Yohana 10:28 - KITAWO MALEŊ Catholic

²⁸ Amiyo jo kwo makirum, aka jokibino tho; ongoye moro ma bino mayan jo.

KITAWO MALEŊ

²⁸ Amiyo jo kwo makirum, aka jokibino tho; ongoye moro ma bino mayan jo.

Yohana 10:28 ပူးပေါင်းရင်းမြစ်များ

Yobu 17:9

Kucel ŋata timo gim'otire kiladhiere, aka ŋata cinge olony lamedo bedo matek.

Zabuli 31:5

Aketho kwo paran i cingin. Ibino bothan Rwoth, Ibedo Were ma timo adieri.

Zabuli 37:28

Kole Rwoth omaro tiro, aka go kilajwango ji pere ma jotimo adieri, go kwonga joma timo gim'otire, t'ilareyo woko nyikway jokidakana.

Agecin 24:16

Makada nende jopodhi dibirio, jolaay kendo, to teko reyo woko jokidakana.

Agecin 4:18

To yo pa jom'otire obedo lero ma ŋamba, maliel maber tundo odieceŋ.

Isaya 27:3

An, Rwoth, abedo jakur mere, akonjo rigo pi noknok. Akuro go wor g'odieceŋ, wongoye ŋata wonyeki.

Isaya 45:17

To Rwoth botho Isiraili, aka loyo pere bedo cil gi cil, jokilanywowere, kosa bedo i wickwot hongo je.

Isaya 54:17

Ongoye gilweny m'ilathedho ma lweny kodin ma lakiyindira, aka ilawiro woko lew je m'oay kwoŋin i thumo banja. Me alunja pa ŋecin pa Rwoth, gi gwok pajo wok bongan.” Rwoth waco.

Isaya 55:3

Ciki ithi win, aka wibin bongan, winji win, ŋey cuny win wonyali kwo. Alatimo gi win cikirok ma cil gi cil, mar paran makiwire, mar'adieri ri Daudi.

Yeremia 23:4

Alaketho jokwath ma kikwonga. Ji paran jok'obedi malwor kendo, kosa jok'obwok, kosa ongoye m'orweny, Rwoth waco.”

Yeremia 31:3

Rwoth onenere ran wok bor. Atieko marin gi mar ma cil gi cil, riameno amedo timo rin adieri.

Yeremia 31:34

Kendo jokilafonjere kosa waco wegi gi wegi ni, “Ŋey Rwoth.” Kole jolaŋeyan, wok i mathin tundo kwoŋ madwoŋ, Rwoth waco. Alacwako reco pajo, aka akilapoyo kendo.

Yeremia 32:40

Alatimo gi jo cikirok ma cil gi cil, ma akilaweyo timo rijo bero kendo. Alaketho lworo Were i cuny jo, ŋey jokiri jowowire kwoŋan kendo.

Mariko 13:22

Kole jotwodo ma jolwoŋere ni Kristo kosa jotuci wac Were jobino konjere. Aka jobino timo ranyuth kodi gir'aura ma wondo jom'oyer pa Were ka nyalere.

Luka 23:46

Yesu okoko gi derino madwoŋ ni, “Baba! Aketho cunyan i cingin!” Munyo otieko waco ameno to nyaka tho.

Yohana 10:29

Baba m'omiyan jo dwoŋ loyo ji je, aka ongoye nyatoro manyalo kwanyo jo woko i cingi Baba.

Yohana 11:25

Yesu owaco rigo ni, “Aŋat'abedo kisukina kodi kwo; ŋata yeyan bino kwo, kada go otho;

Yohana 14:19

I hongo macek piny kilanenan kendo, to wibino nenan; aka paka akwo, wibende wibino kwo.

Yohana 17:2

Kole imiyo go meni kwoŋ ji je, ŋey go womiy joma imiyo go je kwo makirum.

Yohana 18:9

Gime otimere ama, ŋey gima ndir no go owaco wotundi i kare ni, “Ongoye kad'acel m'orwenyo kwoŋ joje m'imiyan.”

Yohana 3:36

Ŋata yeyo Wode nitie gi kwo makirum; ŋata kiwinji Wode k'olimi kwo, to keme pa Were ama bino tundo rigo.

Yohana 4:14

to ŋat'omadhi pi m'abino miyo go odoko kilawinjo riyo kendo. Aka pi m'anomiy go bino lokere i go waŋ pi ma mol to miyo go kwo makirum.”

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

Yohana 6:37

Moro je ma Baba miyan bino bongan. Ak'oriem woko nyatoro je m'obin bongan.

Yohana 6:47

“Adieri awaco riwin, ŋata yeyo je nitie gi kwo makirum.

Yohana 6:68

Simon Petero odwoko go ni, “Rwoth, onyo wanokidhi riwan bongi ŋa man? Kole iŋat'initie ye gi wac ma kwo makirum.

Tim pa Jomoor 7:59

Munyo jogoyo go, Stefano owaco ikwayo ni, “Rwoth Yesu, joli cunyan.”

Joroma 5:17

K'inen ro gimarac pa ŋat'acel am'omiyo tho ocako dhum kwoŋbedo ŋat'acel no, meno kere adieri joma jonwaŋo nema mathoth kodi mic ma nono ma tiro bende jobino dhumo maloyo i kwo ro ŋat'acel, Yesu Kristo.

Joroma 5:2

Go am'okelo wan i nema pa Were ma pama wacung'iye. Am'omiyo wasangala i geno ma wanitie gine ma limo dwoŋ pa Were!

Joroma 5:21

Am'omiyo, paka gimarac odhumo i royo ma tho, ameno bende nema pa Were dhumo i royo ma kwanyo woko banja kwoŋ ji, munyo tero jo i kwo makirum kwoŋ Yesu Kristo Rwodhiwan.

Joroma 5:9

Paka tho pere onyo okelo wan i tiro gi Were, maloyo kenyo, go bino botho wan kwoŋ keme pa Were.

Joroma 6:23

Kole kemba pa gimarac obedo tho; to mic ma Were miyo wan obedo kwo makirum i Kristo Yesu Rwoth mawan.

Joroma 8:1

Pama onyo kidok kethi banja kwoŋ jomakwo pajo nitie i Kristo Yesu,

Joroma 8:29

Kole joma Were oŋeyo con, bende oyiko rijo kicutho bedo i cal pa Wode, ŋey Wode wobedi okayo i dier wutmin go.

Kitawo mar'abic mapa Musa m'ilwoŋo ni Cik 33:3

Adieri, go omaro ji pere, jomaleŋ perin je jobedo i cingin, joŋanjo ka tiendin, itelo jo gi wac perin.

Jofilipi 1:6

Am'omiyo aŋeyo gime nike: Were m'ocako tic maber i win, bino medere gine cuka orum i Ndelo pa Kristo Yesu.

2 Jothesalonika 2:13

Waripo foyo Were riwin hongo je, wutmera ma Rwoth omaro, rupiri Were oyero win wok i cakirok ni wilimi both gi meni pa Cuny Maleŋ ma lonyo win, ro yeyo adieri mewin.

1 Timothe 1:16

to ro wac me Were onyuthan wor, ŋey Kristo Yesu wonyuthi diyo ici pere i tiyo kwoŋan, ŋatarac maloyo joreco je, paka ranen ri joma rumacen di joyeyo go to jolimo kwo makirum.

2 Timothe 1:12

meno am'omiyo acandere ama. To kad'ameno wiyan kikwoti, rupiri aŋeyo ŋat'ayeyo kwoŋe, aka aridho ni go nyalo kuro gim'atieko miyo go cuka Ndelo no tundo.

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

1 Petero 1:5

Ato ro yeyo mewin am'omiyo meni pa Were kuro win cuka tundo ndelo ma both m'oyik nyutho ka ndir otundo.

1 Yohana 1:2

Kwo no obino ma nenere; waneno am'omiyo waluwo kwoŋe, aka watito riwin kwoŋ kwo makirum m'onwaŋo nitie gi Bawan aka onenere riwan.

1 Yohana 2:19

Adieri ji me oyido jokiripi i kweth mawan, am'omiyo joweyo wan; bedi joripo i kweth mawan, di jobedo gi wan, to joeye ŋey wonenere kamaler ni ongoye moro kwoŋ jo ma iy'adieri oyido joripo i kweth mawan.

1 Yohana 2:25

Aka me a gima Kristo won gipi ociko miyo wan: Manago kwo makirum.

1 Yohana 5:11

Aka me a wac ma ridho adieri ni Were otieko miyo wan kwo makirum, aka kwo me nwaŋere i Wode.

Yuda 1:1

An Yuda, jatic pa Yesu Kristo, kendo omin Yakobo, andiko balwa me ri joma Were olwoŋo ma jonitie i mar pa Were Bawan kodi kur pa Yesu Kristo.

Yuda 1:21

Bedi win i mar pa Were kareno wikuro wor pa Rwodhiwan Yesu Kristo, ma bino kelo riwin kwo makirum.

Yuda 1:24

Ri ŋata nyalo thielin m'ikipodho, to kethin ma bu raco i kisangala ma didwoŋ pere,

1 Samwiri 2:9

Go kwonga kwo pa ji pere ma genere, to jokidakana jobino rere i colo kole nyatoro won kikwo ro meni pere.