Yohana 14:13 - KITAWO MALEŊ Catholic

¹³ Aka abino timo gimoro je ma winokway i nyingan; ameno aka ŋey dwoŋ pa Baba wonyuthere i Wode.

KITAWO MALEŊ

¹³ Aka abino timo gimoro je ma winokway i nyingan; ameno aka ŋey dwoŋ pa Baba wonyuthere i Wode.

Yohana 14:13 ပူးပေါင်းရင်းမြစ်များ

Matayo 21:22

Ka winigi yeyo, wibino limo gimoro je ma wikwayo Were.”

Matayo 7:7

Kway, aka inolimi; rangi, aka inonwaŋ; gudi thigo aka ibino yawo rin.

Mariko 11:24

Am'omiyo awaco riwin, ka wikwayo gimoro, yey win ni witieko limo aka ibino miyo win gimoro je ma wikwayo.

Luka 11:9

“Am'omiyo awaco riwin, kway win, aka omiy win; rangi win, aka winonwaŋ; gudi win thigo, aka oyaw riwin.

Yohana 10:30

Aka wan kodi Baba wabedo acel.”

Yohana 12:44

Gikenyo Yesu oluwo gi dwonde ma malo ni, “Nyatoro je ma yeyan kiyeyan kende to yeyo ŋat'ooran bende.

Yohana 13:31

Munyo Yuda otieko kadho, Yesu owaco ni, “Pama Wod Dhano onyo otieko limo dwoŋ, aka Were bende onyo otieko limo dwoŋ i go.

Yohana 14:14

Ka wikwayo gimoro je i nyingan abino timo.”

Yohana 14:6

Yesu odwoko ni, “An aya royo, abedo adieri, kodi kwo; ongoye ŋata bino bongi Baba, ka k'oluwo bongan.”

Yohana 15:16

Wiŋati wikiyeran, aŋat'ayero win aka adimo win ni wikidhi winyak olemo kweth. Meno aka nyaka Baba bino miyo win gimoro je ma winokway go i nyingan.

Yohana 15:7

Ka widoŋ i an, to wac paran doŋ i win, winyalo kwayo gimoro je ma wiyenyo to ibino miyo win.

Yohana 16:23

“Ka ndelo no otundo wikibino kwayan gimoro. Adieri awaco riwin, Baba bino miyo win gimoro je ma winokway i nyingan.

Yohana 16:26

Ka ndir no otundo, wibino kwayo go i nyingan; aka akiwaci ni abino kwayo go gimoro riwin,

Yohana 16:7

To adieri awaco riwin: Bedo gimaber riwin ka akadho, rupiri ka akikadho, Jamiy rieko kilabino bongi win. To k'atieko kadho, nyaka abino dhiro riwin go.

Yohana 4:10

Yesu odwoko ni, “Bedi iŋey mic pa Were kodi ŋata kwayin pi amadha, d'ikwayo go aka d'omiyin pi ma kwo.”

Yohana 4:14

to ŋat'omadhi pi m'abino miyo go odoko kilawinjo riyo kendo. Aka pi m'anomiy go bino lokere i go waŋ pi ma mol to miyo go kwo makirum.”

Yohana 5:19

Gikenyo Yesu odwoko ni, “Adieri awaco riwin, Wod Were kitim gimoro gi meni pere won; to go timo gim'oneno Bamere timo. Gima Bamere timo ama Wode bende timo.

Yohana 7:37

Ndelo macowe ma kalima am'obedo ndelo m'oloyo dwoŋ. I ndelo no, Yesu ocungo to luwo gi dwonde ma malo ni, “Ka nitie moro je ma riyo neko wobin bongan womadhi pi,

1 Jokorintho 14:13

Am'omiyo, ŋata luwo dhodhok m'opokere opokere, mitere rigo kwayo mic ma tito dwoŋ mere.

Joefeso 2:18

I Kristo wajoje wan gi thwolo i Cuny Maleŋ acel ma kidho bongi Were Bawan.

Joefeso 3:12

I go, kendo gi yeyo mawan i go, wanitie gi thwolo ma donjo bongi Were gi siem ma cuny wan odile.

Joefeso 3:14

Riameno, aguro congan i nyim Baba,

Jofilipi 4:13

Anyalo timo gimoro je i Kristo ma miyan meni.

Jokolosia 3:17

Gimoro je ma witimo kosa wiwaco, ripo witim i nyingi Rwoth Yesu, munyo wifoyo Were Baba kwoŋ go.

Joebulaniya 13:15

Am'omiyo, weyi hongo je wacway pak ri Were paka cowirok mawan i Yesu Kristo, ma cal olemo ma nyak wok i dhok wan ka watuco nyinge.

Joebulaniya 4:15

Jadwoŋ pa jocway ri Were i wi migam, mawan me, k'obedo ŋata kiniaŋ nyapo mawan. Kucel, wanitie gi jadwoŋ pa jocway ri Were i wi migam ma bende olimo karatem i royo je paka walimo, to k'otimo gimarac.

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

Yakobo 1:5

To ka moro kwoŋ win cando rieko, go ripo kwayo Were, m'amiyo dhano je gimoro ma k'obuyo kendo ma k'oŋunyaŋunya, aka bino miyin.

Yakobo 5:16

Am'omiyo, tuci win reco mewin ri jowoti win, odoko kway win ri jowoti win, ŋey wilimi both ma del. Kwayo pa ŋat'otire nitie gi meni madwoŋ aka tiyo.

1 Petero 2:5

Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.

1 Yohana 3:22

aka walimo bonge gimoro je ma wakwayo, rupiri wawinjo or pere aka watimo gima sangala go.

1 Yohana 5:14

Me am'omiyo wanitie gi miseni ruwaŋ were: Waridho nike go bino miyo wan gimoro je ka wakwayo go paka go yenyo.