Yohana 17:15 - KITAWO MALEŊ Catholic

¹⁵ Akikway ni ikwany jo woko i piny, to nike ikuri jo maber kwoŋ meni pa ŋatarac.

KITAWO MALEŊ

¹⁵ Akikway ni ikwany jo woko i piny, to nike ikuri jo maber kwoŋ meni pa ŋatarac.

Yohana 17:15 ပူးပေါင်းရင်းမြစ်များ

Cakirok 48:16

Weyi malaika m'obothan wok i raco je womiy jo silwany! Weyi nyingan kodi nyingi bacere paran Abraham, kodi Isaka womedere luwo i jo! Weyi jowobedi gi nyithindho kweth, kodi nyikway jo kweth!”

1 Kigana kwoŋ Kerin 4:10

To Yabez okwayo Were pa Isiraili ni, “Miyan silwany, Were, aka yaw kew paran. Bedi kodan aka kuran kwoŋ gima nyalo kelo ran litho.” Aka Were omiyo go gim'okwayo.

Zabuli 121:7

Rwoth bino kurin kwoŋ raco je, go bino kuro kwo perin.

Zabuli 30:9

“Inolimi aŋo wok kwoŋ tho paran, k'adonjo i bur? Jom'otho bende jonyalo pakin? Jonyalo tuco adieri perin?

Jafonji 9:10

Gimoro je ma cingin nwaŋo atima, tim gi meni perin, kole ongoye tic kosa paro kosa ŋeyo kosa rieko i piny pa jom'otho, kam'ikadh'iye koro.

Isaya 57:1

Ji ma jotimo gim'otire jotho, aka ongoye ŋata dewo; ji ma jomiyere irwenyo gi jo, kucel ongoye ŋata niaŋ kwoŋe. Kole ibotho ŋat'otire i teko,

Matayo 5:37

Waci nyaka ni, “Ey.” Kosa “Be.” Gima kalo kenyo man m'inowaci meno wok bongi Ŋatarac.

Matayo 6:13

Ikir'iter wan i karatem, to bothi wan ayino, kwoŋ gimarac, [rupiri ker obedo aperin, kodi meni, kodi dwoŋ, cil gi cil]. Ameno.

Luka 11:4

Cwaki riwan reco mawan, paka wabende wacwako dhano je ma timo riwan marac. Aka ikir'iter wan karatem. To bothi wan ayino kwoŋ gimarac.’ ”

Luka 22:32

To atieko kwayo riwin, nike yeyo mewin wokiri worum woko. Aka k'itieko gik bongan, imiy wutmin in meni.”

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

2 Jothesalonika 3:3

To Were genere, aka go bino miyo win meni to kuro win maber kwoŋ Ŋatarac.

2 Timothe 4:8

Aka pama onyo otiek yiko ran sangaria ma tiro, ma Rwoth, Jathum banja m'otire, bino miyan i Ndelo no, aka ki an kendan, to go bino miyo ji je ma jokuro go wonenere.

1 Yohana 5:18

Waŋeyo nike nyathi pa Were kimedere timo gimarac, rupiri Wod Were kuro go maber, aka Jaraco kinyal timo go marac.

1 Yohana 5:19

Waŋeyo nike wabedo apa Were aka piny gipi nitie i dhum pa Jaraco.