Yohana 15:10 - KITAWO MALEŊ Catholic

¹⁰ Ka wimako or paran, wibino doŋ i mar paran, paka abende amako or pa Baba aka anitie i mar pere.”

KITAWO MALEŊ

¹⁰ Ka wimako or paran, wibino doŋ i mar paran, paka abende amako or pa Baba aka anitie i mar pere.”

Yohana 15:10 ပူးပေါင်းရင်းမြစ်များ

2 Samwiri 22:22

Atieko kuro yo pa Rwoth, aka akiwire kwoŋ Were paran timo kidakana.

2 Kerin 18:6

Go obedo g'adieri ri Rwoth aka k'okwero winjo Rwoth, to, oneno nike okuro Or je ma Rwoth oyido omiyo Musa.

Kitawo mar'ario mapa Musa m'ilwoŋo ni Wok 7:6

Aka Musa gi Aron jotimo paka Rwoth omiyo jo or.

Isaya 50:5

Rwoth otieko yawo ithan, aka akigwenyere, akigiki acen.

Yohana 10:18

Ongoye ŋata kwanyo kwoŋan kwo me. Awon arwenyo woko gi mito paran. Anitie gi meni ma rwenyo go woko, kendo anitie gi meni ma dwoko go. Me gima Baba ooran timo.”

Yohana 12:49

rupiri akiluwo gi meni paran won, to Baba am'ooran gim'aripo waco kodi luwo.

Yohana 14:15

“Ka wimaran, wibino mako or paran.

Yohana 14:21

“Moro je ma jolo or paran aka mako, meno a ŋat'omaran. Baba bino maro ŋat'omaran; aka abende abino maro go to anyuthere rigo.”

Yohana 14:23

Yesu odwoko ni, “Nyatoro je m'omaran bino winjo mikwenda paran. Baba bino maro go aka wabino bino bonge to wabedo bonge.

Yohana 14:31

to piny je ripo ŋeyo nike amaro Baba; am'omiyo atimo gimoro je ma go ooran. Ere ay win, waeye woko ka.”

Yohana 17:4

Atieko nyutho dwoŋ perin i piny; atieko timo tic m'imiyan timo.

Yohana 4:34

Yesu owaco rijo ni, “Cemo paran obedo timo gima ŋat'ooran yenyo gi cowo tic pere.”

Yohana 8:29

Aka ŋat'ooran nikodan, k'oweyan kendan, rupiri ndir je atimo gima sangala go.”

Yohana 8:55

Kole fodi wikiŋeyo kiri go, to an aŋeyo go aka awinjo wac pere. Bedi awaci ni akuya go, d'abedo jatwodo paka win. T'aŋeyo go aka awinjo wac pere.

1 Jokorintho 7:19

Kole thumirok kosa bedo ma dhano k'othumere meno ama k'obedo gimadwoŋ. Gimadwoŋ meno a winjo or pa Were.

1 Jothesalonika 4:1

Macowe, wutmere, paka witieko fonjere bongi wan kiti kwo ma wiripo bedo gine aka nyaka wisangala Were, onyo wakwayo win, kendo waruma win i nyingi Rwoth Yesu, medere ameda win gi timo ameno.

Joebulaniya 7:26

Jadwoŋ pa jocway ri Were i wi migam, ma kite no, ama nyalo konyo wan i gima wayenyo. Ato go leŋ, ongoye kodi kibenga kosa gimarac moro, olony, m'opok kwoŋ joreco, aka otiŋ go malo kalo polo.

2 Petero 2:21

D'ober rijo ka jobedo ma jokuya royo ma tiro loyo ŋeyo royo no to odoko joweyo cik maleŋ m'omiy jo.

1 Yohana 2:3

Me a gima miyo waridho ni waŋeyo go: Ka wawinjo or pere.

1 Yohana 2:5

To ŋata winjo wac pere, meno a ŋata mar pere ri Were ocowere kicutho. Me apaka wanyalo ridho ni wakwo i Were:

1 Yohana 2:6

Ŋata waco ni go kwo i Were ripo bedo gi tim paka cango apa Yesu Kristo.

1 Yohana 5:3

Kole me a dwoŋ maro Were; winjo or pere. Aka or pere kitek riwan timo,

Menyirok ri Yohana 22:14

Josilwany a joma lwoko ruk pajo m'olony, aka ŋey jowobedi gi siem ma camo gima nyak kwoŋ yath ma kwo, gi donjo i tindi gi i waŋkac.