Yohana 14:31 - KITAWO MALEŊ Catholic

³¹ to piny je ripo ŋeyo nike amaro Baba; am'omiyo atimo gimoro je ma go ooran. Ere ay win, waeye woko ka.”

KITAWO MALEŊ

³¹ to piny je ripo ŋeyo nike amaro Baba; am'omiyo atimo gimoro je ma go ooran. Ere ay win, waeye woko ka.”

Yohana 14:31 ပူးပေါင်းရင်းမြစ်များ

Zabuli 40:8

Amaro swa timo mito perin, Awi Were paran! Cik perin nitie i cunyan.”

Isaya 50:5

Rwoth otieko yawo ithan, aka akigwenyere, akigiki acen.

Matayo 26:39

Aka munyo go omedere yumalo nyaka mathin, opodho gi nyime to kwayo. To waco ni, ‘Baba, ka nyalere, weyi agwata me woeye bongan. To weyi wobedi paka iyenyo makiweno paka an ayenyo.’ ”

Matayo 26:46

Ay win wakadhi! Jacami ran sereko eno otieko rikere cegin.”

Luka 12:50

Nitie batisimo m'aripo limo, aka rembo paran dwoŋ swa kafodi k'otimere!

Yohana 10:18

Ongoye ŋata kwanyo kwoŋan kwo me. Awon arwenyo woko gi mito paran. Anitie gi meni ma rwenyo go woko, kendo anitie gi meni ma dwoko go. Me gima Baba ooran timo.”

Yohana 12:27

“Pama cunyan raman; t'anowaci nedi? Ni, ‘Baba, bothan kwoŋ hongo me?’ To be, me a gim'omiyan atundo i hongo ma candirok me.

Yohana 12:49

rupiri akiluwo gi meni paran won, to Baba am'ooran gim'aripo waco kodi luwo.

Yohana 13:1

Mafodi ndelo ma kalima ma Kadho, k'otundo, Yesu oniaŋ nike hongo pere otundo ma eye i piny wokidhi bongi Bamere. Paka ndir je go oyido omaro jopere i piny ka, omaro jo kiri i gike.

Yohana 15:9

Amaro win paka Baba omaran; bedi win i mar paran.

Yohana 18:11

Yesu owaco ri Petero ni, “Dwoki abor i ode! Onyo akir'amadhi agwata ma candirok ma Baba omiyan?”

Yohana 4:34

Yesu owaco rijo ni, “Cemo paran obedo timo gima ŋat'ooran yenyo gi cowo tic pere.”

Jofilipi 2:8

obwonere aka owinjo Were cuka oyeyo kiri tho; tho wi musalaba!