Yeremia 2:2 - KITAWO MALEŊ Catholic

² Kidhi ititi mikwenda me ri kisi dhano ma Yerusalem. Me apaka Rwoth waco: “Apoyo cikirok perin ma mar munyo fodi i soye, mar perin paka mweha, nger m'iluwan iye i thim, i lowo m'oyido fodi k'ocwoy'iye.

KITAWO MALEŊ

² Kidhi ititi mikwenda me ri kisi dhano ma Yerusalem. Me apaka Rwoth waco: “Apoyo cikirok perin ma mar munyo fodi i soye, mar perin paka mweha, nger m'iluwan iye i thim, i lowo m'oyido fodi k'ocwoy'iye.

Yeremia 2:2 ပူးပေါင်းရင်းမြစ်များ

Zabuli 129:1

Noknok imonjan wok i soye paran, weyi Isiraili wowaci pama ni,

Kitawo mar'ario mapa Musa m'ilwoŋo ni Wok 14:31

Munyo Joisiraili joneno meni madwoŋ ma Rwoth okengila gine Jomisir, jolworo Rwoth to joyeyo go kiri gi ŋeca pere Musa.

Kitawo mar'ario mapa Musa m'ilwoŋo ni Wok 16:8

Kenyo Musa owaco ni, “Obedo Rwoth ma bino miyo win riŋo wicam othieno kodi mugat madit paka wiyenyo odikin, kwoŋbedo go owinjo kigeŋisa mewin kwoŋe. Adieri ka wigeŋisa gi wan, meno wigeŋisa kwoŋ Rwoth.”

Agecin 1:20

Winji! Rieko lwoŋo i royo, i kabedo m'oyawere go tiŋo dwonde.

Wer pa Solomon 3:11

Nyir ma Yerusalem, wok win winen, kere Solomon oruko sangaria pere, ma yokimere oruko rigo i wiye. I ndelo ma go otim'iye kalima ma nywomirok maleŋ, i ndelo ma kisangala ma cunye.

Wer pa Solomon 3:6

Aŋo no ma bino malo wok i thim, paka tome yiro, ŋwe buban gi mo akudha, mo ma moko ma jomitan jotana.

Isaya 58:1

Koki malo, ikir'iliŋ! Tiŋi dwondin malo paka gwara, tuci ri ji paran reco pajo, ri ot pa Yakobo reco pajo.

Yeremia 11:6

To Rwoth waco ran ama: Tuci wac me je i tindin madongo ma Yuda, kodi i royin ma Yerusalem. Iwaci ri ji jowowinji thenethene ma cikirok aka jowotimi paka mitere.

Yeremia 19:2

aka iwok gi milelo pa wod Hinom i kama donjo i waŋkac pa Potcad, aka ititi kenyo mikwenda m'abino waco rin.

Yeremia 2:1

Wac pa Rwoth obino ran ka waco ni:

Yeremia 2:6

Jok'openjere ni, “Nikune Rwoth, m'owodho wan wok i piny Misir, go m'otelo i thim, i piny m'obipere, m'opalipat kodi buce, i piny m'othwo kodi mudho m'opoto, i piny m'ongoye ŋata luw'iye, kam'ongoye ŋata bed'iye?”

Yeremia 3:4

Nyaka ikiwok lwoŋan pama won me, “Awi baba paran, imaran wok i soye paran.

Yeremia 7:2

“Cungi i waŋkac ma Ot pa Rwoth, aka ititi kenyo wac me, aka iwaci ni, ‘Winji win wac pa Rwoth, win ji je ma Yuda, win ma widonjo gi waŋkac me lamo Rwoth.’ ”

Ezekiel 16:22

Gi amien perin kodi malaya perin, ikinyalo poyo kwo ma thino perin, munyo oyido initie kinyoro aka nono, munyo igweco i remo perin.

Ezekiel 16:60

Kucel alapoyo cikirok paran kodin i hongo ma soye perin, aka alaketho cikirok kodin ma cil gi cil.

Ezekiel 16:8

Aluwo kendo t'aneno nike oyido itieko thiko. Ayaro tiendi kanzu paran kwoŋin, t'aumo kinyoro perin. Atimo kodin cikirok ma nywomirok, Rwoth Were waco, aka ilokere aparan.

Ezekiel 23:19

Kucel go omedere timo malaya loyo, timirok paka munyo go fodi obedo nyako, munyo go obedo malaya i Misir.

Ezekiel 23:3

Munyo oyido jobedo i Misir, jotimo cot aka jolokere malayin.

Ezekiel 23:8

Go omedere gi gima go oyido otieko cako paka malaya, kama go otim'iye cot. Wok i nyako pere, cwo jonindo gine aka jotero go paka malaya.

Hoseya 11:1

Munyo Isiraili obedo nyathi, amaro go, aka wok i Misir alwoŋo wodan.

Hoseya 2:15

Gikenyo alamiyo ndelin vini pere, t'aloko milelo ma Akor dhiot ma geno. Kenyo go ladwokan paka i ndelo ma go oyido fodi soye, paka i hongo ma go owok'iye woko i piny ma Misir.

Hoseya 2:17

Kole alakwanyo woko nyingi Bal i dhoke, aka k'otuci nyingi jo kendo.

Hoseya 2:7

Go laŋwec riemo jomitirok pere, to k'omaki jo; ladwaro jo, to k'onwaŋ jo. Nyaka to go waco ni, “Alakadho t'agik bongi cworan marapena, rupiri oyido bero nitie ran con mere loyo pama.”

Hoseya 8:1

Kudhi win gwara! Kole ŋata cale ango nitie i ot ma Isiraili, kwoŋbedo jotieko turo cikirok paran, to joweyo timo gima cik paran waco.

Hoseya 9:10

Paka olemo i thim, anwaŋo Isiraili. Paka ranyak marapena wi yath nyandere, i kacako mere, aneno kwarere mewin. To munyo jobino i Bal Pewor, to joloko kwo pajo maleŋ ri gimoro ma wickwot, to jolokere gim'ongoye cwe paka gima jomaro.

Yona 1:2

“Ay ikidhi i tindi madwoŋ no Ninivi, iwaci rijo kwoŋ reco pajo rupiri aŋeyo kidakana pajo.”

Matayo 11:15

Ŋata nigi ithe wowinji!

Luka 12:13

Ŋat'acel i dier lwak ji owaco ri Yesu ni, “Jafonji, mondo waci ri omera wopok kodan gigipiny ma walunjo.”

Kitawo mar'abic mapa Musa m'ilwoŋo ni Cik 2:7

Kole Rwoth Were mewin otieko miyo win silwany i kisi gima witimo je. Go oŋeyo woth mewin i thim madwoŋ me; aka oro piero aŋwen me Rwoth Were mewin obedo gi win m'ongoye gima wicando.”

Kitawo mar'abic mapa Musa m'ilwoŋo ni Cik 33:3

Adieri, go omaro ji pere, jomaleŋ perin je jobedo i cingin, joŋanjo ka tiendin, itelo jo gi wac perin.

Kitawo mar'abic mapa Musa m'ilwoŋo ni Cik 8:2

Poyi win royo je ma Rwoth Were mewin otieko telo win oro piero aŋwen me i thim, mwolo win, temo win, ŋeyo gima nitie i cuny win, k'inen oyido winyalo kuro or pere kosa be.

Yakobo 4:4

Ji ma kigenere! Wikuya ni mako mere gi piny meno bedo i kwor gi Were? Ŋata mito mako mere gi piny meno mito bedo jakwor pa Were.

Menyirok ri Yohana 2:4

To kende me a gima anwaŋo kwoŋin ma k'otire: Itieko bolo woko mar m'oyido ndir no itelo bedo gine ran.