Yeremia 2:3 - KITAWO MALEŊ Catholic

³ Isiraili oyido obedo gimaleŋ ri Rwoth, ranyak marapena ma keco pere. Jono je ma jocuto go jobedo gi banja; aka teko oyimere kwoŋ jo.”

KITAWO MALEŊ

³ Isiraili oyido obedo gimaleŋ ri Rwoth, ranyak marapena ma keco pere. Jono je ma jocuto go jobedo gi banja; aka teko oyimere kwoŋ jo.”

Yeremia 2:3 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 22:29

“Miyan win cowirok mewin ma ŋano, vini, kodi mo mewin ka jocek.” “Miyan win okayin mewin.

Kitawo mar'ario mapa Musa m'ilwoŋo ni Wok 23:16

“Witim kalima ma keco, ka wicako keco cemo mewin.” “Tim win kalima ma kayindi ka oro rumo, ka wicoko ranyak mewin wok i ndelin mewin.

Isaya 41:11

Ey, jono je ma jomako nge gi win, wickwot lamako jo t'ikengila jo, jono ma jolwenyo kodin, jolacale pa gim'ongoye kony to jotho.

Isaya 47:6

Oyido amako nge gi ji paran, t'akoco alunja paran, aketho jo i cingin, aka ikinyutho jo ŋono, kiri jom'oti je iketho kwoŋ jo okol mapek ma kiwacere.

Yeremia 12:14

Me apaka Rwoth waco mako kwoŋ joger pa Joisiraili ma jogeyo gir'alunja ma go otieko miyo ji pere Isiraili lunjo: Acegin muko jo woko wok i lowo pajo, aka alamuko woko Joyuda wok i dier jo.

Yeremia 2:4

Winji win mikwenda pa Rwoth, win nyikway Yakobo, kodi pecin je ma ot pa Isiraili.

Yeremia 30:16

Riameno jono je ma jorey win woko ilareyo woko jo, aka jokwor mewin je, kisi dhano kwoŋ jo, ilatero jo i twec. Jono je ma jonyaga win, ilakinyaga jo, aka jono ma jodiy win, iladiyo jo bende.

Yeremia 50:7

Jono je ma jonwaŋo jo jotieko reyo woko jo, aka jokwor pajo jotieko waco ni, “Wabu banja, kwoŋbedo jotimo reco kwoŋ Rwoth, jakwath m'otire, Rwoth, geno pa kwarere pajo.”

Yowel 1:3

Waci win ri nyithindho mewin kwoŋe, aka nyithindho mewin jowowaci ri nyithindho pajo, aka nyithindho pajo ri luse man.

Amos 6:1

Kidamba riwin ma wibedo i kwo mayom i Zayon, kodi jono ma joparo ni jonitie kama ber i Samaria. Win jotel madongo ma piny madwoŋ me Isiraili, win ma ji jobino bongi win rango kony.

Habakuk 1:11

Kenyo joyweyo paka koyo; joturo cik to jolokere jobanja; meni pajo won obedo were pajo!

Zekaria 1:15

Amako nge swa gi nonin ma jowinjo m'ogonyere; kole munyo oyido amako nge manok jomedo konyo timo raco.”

Zekaria 2:8

Kole Rwoth pa lwak jolweny waco ama; ri dwoŋ ma go ooran bongi nonin ma jonyaga win, kole ŋat'ogeyin, meno ogeyo tongi waŋan.

Kwan 18:12

Mo mabeyo je kodi vini maber je kodi ma kodhi, olemo manyakare ma jomiyo Rwoth, atieko miyin.

Joroma 11:16

Kole k'adec ma cemo m'omiy Were paka gima nyak marapena leŋ, meno cemo no gipi bende leŋ; aka k'inen tiendi yath leŋ, meno kiri jange bende leŋ.

Joroma 16:5

Mothi ran kitipa pa jom'oyeyo ma romo i ot pajo. Mothi ran mere paran ma kacunyan Epeneto, m'obedo ŋati marapena iy'adec ma Asia i yeyo Kristo.

Joefeso 1:4

Con ma piny fodi k'ocwey, go oyero wan bedo apere i Kristo, ni wabedi maleŋ, m'ongoye apuse ruwaŋ go.

Kitawo mar'abic mapa Musa m'ilwoŋo ni Cik 14:2

Kole wibedo ji maleŋ ri Rwoth Were mewin, obedo win ama Rwoth otieko yero kwoŋ nonin je i piny bedo ji pere, aka lim pere ma welo.

Kitawo mar'abic mapa Musa m'ilwoŋo ni Cik 26:19

kodi tiŋo win malo swa loyo nonin je ma go ocweyo, i pak, i limo nyingi win, kodi dwoŋ, kodi riwin bedo ji maleŋ ri Rwoth Were mewin paka go otieko waco.

Kitawo mar'abic mapa Musa m'ilwoŋo ni Cik 7:6

Kole wibedo ji maleŋ ri Rwoth Were mewin. Rwoth Were mewin otieko yero win kwoŋ nonin je i piny bedo ji pere, lim pere ma welo.

Yakobo 1:18

I mito pere won, go onywolo wan manyen gi wac pere mar'adieri, ŋey wabedi paka olemo pere m'onyak marapena kwoŋ cwec pere je.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

Menyirok ri Yohana 14:4

Meno ji ma jokure maber ma jok'otimo cot gi mon. Joluwo Nyathi rombo kama go kidh'iye je; ogony jo wok kwoŋ ji je m'odoŋ aka jobedo pa kodhi m'onyak marapena m'omiy Were kodi Nyathi rombo.