Yohana 16:19 - KITAWO MALEŊ Catholic

¹⁹ Yesu oŋeyo nike jomito penjo go, riameno owaco rijo ni, “Onyo wiwegi wipenjere kwoŋ gim'awok waco ni, ‘I hongo macek wikibino nenan, to i hongo macek wibino nenan kendo?’

KITAWO MALEŊ

¹⁹ Yesu oŋeyo nike jomito penjo go, riameno owaco rijo ni, “Onyo wiwegi wipenjere kwoŋ gim'awok waco ni, ‘I hongo macek wikibino nenan, to i hongo macek wibino nenan kendo?’

Yohana 16:19 ပူးပေါင်းရင်းမြစ်များ

Matayo 6:8

Am'omiyo wikiri wicale gi jo; kole Bawin manitie i polo oŋeyo gima wicando kada mafodi wikikwayo go.

Matayo 9:4

Yesu oŋeyo gim'oyido joparo to waco ni, “Raŋo ma wiparo gigipiny mareco ameno?

Mariko 9:32

To jok'oniaŋ dwoŋ wac no, to jolworo penjo go.

Yohana 13:33

Nyithindho paran, fodi abino bedo ye gi win hongo macek. Wibino rangan, aka bende awaco riwin gim'atieko waco ri Joyuda ni, ‘Wikinyal tundo kama akidh'iye.’

Yohana 14:19

I hongo macek piny kilanenan kendo, to wibino nenan; aka paka akwo, wibende wibino kwo.

Yohana 16:16

“I hongo macek wikibino nenan; to i hongo macek wibino nenan kendo.”

Yohana 16:18

Jomedere gi penjo ni, “Hongo macek me, dwoŋ mere aŋo? Fodi wakiniaŋ gima go luwo kwoŋe?”

Yohana 16:23

“Ka ndelo no otundo wikibino kwayan gimoro. Adieri awaco riwin, Baba bino miyo win gimoro je ma winokway i nyingan.

Yohana 16:26

Ka ndir no otundo, wibino kwayo go i nyingan; aka akiwaci ni abino kwayo go gimoro riwin,

Yohana 16:30

Nyaka onyo waŋeyo ni iŋeyo gimoro je; ikiyeny moro wopenjin kendo. Me miyo wayeyo nike adieri iwok bongi Were.”

Yohana 21:17

Ma didek Yesu odoko omedo penjo go ni, “Simon wod Yohana, imaran?” Gikenyo Petero cunye oramo, rupiri Yesu openjo go ma didek ni, “Imaran?” Ameno odwoko go ni, “Rwoth, kole iŋeyo gimoro je, iŋeyo paka amarin.” Yesu owaco rigo ni, “Pidhi rombo paran.

Yohana 6:61

Munyo, Yesu oŋeyo ni jofonjirok pere oyido joŋunyaŋunya kwoŋ gime, openjo jo ni, “Gime ŋedho cuny win?

Yohana 7:33

Yesu owaco ni, “Abino bedo gi win hongo macek, to agik bongi ŋat'ooran.

Joebulaniya 4:13

Ongoye gima nyalo panere ri Were. Gimoro je i cwec othangere aka oyare i waŋe, go ma wabino tito kwo mawan ruwaŋe.

Menyirok ri Yohana 2:23

Abino kisika nyithindho pere bende, aka kitipin pa jom'oyeyo je jobino ŋeyo nike a jameny cuny ji gi ŋeyo paro pa ji. Abino culo kisi dhano kwoŋ win cungo kwoŋ gima go otimo.