Yakobo 5:11 - KITAWO MALEŊ Catholic

¹¹ Ato wiŋeyo ni watero joma jotieko ciro gimoro paka josilwany. Witieko winjo paka Yobu onyalo ciro candirok, aka wiŋeyo paka Rwoth oparo kwoŋe rumacen. Kole Rwoth oasere gi wor aka winjo malith gi teko pa dhano.

KITAWO MALEŊ

¹¹ Ato wiŋeyo ni watero joma jotieko ciro gimoro paka josilwany. Witieko winjo paka Yobu onyalo ciro candirok, aka wiŋeyo paka Rwoth oparo kwoŋe rumacen. Kole Rwoth oasere gi wor aka winjo malith gi teko pa dhano.

Yakobo 5:11 ပူးပေါင်းရင်းမြစ်များ

1 Kigana kwoŋ Kerin 21:13

Daudi odwoko ni, “Anitie i kidamba madwoŋ swa; weyi wapodhi i cingi Rwoth rupiri ŋono pere dwoŋ, ma akipodho i cingi nyatoro.”

2 Kigana kwoŋ Kerin 30:9

Ka wigik bongi Rwoth, nyaka jono ma jomayo win wade mewin paka jotwec jomaki gi jo wor to joweyo jodwoko. Rwoth Were mewin jakisa doko jaŋono, aka ka wigik bongi go, go lajolo win.”

Nehemia 9:17

Jokwero winjo, wi jo owil gi gim'imito je, gi gir'aura m'oyido itieko timo. I noro pajo joyero jatel dwoko jo i twec i Misir. To ibedo Were ma cwako; inyutho wor, ipoŋ gi mar makiwire, aka ikimaki nge piyo. Inyutho wor madwoŋ, aka ikijwango jo.

Nehemia 9:31

To kwoŋbedo inyutho wor madwoŋ, ikijwango jo, kosa ikireyo woko jo. Inyutho wor aka inyutho wor Awi Were!”

Yobu 1:1

Cango obedo jacwo moro i lowo ma Uz m'ilwoŋo ni Yobu.

Yobu 1:2

Go oyido nitie gi wote abirio gi nyike adek.

Yobu 2:10

To Yobu odwoko ni, “Iluwo paka mon mamiŋ joluwo. Walajolo nyaka bero kende wok i cingi Were m'ongoye raco?” I gime je Yobu k'otimo reco i luwo pere.

Yobu 23:10

To go oŋeyo woth paran je, ka go oteman, lanwaŋo ni acil paka zahabu.

Zabuli 103:13

Paka ba nyithindho timo wor ri nyithindho pere, apaka Rwoth timo wor ri jono ma joworo go.

Zabuli 103:8

Rwoth nitie gi wor gi mar, go kimaki nge piyo aka opoŋ gi mar makiwire.

Zabuli 116:5

Rwoth jawor, aka timo gim'otire; Were mawan jakisa.

Zabuli 119:132

Wire bongan aka maki kodan wor paka itimo ri jono ma jomarin.

Zabuli 145:8

Rwoth obedo jamar aka timo ŋono, kimaki nge piyo aka opoŋ gi mar makiwire.

Zabuli 37:37

Kaŋasa ji ma jongoye g'apuse, aka neni ji ma jotimo gim'otire, kole ji ma jomaro siem jonitie gi nyikway gin,

Zabuli 51:1

Maki wor kodan, Awi Were, cungo kwoŋ mar perin makiwire, cungo kwoŋ wor perin m'oasere, cidi woko reco paran.

Zabuli 78:38

Kucel, cunye Were oramo ri ji pere, ocwako reco pajo, aka k'oreyo jo. Go ojuko nge pere aka k'oywoyo kwoŋ ji pere.

Zabuli 86:15

To in Rwoth, ibedo Were ma jawor aka nitie gi mar, ikimaki nge piyo, ipoŋ gi mar makiwire aka itimo adieri.

Zabuli 86:5

Iber riwan aka icwako, ipoŋ gi mar makiwire ri jono ma jokwayin.

Zabuli 94:12

Rwoth, josilwany a jono m'ifonjo, jono m'ifonjo cik perin!

Kitawo mar'ario mapa Musa m'ilwoŋo ni Wok 34:6

Kenyo Rwoth oluwo ruwaŋ Musa aka olwoŋo, “An Rwoth, Abedo Were m'opoŋ gi wor kodi kisa, ma kimaki nge piyo aka nyutho mar makiwire kodi adieri.

Jafonji 7:8

Gike ma gimoro ber loyo cakirok mere, ŋata bedo moth i cuny, ber loyo janoro i cuny.

Isaya 63:7

Alaluwo kwoŋ tim ma mar pa Rwoth makiwire, pak pa Rwoth, cungo kwoŋ gimoro je ma Rwoth otieko miyo wan, gi bero pere madwoŋ ri ot pa Isiraili m'otieko miyo jo ro ŋono pere, cungo kwoŋ mar pere mathoth makiwire.

Isaya 63:9

I litho pajo je, go olimo litho, to malaika pere botho jo. I mar pere gi wor pere, go obotho jo, otiŋo jo malo to rendo joje i hongo macene.

Ywakirok 3:22

Mar pa Rwoth makiwire kirum, aka wor pere kitundi i gike.

Yowel 2:13

Tur win iy'adundo makiweno yeco nangin mewin. Gik win bongi Rwoth, Were mewin, kole go jakisa aka jawor, galo gi mako nge, aka opoŋ gi mar makiwire, aka jadwoki cunye cen ma timo teko.

Yona 4:2

Go owaco ri Rwoth ni, “A Rwoth, me a gim'awaco mafodi akiay peco nike ibino timo. Am'omiyo atemo kiri ŋwec kadho i tindi Tarsis. Oyido aŋeyo paka in Were m'omaro ji aka ipoŋ gi wor. In Were ma kimaki nge piyo rupiri ipoŋ gi mar m'oasere. Inyalo wiro paro perin, t'iweyo m'ikimiyo gir'acula.

Mika 7:18

Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Kwan 14:18

“Rwoth kimaki nge piyo, aka opoŋ gi mar makiwire, cwako reco kodi kibenga, aka i nger moro je cwako reco, aka go k'owey ma k'omiyo nyithindho gi nyikway jo, gir'acula kiri i luse mar'adek kodi mar'aŋwen ri reco pa jonywol pajo.”

Matayo 10:22

Dhano je bino mon gi win, ro an. To ŋat'ocir kiri i gike bino both.

Luka 1:50

Go timo ŋono ri joma lworo go, wok i luse ji acel tundo i luse man.

Luka 11:10

Kole ŋata kwayo ndir je limo, ŋata rango, ndir je nwaŋo; aka ŋata gudo thigo, bende ndir je iyawo rigo.

Luka 6:36

Bedi win gi wor paka Bawin jawor.

Joroma 2:4

Kosa miti icayo bero pere m'oasere, ka diyo cunye gi ji aka kudere. Adieri iŋeyo ni Were ber rupiri go temo tero win i ŋuto!

Joefeso 1:6

Meno aka wopak dwoŋ ma nema pere, mic pere riwan, ma go omiyo wan ma nono i Wode ma migos.

Joefeso 2:4

To Were m'oŋaŋ gi ŋono, i mar pere madwoŋ m'omaro gine wan,

Joebulaniya 10:39

To wakibedo ji ma jogik cen to jorwenyo. Kucel wabedo joma bedo gi yeyo to jolimo both.

Joebulaniya 3:14

Kole wajoje wabedo jowoti Kristo, ka wacwire matek i yeyo tundo i gike.

Joebulaniya 3:6

To Kristo ogenere paka Wod Were ma kuro ri Were ot. Aka kole waŋati wabedo ot pere ka wamedere gi miseni mawan kodi ridho geno ma wapakere gine.

Yakobo 1:12

Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

Yakobo 1:2

Jowotan, ter win paka silwany ka wiromo gi teko m'omore omore,

1 Petero 1:13

Am'omiyo yik win paro mewin ma tic; bedi ma widhumo cuny win, aka kethi win geno mewin je kwoŋ nema ma bino riwin k'onyuthi Yesu Kristo kamaler.

1 Petero 3:14

Aka kada wicandere ri timo gim'otire, kole je fodi wibino limo silwany. Wikiri wilwor nyatoro, kosa wibwoki.

2 Petero 2:9

Am'omiyo, kere Rwoth oŋeyo nger ma botho ji mabeyo ma jolworo Were i candirok ma temo jo, kodi weyo joreco i gir'acula pajo cuka ndelo ma thumo banja,