Yohana 15:18 - KITAWO MALEŊ Catholic

¹⁸ “Ka piny dak win, poyi win nike otelo dakan.

KITAWO MALEŊ

¹⁸ “Ka piny dak win, poyi win nike otelo dakan.

Yohana 15:18 ပူးပေါင်းရင်းမြစ်များ

1 Kerin 22:8

Ahab odwoko ni, “Nitie acel man, Mikaya wod pa Imila. T'adak go kwoŋbedo go kiwaci gimaber kwoŋan, to gimarac kende.” Yehosafat odwoko ni, “Weyi kere wokiri wowaci nger gino.”

Agecin 29:27

Jokidakana jobedo amien ri jom'otire, aka jom'otire jobedo amien ri jokidakana.

Isaya 49:7

Rwoth waco, Jaboth pa Isiraili aka Ŋataleŋ pere, ri ŋat'icayo swa, aka nonin jodak, ŋeca pa jodhum ni, “Kerin jolaneno to joay, jodhum jolakule piny, kwoŋbedo Rwoth ma timo adieri, Were Maleŋ pa Isiraili m'otieko yerin.”

Isaya 53:3

Ji jocayo go, aka jokwedere kwoŋe, dhano ma jarem, gi candirok madit. Ongoye ŋat'obolo kada waŋe ŋiyo go, wacayo go, aka wakidewo kwoŋe paka ŋata dikony.

Isaya 66:5

Winji win wac pa Rwoth, win ma wikirin i wac pere. Wutmin win ma jodak win, aka jobolo win woko ro nyingan, jowaco ni, “Weyi Rwoth omiy dwoŋ, ŋey wanyal neno kisangala perin” To jo am'ila ketho jo i wickwot.

Zekaria 11:8

Asika woko jokwath rombo adek i dwe acel, akibedo moth gi jo, aka bende jodakan.

Matayo 10:22

Dhano je bino mon gi win, ro an. To ŋat'ocir kiri i gike bino both.

Matayo 24:9

“Gikenyo jobino ketho win i teko, to joneko win; aka nonin je bino dak win kwoŋbedo an.

Matayo 5:11

Win wijosilwany ka ji joyeto win aka jolwenyo gi win, ka jowaco wac je kwoŋ win rupiri wibedo joma luwan.

Mariko 13:13

Aka ji je jobino mon kodi win kwoŋbedo nyingan, to ŋat'ocir candirok me kiri i gike ama bino both.”

Luka 6:22

Wijosilwany ka ji jodak win, joriemo win woko, joyeto win, aka jonyeko nyingi win ni wi joreco kwoŋbedo Wod Dhano.

Yohana 16:1

“Awaco riwin gime aka wikiri wiyengere i yeyo mewin.

Yohana 16:33

Atieko waco riwin gime ŋey wibedi i siem i riwirok kodan. Piny bino miyo wicandere. To bedi win miseni! Atieko loyo candirok ma piny!”

Yohana 3:20

Aka moro je ma timo gigipiny mareco meno odak lero aka kibin kama dilero, rupiri kimiti ni tim pere mareco wonyuthere kamaler.

Yohana 7:7

Ji ma piny kinyal dak win, to jodakan, rupiri amena waco rijo nike tim pa joreco.

Tim pa Jomoor 14:22

Jomedo jom'oyeyo meni to jomedo jo miseni nike jowocwire i yeyo. Jofonjo ni, “Waripo donjo i Ker pa Were munyo waluwo i teko madit.”

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

Yakobo 4:4

Ji ma kigenere! Wikuya ni mako mere gi piny meno bedo i kwor gi Were? Ŋata mito mako mere gi piny meno mito bedo jakwor pa Were.

1 Yohana 3:1

Neni win paka Bawan omaro wan m'oasere m'omiyo ilwoŋo wan ni nyithindho pa Were, aka iy'adieri, wabedo ameno. Gim'omiyo piny kuya wan obedo rupiri k'oŋeyo Were.

1 Yohana 3:13

Am'omiyo wutmera, wikiri widhier ka ji ma piny jodak win.

1 Yohana 3:3

Nyatoro je manitie gi geno me i Kristo ripo lonyo kwo pere paka Kristo olony.