Yohana 16:32 - KITAWO MALEŊ Catholic

³² Ndiri bino tundo, aka otieko kiri tundo ma wijoje wibino kedher'iye to dhano je dok peco pere, aka wibino weyan kendan. To akinitie kendan, rupiri Baba nitie kodan.

KITAWO MALEŊ

³² Ndiri bino tundo, aka otieko kiri tundo ma wijoje wibino kedher'iye to dhano je dok peco pere, aka wibino weyan kendan. To akinitie kendan, rupiri Baba nitie kodan.

Yohana 16:32 ပူးပေါင်းရင်းမြစ်များ

Zekaria 13:7

Cew, Awi abor, kwoŋ jakwath rombo paran, kwoŋ jacwo ma cungo cegin kodan, Rwoth pa lwak jolweny waco. Neki Jakwath rombo, ŋey rombo jowokedhere, aka alawiro cingan kwoŋ mathindho mere.

Matayo 26:31

Gikenyo Yesu owaco rijo ni, “Wijoje wibino ringo to wiweyan wor ma konon, kole ndiko waco ni, ‘Abino neko jakwath to rombo tiakere woko.’

Matayo 26:56

To gime je otimere ŋey gima jotuci wac Were jondiko wotundi.” Gikenyo jofonjirok je joweyo go to joringo.

Mariko 14:27

Yesu owaco ri jofonjirok pere ni, “Wijoje wibino kedhere gi ŋwec wiweyan, rupiri ondiki ni, ‘Abino neko jakwath to rombo kedhere.’

Mariko 14:50

Gikenyo jofonjirok pere jokedhere gi ŋwec to joweyo go.

Yohana 12:23

Yesu odwoko jo ni, “Pama onyo hongo otundo ma miyo Wod Dhano dwoŋ.

Yohana 16:2

Jobino riemo win woko i kitipa pa jom'oyeyo pa Joyuda, aka ndir bino tundo ma moro je ma neko win bino paro nike ka timo ameno meno tiyo ri Were.

Yohana 16:25

“Awaco riwin gigipiny me g'agecin, to ndir bino tundo ma akibino oro agecin kendo, t'abino luwo riwin nyatirtir kwoŋ Baba.

Yohana 16:31

Yesu odwoko jo ni, “Onyo nyaka wiyeyo?

Yohana 19:27

To waco ri jafonjirok no ni, “Yokin eno.” Aka wok i hongo no jafonjirok no otero dheno peco pere.

Yohana 20:10

Gikenyo jofonjirok no jodok peco pajo.

Yohana 4:21

Yesu odwoko go ni, “Dhako me, yey gim'awaco rin; hongo bino tundo ma ji jok'olam Baba wi got me kosa kada i Yerusalem.

Yohana 4:23

To hongo bino, aka ee otieko kiri tundo, ma joma lamo Baba i yo m'otire, jobino lamo go i Cuny kodi iy'adieri, rupiri Baba yenyo joma lamo go ameno.

Yohana 5:25

Adieri awaco riwin, ndir bino tundo aka otieko kiri tundo ma jom'otho jobino winj'iye dwondi Wod Were, aka dhano je ma winjo dwonde bino kwo.

Yohana 5:28

Wikiri widhier kwoŋ gime; kole ndir bino ma jom'otho je ma jonitie i kaliel jobino winj'iye dwonde,

Yohana 8:16

To kada bedi athum banja ri nyatoro, je di thumo paran obedo mar'adieri, rupiri akinitie kendan i gime; Baba m'ooran nitie kodan.

Yohana 8:29

Aka ŋat'ooran nikodan, k'oweyan kendan, rupiri ndir je atimo gima sangala go.”

Tim pa Jomoor 21:6

Gikenyo kisi dhano osewila nyawote, to waidho ye kareno jo jodok.

Tim pa Jomoor 8:1

Aka Saulo oyeyere gi neki me. Gi i ndelo no won, kitipa pa jom'oyeyo ma Yerusalem ocako nwaŋo acanda malith. Jom'oyeyo je, kwanyo woko jomoor, jotiakere iy'adec ma Yuda kodi Samaria parom.