Yeremia 7:9 - KITAWO MALEŊ Catholic

⁹ Winokwal, winoneki, winotim cot, winokwoŋere nono, winomiy mic ri Bal, to wilamo werin man ma fodi wikuya,

KITAWO MALEŊ

⁹ Winokwal, winoneki, winotim cot, winokwoŋere nono, winomiy mic ri Bal, to wilamo werin man ma fodi wikuya,

Yeremia 7:9 ပူးပေါင်းရင်းမြစ်များ

1 Kerin 18:21

Elia ocore cegin gi ji je aka openjo jo ni, “Wilamedere bedo gi paro ario kiri keraŋo? K'inen Rwoth obedo Were, lam win go, to ka Bal obedo Were lam win go?” To jok'odwoko wac.

Kitawo mar'ario mapa Musa m'ilwoŋo ni Wok 20:3

“Wikiri wibedi gi werin man je kwanyowoko an.”

Isaya 1:13

Ongoye kelo mic ma bukony kendo, buban obedo ran amien, Kalima ma Dwe Manyen gi Sabato kodi cokirok manyadini mewin, akinyali ciro cokirok m'opoŋ kidakana.

Isaya 58:2

Kucel jorangan kisi ndelo, aka josangala mito ŋeyo yo paran, paŋini piny ma timo gim'otire, aka jok'ojwango cik pa Were pajo. Jokwayan thumo banja gi tiro, aka josangala bino cegin gi Were.

Yeremia 1:16

Alamiyo ji paran gir'acula rupiri jotieko timo reco; jotieko jwangan, aka jotieko miyo cowirok ri werin man, jotieko timo cal to jolamo tic ma cingi jo.

Yeremia 11:13

Kole werin mewin onyo jonyay paka tindin mewin madongo, awi Yuda; paka royin ma Yerusalem nitie kweth, apaka migame ma witimo ma wickwot, migame ma miyo mic ri Bal.

Yeremia 11:17

Rwoth pa lwak jolweny, m'opidho win, otieko tuco gimarac kwoŋ win, kwoŋbedo gimarac ma Joisiraili kodi Joyuda jotieko timo, kwinyo nge paran gi miyo Bal mic.

Yeremia 13:10

Ji mareco me, ma jokwero winjo wac paran, ma gi wictek jotimo gima wegi jomito aka onyo jotieko kidho ri werin man tiyo rijo gi lamo jo, jolacale gi pale me m'ongoye kony.

Yeremia 18:15

Kucel ji paran wiy jo owil kodan, jowaŋo mic ri gima k'adieri; Jotieko kitangatanga i royin pajo, i royin pajo macene, jotieko luwo i ger, makiweno i ngudo madwoŋ.

Yeremia 19:4

Akidho timo gime kwoŋbedo ji jojwangan, aka jotieko koco kabedo me gi miyo mic ri werin man i iye ma jo, kwarere pajo kosa kerin ma Yuda fodi jokuya; kodi kwoŋbedo jotieko poŋo kabedo me gi remo pa ji m'oneki jo m'ongoye gima jotimo marac,

Yeremia 32:29

Jobabilon ma jolwenyo gi tindi madwoŋ me jolabino, aka jolacwinyo iye mac, to jowaŋo, kanyacel gi udi ma imiy'iye mic ri Bal aka ikonj'iye cowirok ri werin man, ma kwinyo nge paran.

Yeremia 44:3

kwoŋbedo kidakana pajo ma jotimo, to jokwinyo nge paran, munyo jomiyo cowirok to jotiyo ri werin man ma fodi jokuya, jo, kosa win kosa kwarere mewin.

Yeremia 44:8

Raŋo wikwinyo nge paran gi tic ma cingi win, miyo cowirok ri werin man i piny Misir kama wibino bed'iye? Wilamedere kwedirok ŋey wilokere gi kwoŋ kodi gi cay i dier nonin je ma i piny?

Yeremia 44:9

Wiy win otieko wil gi banjin pa kwarere mewin, kerin ma Yuda, mon pajo, kodi banjin mewin kodi mon mewin, ma jotimo i piny Yuda kodi i royin ma Yerusalem?

Yeremia 48:35

Rwoth waco ni, “Alakwanyo woko ji ma jomiyo cowirok kodi mic ri werin pajo i kalamo.”

Yeremia 5:2

Kada jowaco ni, “Paka Rwoth kwo.” Kucel jokwoŋere ma twodo.

Yeremia 5:7

Anyalo cwako win nedi? Nyithindho mewin jotieko jwangan, aka jotieko kwoŋere gi nyingi jono ma jok'obedo werin. Munyo apidho jo to joyeŋ, jotimo cot, jokadho i udi pa malayin.

Yeremia 7:6

ka wikidiyo jakicar, nyathi kic, kodi citho, kosa oyo remo pa dhano ma bubanja i kabedo me, aka ka wik'olam werin man ma jolakelo teko riwin,

Ezekiel 18:18

Bamere odiyo ji to kwalo, aka otimo gimarac ri kisi dhano, riameno go tho ro reco pere.

Ezekiel 20:30

Riameno wac ri ot pa Isiraili ni Rwoth Were waco ama: Wilakocere gi kula pa kwarere mewin to wiluwo amien pajo?

Ezekiel 23:39

Kole munyo jotieko yaŋo nyithindho pajo ri cal, i ndelo acel no won, jobino i kamaleŋ paran ma koco. Me a gima jotimo i ot paran.

Ezekiel 5:11

Riameno, paka akwo, Rwoth Were waco, kwoŋbedo wikoco Kabedo Maleŋ paran gi gigipiny m'adak kodi amien mewin je, alareyo win, akilaŋiyo win gi waŋan ma wor, aka ak'obedi riwin gi wor.

Hoseya 2:13

Alamiyo go gir'acula ro ndelin ma go otim'iye kalima ri Bal, ma go owaŋ'iye buban rijo, to ruko peta pere ma thiwino, to kadho dwaro jomitirok pere, to wiye wil kodan, Rwoth waco.

Hoseya 6:9

Paka jokwo jotimo apondi ri nyatoro, ameno bende apaka jocway ri Were i wi migam jomakere kanyacel; joneko ji i royo ma kidho Sekem, jotimo banja madwoŋ ma gir'aura.

Amos 4:5

Medere win wimiy mugat mewin paka foyo ri Were, aka wikwot gi mic mewin ma wiwegi wimiyo, langa win jo rupiri a gima wimaro, Joisiraili!

Zefania 1:5

Rwoth lareyo jono je ma jolamo Lwak ma i polo wi ot, jono ma jokule piny to jokwoŋere i nyingi Rwoth, kodi jono ma jokwoŋere i nyingi were pajo Molek.

Malaki 3:5

Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.

Joroma 2:2

Waŋeyo ni Were otire ka thumo banja ri joma timo gigipiny ma pameno.

Kitawo mar'abic mapa Musa m'ilwoŋo ni Cik 32:17

Jocowere ri jwogi, ma ki Were, werin ma fodi jokuya, ma nyaka joay manyen, ma kwarere pajo jok'olworo.

Menyirok ri Yohana 21:8

To joma lwor, joma jok'oyeyo, joreco, jonek, jocot, jothieth gi yido, joma lamo cal makicar, kodi jotwodo je, kabedo pajo bino bedo wakawaka mac ma waŋ gi telin ma wodho mac kibiriti, m'obedo tho mar'ario.”

Menyirok ri Yohana 22:15

To woko koro nitie gwokere kodi jothieth, jocot kodi jonek, joma lamo cal makicar, kodi jotwodo je, i wac kodi i kwo pajo

Jothum Banja 5:8

Munyo oyer werin manyen, to lweny obedo i waŋkace, onen kwot kodi abor, i dier gana piero aŋwen i Isiraili?