Yohana 10:15 - KITAWO MALEŊ Catholic

¹⁵ aka bende joŋeyan paka Baba oŋeyan, aka abende aŋeyo go, aka ayeyo tho ri rombo.

KITAWO MALEŊ

¹⁵ aka bende joŋeyan paka Baba oŋeyan, aka abende aŋeyo go, aka ayeyo tho ri rombo.

Yohana 10:15 ပူးပေါင်းရင်းမြစ်များ

Isaya 53:10

Kucel obedo mito pa Rwoth ni go wolimi litho; to miyo go kumo, munyo olokere cowirok ma cwako reco, go laneno nyikwaye, go lamedo ndelo pere; aka luwo i go atoŋa pa Rwoth latundo i kare.

Isaya 53:8

G'adica kodi thumo banja, oter go neko; paka ri luse pere, watero ni go oyido ripo gi tho, wogoy go ro kibenga pa ji paran?

Zekaria 13:7

Cew, Awi abor, kwoŋ jakwath rombo paran, kwoŋ jacwo ma cungo cegin kodan, Rwoth pa lwak jolweny waco. Neki Jakwath rombo, ŋey rombo jowokedhere, aka alawiro cingan kwoŋ mathindho mere.

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Matayo 20:28

paka Wod Dhano ma k'obino ka ni wotiy rigo, to ni wotiy ri ji gi miyo kwo pere paka cul ri ji mathoth.”

Luka 10:21

I hongo no won Yesu osangala i Cuny Maleŋ aka owaco ni, “Afoyin Baba, Rwoth ma polo kodi piny, paka ipano gigipiny me ri jomariek kodi jom'ofonjere t'inyutho nyithindho ayin. Ey Baba, gime otimere paka iyenyo ni wotimere.”

Luka 10:22

“Baba otieko miyan gimoro je; aka ongoye ŋat'oŋeyo Wode kwanyo woko Bamere, kendo ongoye ŋat'oŋeyo Baba kwanyo woko Wode kodi joma Wode oyero nyutho jo Bamere.”

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 10:11

“Aŋat'abedo jakwath maber. Jakwath maber yeyo tho ri rombo pere.

Yohana 15:13

Ongoye mar ma dhano nyalo bedo gine loyo meno ma go nyalo miyo kwo pere ri merin pere.

Yohana 17:25

Baba M'otire, piny kuya in, t'aŋeyin aka jome joŋeyo nike Iŋat'ioran.

Yohana 6:46

Me kinyuthi ni nitie moro m'otieko neno Baba, kwanyo woko ŋat'owok bongi Were kende ama otieko neno go.”

Yohana 8:55

Kole fodi wikiŋeyo kiri go, to an aŋeyo go aka awinjo wac pere. Bedi awaci ni akuya go, d'abedo jatwodo paka win. T'aŋeyo go aka awinjo wac pere.

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Yohana 2:2

Go won a cowirok ma miyo icwako reco mawan, to ki reco mawan kende, to reco pa ji je ma piny.