Yeremia 7:3 - KITAWO MALEŊ Catholic

³ Me apaka Rwoth pa lwak jolweny, Were pa Isiraili waco ama: Wiri win kula mewin gi tim mewin, ŋey anyal bedo i dier win i kabedo me.

KITAWO MALEŊ

³ Me apaka Rwoth pa lwak jolweny, Were pa Isiraili waco ama: Wiri win kula mewin gi tim mewin, ŋey anyal bedo i dier win i kabedo me.

Yeremia 7:3 ပူးပေါင်းရင်းမြစ်များ

2 Kerin 17:13

Kucel Rwoth oyido ooro jomikwenda pere kodi jotuci wac Were gwoko Joisiraili kodi Joyuda ni, “Wire win kwoŋ tim mewin mareco aka wikuri Or paran kodi cik paran, cungo kwoŋ cik je m'amiyo kwarere mewin, kodi m'amiyo win luwo kwoŋ jotuci wac Were.”

Ezira 10:11

Onyo, tuci win reco mewin ri Rwoth, Were pa kwarere mewin, aka witim gima sangala go. Pokere win kwoŋ jopath ma jobedo i lowo mawan aka riemi win woko mon mewin ma jobedo jopath.”

Agecin 28:13

Ongoye ŋata muŋo reco ma latimo maber, to ŋata pusere aka weyo reco nwaŋo wor.

Isaya 55:7

Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.

Yeremia 17:25

kenyo nyaka joladonjo i waŋkace ma tindi madwoŋ me, kerin ma jobedo i wi kom ma dhum pa Daudi, ma jogweyo cawilin kodi kayinin, jo kodi jotel pajo, ji ma Yuda kodi joma bedo i Yerusalem; aka ji jolabedo i tindi madwoŋ me cil gi cil.

Yeremia 18:11

Onyo, riameno, waci ri ji ma Yuda kodi joma bedo i Yerusalem: Rwoth waco ama: Neni, an ajacwec degi apayo gimarac kwoŋ win aka atimo can kwoŋ win. Wire win pama, wijoje wok kwoŋ tim mewin marac, wiwir tim mewin gi kula mewin.

Yeremia 18:8

to ka nono no, ma mako kwoŋ gim'atieko luwo kwoŋe, owey timo reco, abino wiro paro paran mako kwoŋ teko m'oyido apiro kelo kwoŋe.

Yeremia 26:13

Onyo riameno wir win yo mewin kodi tim mewin, aka wiwinji dwondi Rwoth Were mewin, aka Rwoth bino wiro paro pere kwoŋ rerok ma go otieko luwo kwoŋ win.

Yeremia 35:15

Atieko oro riwin ŋecin paran jotuci wac Were mar'amen k'awaco ni, “Wire win kisi dhano kwoŋ yo pere marac, yik win tim mewin, aka wikiri wikwoŋ werin man ka witiyo rijo, ŋey wibedi i piny m'amiyo win kodi kwarere mewin.” To wikiciko ithi win winjan.

Yeremia 35:16

Nyikway Yonadab wod pa Rekab jotieko kuro or ma kwari jo owodho rijo, to nono me fodi k'owinjan.

Yeremia 4:1

Ka winodwoki, awi Isiraili, Rwoth waco. Ka widwoko bongan, ka winokwany woko amien mewin ruwaŋan, to wibedo ma wikitangatanga,

Yeremia 6:16

Rwoth waco ama: “Cungi win i dhoyin, aka winen, penji win yo macene, kama royo maber nitie i iye; wiwoth'iye, aka winwaŋ ywomirok ri cuny win.” To jowaco ni, “Wak'owoth'iye.”

Yakobo 4:8

Core win cegin gi Were, aka go bende bino core cegin gi win. Joreco, logi win cingi win. Lony win cuny win, wijokiganagana!