Yakobo 5:7 - KITAWO MALEŊ Catholic

⁷ Am'omiyo, wutmere, diy win cuny win, cuka Rwoth odwoki. Neni win paka jafur diyo cunye munyo kuro ni lowo pere wonyak rigo gima welo. Go kuro gino m'odiyo cunye cuka koth ma cwir kodi ma keco tundo.

KITAWO MALEŊ

⁷ Am'omiyo, wutmere, diy win cuny win, cuka Rwoth odwoki. Neni win paka jafur diyo cunye munyo kuro ni lowo pere wonyak rigo gima welo. Go kuro gino m'odiyo cunye cuka koth ma cwir kodi ma keco tundo.

Yakobo 5:7 ပူးပေါင်းရင်းမြစ်များ

Yeremia 5:24

Jokiwaci i cuny jo ni, “Mondo weyi win walwor Rwoth Were mawan, go m'amiyo koth i hongo mere ma ripo, koth ma oro kodi ma cwir, aka kuro riwan i hongo mere ndelin m'oyik ma keco i hongo mere.”

Hoseya 6:3

Weyi waŋey, wakethi kinen ma ŋeyo Rwoth; menyirok pere obedo adieri paka ŋamba; go labino riwan paka koth ma cwe nyiknyik, paka koth cwir ma dhieko piny.”

Yowel 2:23

Awi ji ma Zayon, sangala win, aka fore win i Rwoth Were mewin; kole go otieko miyo koth marapena ma botho win, go otieko konjo piny riwin koth, koth marapena gi macowe, i dwe marapena.

Zekaria 10:1

Kway win koth wok bongi Rwoth, i hongo ma cwir, Rwoth timo pondeponde ma kelo koth, go miyo ji koth, miyo kisi ndelo pa dhano twi cemo.

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Matayo 16:28

“Adieri awaco riwin, nitie joma jocungo ka ma jokibino tho mafodi jok'oneno Wod Dhano ka bino i Ker pere.”

Matayo 24:27

Kole paka lithkoth wok yuwok ceŋ aka menyo piny kiri yupodho ceŋ, apaka bino pa Wod Dhano bende labedo.

Matayo 24:44

Am'omiyo, wibende yikere win, rupiri Wod Dhano labino i hongo ma wikigen.

Luka 18:8

Aridho riwin ni go bino neno gimaber wotim rijo, kendo bino timo ameno i yoto. To ceŋ ma Wod Dhano odwok'iye, onwaŋ yeyo moro i piny?”

Luka 21:27

Gikenyo nyaka ji jobino neno Wod Dhano munyo loro wi pondeponde gi meni kodi dwoŋ m'oasere.

Luka 8:15

To kodhi m'opodho i lowo ma diwa, meno a joma, munyo jotieko winjo wac, jomako maber i cuny jo, aka jonyak maber ro diyo cuny jo.”

Yohana 21:22

Yesu odwoko go ni, “K'amito ni ŋato wokwo cuka anodwoki, meno mako kwoŋin? Luwan ayino!”

Yohana 21:23

Gikenyo wac onyay i dier jofonjirok pa Yesu nike jafonjirok no k'otho. To Yesu k'owaco nike go k'otho; go owaco nike, “K'amito ni go wokwo cuka anodwoki, meno mako kwoŋin?”

Joroma 15:4

Kole gimoro je m'ondiki i kitawo maleŋ ondiki ma fonjo wan, ŋey walimi geno i diyo cuny kodi i meni ma Ndiko Maleŋ miyo wan.

Joroma 2:7

Ji megi hongo je jotimo gima beyo, aka jorango dwoŋ pa Were gi wor kodi kwo makirum; aka Were bino miyo jo kwo makirum.

1 Jokorintho 1:7

to miyo wikicandi mic moro je ka wikuro nike Rwoth Yesu Kristo womenyere kamaler.

Jogalasia 5:5

To wan gi geno ni Were bino ketho wan i tiro gi go, gi meni pa Cuny Maleŋ pa Were ma tiyo i yeyo mawan; aka meno a gima wakuro.

Jogalasia 6:9

Am'omiyo, wakiri waol gi timo bero; kole ka wakijok timo ameno, ndir bino tundo ma wabino kec'iye gima nyak.

Kitawo mar'abic mapa Musa m'ilwoŋo ni Cik 11:14

kenyo go lamiyo win koth ri lowo mewin i hongo mere, koth ma cwir kodi ma oro, ŋey winyal coko ŋano, vini, kodi mo mewin.

Jokolosia 1:11

Weyi Were woloki win jom'otegino gi meni ma wok i dwoŋ pere m'oasere, ŋey winyal ciro gimoro je gi diyo cuny kodi kisangala.

1 Jothesalonika 1:3

Kole wapoyo ruwaŋ Were mawan kodi Bawan paka wiketho yeyo mewin i tim, paka mar mewin omiyo witiyo matek, gi paka geno mewin i Rwodhiwan Yesu Kristo ocwiny.

1 Jothesalonika 2:19

Aka onyo geno mawan, kisangala mawan, kodi atoŋa mawan ma yumirok obedi aŋo ruwaŋ Rwodhiwan Yesu ka go odwoko?

1 Jothesalonika 3:13

Ameno go wonyali medo win meni i cuny win i leŋo, ŋey wibedi ma bu raco ruwaŋ Were mawan kendo Bawan, ceŋ ma Rwodhiwan Yesu odwok'iye gi ji maleŋ pere je.

Joebulaniya 6:15

Aka munyo Abraham okudere to kuro, go olimo gima Were ociko.

Yakobo 4:11

Wikiri wiluwere marac kwoŋ jowoti win, wutmera. Ŋata luwo marac kwoŋ omin, kosa thumo rigo banja, meno luwo marac kwoŋ Cik aka cayo Cik. K'icayo Cik, meno kere ikibedo dhano ma winjo Cik, to ijacay Cik ayino.

Yakobo 5:10

Wutmera, poyi win jotuci wac Were ma joluwo wac i nyingi Rwoth. Ter win jo paka ranen pa joma jociro gi diyo cuny jo i hongo ma candirok.

Yakobo 5:3

Zahabu mewin kodi feza otieko mako nyal, aka nyal me bino bedo gir'anena ma nyutho reco mewin, to camo delkwoŋ win pa mac. Witieko dhuro ŋaŋo i ndelo macowe me!

2 Petero 3:4

Jobino penjo win ni, “Go ociko ni bino, k'ameno be? To ere go nikune? Bacere mawan jotieko tho, to gimoro je fodi romaroma paka oyido nitie wok cuka cwey piny!”