Wijoje wibedo acel i Kristo Yesu.

Jofilipi 1:27

Kad'obedi nedi, bedi win gi kite ma ripo gi Wac Manyen Maber pa Kristo, ŋey kada k'anobin neno win, kosa k'awinjo awinja ayino kwoŋ win, obedi ni wicungo matek kodi atoŋa acel, aka wilwenyo kanyacel, gi paro acel kende ri yeyo ma Wac Manyen Maber kelo.

1 Yohana 1:3

Gima watieko neno gi winjo ama watito riwin bende, ŋey wibende wibedi kanyacel gi wan i riwirok ma wan gine gi Bawan kodi Wode Yesu Kristo.

1 Yohana 5:7

Nitie jokony adek ma ridho adieri no: