Yakobo 5:13 - KITAWO MALEŊ Catholic

¹³ Nitie moro kwoŋ win manitie i teko? Weyi wokway Were. Nitie moro ma sangala? Weyi wower wer ma pako Were.

KITAWO MALEŊ

¹³ Nitie moro kwoŋ win manitie i teko? Weyi wokway Were. Nitie moro ma sangala? Weyi wower wer ma pako Were.

Yakobo 5:13 ပူးပေါင်းရင်းမြစ်များ

1 Kigana kwoŋ Kerin 16:9

Wer rigo wer ma pak wac gir'aura ma go otieko timo.

Yobu 33:26

Kenyo go lakwayo, to Were dwoko, go lalamo Were gi kisangala, aka Were laculo go ri tiro pere.”

Zabuli 105:2

Wer rigo wer ma pak, wac gir'aura ma go otieko timo.

Zabuli 118:5

Alwoŋo Rwoth i kidamba paran, Rwoth odwokan aka ogonyan.

Zabuli 18:6

I kidamba paran alwoŋo Rwoth, aywak ri Were paran wokonyan. I Ot pa Were owinjo dwondan, aka ywak paran owinjere i ithe.

Zabuli 50:15

Lwoŋan i hongo ma teko; alabothin, aka ilapakan.”

Zabuli 91:15

Ka jolwoŋan, abino dwoko jo, ka jobedi i teko, abino bedo gi jo. Abino botho jo t'aworo jo.

Zabuli 95:2

Weyi wabin ruwaŋe gi foyo, aka wapaki go gi wer ma kisangala!

Isaya 65:14

Ŋecin paran jolawero ri kisangala ma cuny jo, to wilaywak ro arama cuny, aka wilaywak gi cuny win m'otur.

Hoseya 6:1

“Biye win, weyi wagiki win bongi Rwoth; kole go am'oyeco wan, aka go lacango wan; otieko rwadho wan piny, aka go latweyo riwan wonga.

Yona 2:2

“Alwoŋin i teko paran Rwoth, t'idwokan. Aywak rin wok i milelo, i piny pa jom'otho, t'iwinjo dwondan.

Yona 2:7

Munyo adundo paran opodho, apoyo Rwoth, aka kwayo paran otundo bongin i ot perin maleŋ.

Mika 4:5

Kisi ji jowotho, i nyingi were pajo, to wan, wabino wotho i nyingi Rwoth Were mawan, cil gi cil.

Matayo 26:30

Aka munyo jotieko wero wer ma pako Were, jowok woko to jokidho i got Oliv.

Luka 22:44

G'arama cuny madwoŋ, go omedo kwayo gi geregere; i hongo no kwok pere onwaŋo cale remo ma thon piny].

Luka 23:42

To waco ri Yesu ni, “Yesu, poyan ceŋ m'idwok'iye gi meni ma Ker perin!”

1 Jokorintho 14:15

Onyo atim nedi? Abino kwayo gi cunyan, t'abino kwayo gi paro paran bende; abino wero gi cunyan, t'abino wero gi paro paran bende.

1 Jokorintho 14:26

Wutmera, gim'awaco dwoŋ mere aŋo? Ka wiromo kanyacel i kwayo, ŋat'acel nitie gi wer, ŋatiman gi fonji, ŋatiman gi menyirok ma wok i wac pa Were, ŋatiman dhodhok m'opokere, aka ŋatiman jatiti dwoŋ dhodhok no. Gimoro je wobedi ma konyo kitipa pa jom'oyeyo.

Joefeso 5:19

Wer win wer ma Zabuli kodi wer man je ma cuny. Wer win gi dwondi win mamit ri Rwoth munyo wipako go i cuny win.

Joebulaniya 5:7

I kwo pere i piny ka, Yesu odhiro kwayo kodi ywakirok pere gi pigi waŋe munyo koko malo ri Were, ma d'onyalo botho go kwoŋ tho. Aka Were owinjo go, rupiri go oyido ŋata mwol ma winjo Were.

Yakobo 5:10

Wutmera, poyi win jotuci wac Were ma joluwo wac i nyingi Rwoth. Ter win jo paka ranen pa joma jociro gi diyo cuny jo i hongo ma candirok.

Menyirok ri Yohana 14:3

Oyido jowero wer manyen, ruwaŋ kom pa Were ma dhum no kodi cwec aŋwen no kodi jodongo no, aka jowero wer manyen ma ŋatiman je k'onyalo fonjirok kwanyo woko ji gana miya acel piero aŋwen g'aŋwen (144,000) m'onyew jo gi remo pa Yesu wok i piny.

Menyirok ri Yohana 7:10

Jokoko gi dwondi jo ma malo ni, “Both wok bongi Were ma bedo wi kom ma dhum kodi Nyathi rombo!”