Yohana 11:47 - KITAWO MALEŊ Catholic

⁴⁷ Ameno Jofarisayo kodi jotel pa jocway ri Were i wi migam joromo kodi jopido to jowaco ni, “Watim win aŋo? Neni paka jame onyo timo gir'aura madit!

KITAWO MALEŊ

⁴⁷ Ameno Jofarisayo kodi jotel pa jocway ri Were i wi migam joromo kodi jopido to jowaco ni, “Watim win aŋo? Neni paka jame onyo timo gir'aura madit!

Yohana 11:47 ပူးပေါင်းရင်းမြစ်များ

Matayo 26:3

Gikenyo jotel pa jocway ri Were i wi migam kodi jotel pa ji jocokere i diedipo pa jadwoŋ pa jocway ri Were i wi migam m'ilwoŋo ni Kaifas,

Matayo 5:22

To pama onyo awaco riwin ama: Ŋat'omaki nge g'omin bino bedo jabanja kapido. Ŋat'otim roro kwoŋ omin ibino tero go ruwaŋ jothumi banja, aka ŋat'oyeti omin ni, mamiŋ ma bukony, ibino bolo go i mac makitho.

Mariko 14:1

Onwaŋo odoŋ ndelo ario to kalima ma Kadho kodi ma mugat ma buthow wotundi. Jotel pa jocway ri Were i wi migam kodi jondiko jorango royo ma mako Yesu nyaliŋliŋ jowoneki go.

Luka 22:2

Jotel pa jocway ri Were i wi migam kodi Jondiko onwaŋo jotemo rango royo ma neko Yesu, to oyido jolworo ji.

Yohana 11:57

Jotel pa jocway ri Were i wi migam kodi Jofarisayo oyido jotieko wodho or ni ka moro nitie m'oneno kama Yesu niye ripo dhiro wac, ŋey jowomaki go.

Yohana 12:19

Gikenyo Jofarisayo wegi jowaco kendi gin ni, “Wineno, wakinyali gimoro be! Neni win paka piny gipi onyo luwo go”

Yohana 2:11

Yesu otimo gir'aura marapena me i Kana i Galili; kenyo go onyuth'iye dwoŋ pere, aka jofonjirok pere joyeyo go.

Yohana 6:2

Lwak ji madwoŋ oluwo go, rupiri oyido joneno ranyuth m'otimo kwoŋ botho jotwo.

Yohana 7:32

Munyo Jofarisayo jowinjo ji madit jomwoŋo gigipiny me kwoŋe, jo kodi jotel pa jocway ri Were i wi migam jooro jolweny ma Ot pa Were mako Yesu.

Yohana 7:45

Jolweny jogik bongi jotel pa jocway ri Were i wi migam kodi Jofarisayo, ma jopenjo jo ni, “Raŋo ma wikikelo go?”

Tim pa Jomoor 5:21

Munyo ŋamba oriedo, jomoor jodonjo i Ot pa Were to jocako fonji paka owaci rijo. Munyo jadwoŋ pa jocway ri Were i wi migam kodi wadi jotundo, jolwoŋo jotel pa Joyuda kanyacel bedo i romo m'opoŋ i kapido. Gikenyo odhiro wac i od twec nike wokel jomoor bongi jo.

Tim pa Jomoor 5:24

Munyo jasirikale ma telo jokur ma Ot pa Were kodi jotel pa jocway ri Were i wi migam jowinjo gime, jodhier swa, kareno joparo kwoŋ gim'obedi ro wac no.