Yohana 1:10 - KITAWO MALEŊ Catholic

¹⁰ Go obedo i piny, ma cakirok mere owok bonge, to piny k'oŋeyo go.

KITAWO MALEŊ

¹⁰ Go obedo i piny, ma cakirok mere owok bonge, to piny k'oŋeyo go.

Yohana 1:10 ပူးပေါင်းရင်းမြစ်များ

Cakirok 16:13

Ameno Hagar olwoŋo Rwoth m'oluwo gi go ni, “Were ma Neno.” Ato go owaco ni, “Adieri aneno Were aka fodi doko akwo rumacen ma neno go!”

Cakirok 17:1

Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro.

Cakirok 18:33

Munyo Rwoth otieko luwo gi Abraham, to kadho rigo, to Abraham dok peco pere.

Isaya 53:3

Ji jocayo go, aka jokwedere kwoŋe, dhano ma jarem, gi candirok madit. Ongoye ŋat'obolo kada waŋe ŋiyo go, wacayo go, aka wakidewo kwoŋe paka ŋata dikony.

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Yohana 1:11

Go obino i piny pere won, to ji pere jok'ojolo go.

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 1:3

Gi go Were ocweyo gimoro je manitie, ongoye gima nitie ma go ama k'ocweyo.

Yohana 1:5

Lero no liel i mudho aka mudho kinyal neko.

Yohana 17:25

Baba M'otire, piny kuya in, t'aŋeyin aka jome joŋeyo nike Iŋat'ioran.

Yohana 5:17

To Yesu odwoko jo ni, “Kole Baba tiyo noknok, aka abende onyo atiyo.”

Tim pa Jomoor 14:17

to kad'ameno go k'odoŋ nono m'ongoye gima nyutho ni go nitie, rupiri go onyuthere ndir je i gigipiny mabeyo ma go timo: Go miyo win koth wok i polo kodi cemo m'ipidho i hongo m'otire; go miyo win cemo aka poŋo kisangala i cuny win.”

1 Jokorintho 1:21

Kole Were i rieko pere omito ni ji kiri jowoŋey go gi rieko pajo wegi. Kucel Were oridho botho joma yeyo, gi mikwenda ma wafonjo ma wiŋoyo ni miŋo.

1 Jokorintho 2:8

Ongoye kad'acel kwoŋ jodhum ma pama m'oyido oŋeyo rieko me. Bedi joŋeyi di jok'oguro Rwoth m'opoŋ gi dwoŋ kwoŋ musalaba.

1 Jokorintho 8:6

to riwan Were nitie acel kende, Were Bawan, m'ocweyo gigipiny je, ma gimoro je wok bonge; ma wakwo rigo; odoko Rwoth nitie acel kende, Yesu Kristo, ma i go gigipiny je ocwey, aka go ama miyo wakwo.

Jokolosia 1:16

Kole luwo kwoŋ go Were ocweyo gimoro je i polo kodi i piny gi gigipiny ma nenere kodi ma kinenere, kada kom ma dhum, kosa meni, kosa jodhum, kosa rwodhe. Were ocweyo gimoro je luwo kwoŋ go kendo rigo.

Joebulaniya 11:3

Yeyo ama miyo waniaŋ nike Were am'ocweyo polo gi piny munyo wodho or, m'omiyo gima nenere ocwey wok kwoŋ gima kinenere.

1 Yohana 3:1

Neni win paka Bawan omaro wan m'oasere m'omiyo ilwoŋo wan ni nyithindho pa Were, aka iy'adieri, wabedo ameno. Gim'omiyo piny kuya wan obedo rupiri k'oŋeyo Were.