Yohana 12:41 - KITAWO MALEŊ Catholic

⁴¹ Isaya owaco ama rupiri oneno dwoŋ pa Ŋato, aka oluwo kwoŋe.

KITAWO MALEŊ

⁴¹ Isaya owaco ama rupiri oneno dwoŋ pa Ŋato, aka oluwo kwoŋe.

Yohana 12:41 ပူးပေါင်းရင်းမြစ်များ

Luka 24:27

Yesu otito rijo gima Ndiko Maleŋ oluwo kwoŋe cako kwoŋ kitawin pa Musa tundo i ndiko pa jotuci wac Were je.

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 14:9

Yesu odwoko ni, “Atieko bedo gi win hongo malac ama je, to fodi ikuya an, Filipo? Moro je m'otieko nenan meno otieko neno Baba. To raŋo ma wiwaco ni, ‘Nyuthi wan Were Bawan?’

Yohana 5:39

Wifonjere Ndiko Maleŋ rupiri wiparo ni wibino nwaŋ'iye kwo makirum; aka kole Ndiko no ama luwo kwoŋan!

Tim pa Jomoor 10:43

Jotuci wac Were je joluwo kwoŋe, munyo jowaco ni nyatoro je m'oyey go ibino cwako reco pere gi meni ma nyingi go.”

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

1 Petero 1:11

Jotemo rango tiende munyo jomito ŋeyo ni keraŋo ma hongo no d'otund'iye, kodi paka d'obino; ato Cuny pa Kristo i jo oyido cimo hongo no munyo tuco candirok ma go d'ociro, kodi dwoŋ ma d'owok'iye.

Menyirok ri Yohana 19:10

Gikenyo agore piny dho tiende ni alam go, to go owaco ran ni, “Ikir'itim ameno! A jatic nyawotin, acel kwoŋ wutmin in ma joridho adieri pa Yesu. Lami Were ayino! Kole adieri pa Yesu ama gudo cuny jatuci wac Were.”