Yakobo 3:13 - KITAWO MALEŊ Catholic

¹³ Ŋa kwoŋ win kenyo mariek kendo ma niaŋ? Ere wonyuthi rieko no gi kwo pere m'otire, gi tim pere ma nyutho bwonirok kodi rieko.

KITAWO MALEŊ

¹³ Ŋa kwoŋ win kenyo mariek kendo ma niaŋ? Ere wonyuthi rieko no gi kwo pere m'otire, gi tim pere ma nyutho bwonirok kodi rieko.

Yakobo 3:13 ပူးပေါင်းရင်းမြစ်များ

Yobu 28:28

Were owaco ri dhano ni, “Adieri, lworo Were, meno obedo rieko, aka weyo raco obedo niaŋ.”

Zabuli 107:43

Ŋatariek je wopar kwoŋ gigipiny me; aka wodew kwoŋ mar pa Rwoth makiwire.

Zabuli 122:8

Ro wade paran gi merin, awaco ri Yerusalem ni, “Siem wobedi kodin!”

Zabuli 149:4

Kole Rwoth limo kisangala i ji pere, go miyo dwoŋ ri jomamwol gi loyo.

Zabuli 25:9

Go telo ji ma jomwol timo gim'otire, aka fonjo jo yo pere.

Zabuli 45:4

Gwec i meni perin i loyo, ri gwoko adieri gi tiro! Weyi cingin maracuc wofonjin tim ma kelo lworo.

Jafonji 8:1

Ŋa ma cal dhano mariek? Aka ŋa m'oŋeyo tito dwoŋ ma gimoro? Rieko miyo waŋ jo leny, aka waŋtek pere wire.

Jafonji 8:5

Ŋata winjo or, k'oŋey gimarac, cuny ŋatariek oŋeyo sawa m'otire gi yo m'otire.

Isaya 29:19

Jomamwol jolanwaŋo kisangala i Rwoth, aka jocandi jolafore i Ŋataleŋ pa Isiraili.

Isaya 60:6

Ŋamin kweth ma kikwanere jolaumin, ŋamin ma nyaka joay ma Midian gi Efa, gi ma jowok i Seba je jolabino. Jolakelo zahabu kodi buban, aka jolatuco pak pa Rwoth.

Isaya 61:1

Cuny pa Rwoth Were nitie kwoŋan, kwoŋbedo Rwoth owiran gi mo, ooran kelo wac manyen maber ri ji m'idiyo, yomo cuny joma cuny jo otur, tito gonyirok pa joma jonitie i twec, gi gonyo joma jotudere.

Yeremia 9:12

T'apenjo ni “Ŋa mariek loyo manyalo niaŋ gime? Ŋa ma Rwoth otieko luwo gine manyalo tito? Raŋo piny odoŋ gunda ak'othangere paka thim m'ongoye ŋata luw'iye?”

Yeremia 9:23

Rwoth waco ama: “Weyi jomariek jokiri jowodele i rieko pajo, wikiri wiyey jomeni jowodele i meni pajo, wikiri wiyey joŋaŋo jowodele i ŋaŋo pajo.

Zefania 2:3

Rangi win Rwoth, win jomamwol je ma i piny, jono je ma joworo or pere. Tim win gim'otire, mwole win ruwaŋ Rwoth; poy kono winobothi i ndelo ma keme pa Rwoth.

Kwan 12:3

Musa oyido obedo jal mamwol swa, loyo dhano moro je ma piny ka.

Matayo 11:29

Biel win okol paran i ŋuti win aka wifonjere kwoŋan; kole abedo moth aka abwonere iy'adundo paran; aka wibino nwaŋo ywomirok i cuny win.

Matayo 21:5

“Waci ri tindi Zayon ni, Neni kere perin bino bongin. Go mwol aka obedo wi punda, wi nyathi punda, wi punda mathin.”

Matayo 5:5

Josilwany a jomamwol, kole jobino lunjo piny.

Matayo 7:24

Am'omiyo dhano je ma winjo wac paran me aka tiyo gine bino cale gi dhano mariek m'ogeto ot pere i wi tele.

1 Jokorintho 6:5

Meno awaco ma kwoto wiy win! Ongoye kada ŋat'acel i dier win mariek manyalo cowo dhawirok manitie i dier jom'oyeyo!

2 Jokorintho 10:1

An Paulo, agoyo koko riwin; an m'iwaco ni amwol k'anitie gi win, to abedo jamaker riwin ka an bor gi win. Akwayo win gi mwolo kodi ŋono pa Kristo, ni

2 Jokorintho 8:24

Am'omiyo, nyuthi win jo mar mewin, kodi gim'omiyo wayuma win rijo, ŋey kitipa pa jom'oyeyo je jowoŋey gino.

Jogalasia 5:23

mwolo, kodi kuro cuny. Ongoye cik ma piemo gi gigipiny paka me!

Jogalasia 6:1

Wutmera, k'omaki moro munyo timo reco moro, win ma wimaro gima nyacuny witir go; to witim ameno gi mwolo. Aka wiwegi gwokere win, ŋey wikiri widonji i karatem bende.

Jogalasia 6:4

Dhano je won ripo kikaŋasa kite. Ka ber, won nyalo yumirok gi i cunye, ma k'opima kodi gima ŋatiman otieko timo.

Joefeso 4:2

Bedi win mamwol, ma wimako gigipiny moth, gi diyo cuny, ma wikijoki gi jowoti win, kodi nyutho marok.

Jofilipi 1:27

Kad'obedi nedi, bedi win gi kite ma ripo gi Wac Manyen Maber pa Kristo, ŋey kada k'anobin neno win, kosa k'awinjo awinja ayino kwoŋ win, obedi ni wicungo matek kodi atoŋa acel, aka wilwenyo kanyacel, gi paro acel kende ri yeyo ma Wac Manyen Maber kelo.

Jokolosia 3:12

Am'omiyo paka wibedo ji pa Were m'oyer, maleŋ aka ma go omaro, onyo bedi win joma ramere ri wadi win, ma winigi cuny maber, bwonirok, mwolo, kodi diyo cuny.

1 Timothe 4:12

Ikir'iyey moro wocayin ro thino perin, to bedi ranen ri jom'oyeyo, i luwo, i kula, i mar, i yeyo kodi i lonyo ma cuny jo.

1 Timothe 6:11

To in, dhano pa Were, eye kwoŋ gigipiny no je. Lweny ri tiro, lworo Were, yeyo, mar, ciro teko, kodi mwolo.

2 Timothe 2:25

aka tiro joma piemo gine gi mwolo. Kole nyalo bedo ni Were bino miyo jo hongo ma ŋuto to joŋeyo adieri.

Tito 3:2

Ceri jo luwo marac kwoŋ nyatoro, to jowobedi m'ongoye dhawirok, jomamwol, aka ndir je jowonyuthi kite mabeyo ri ji je.

Joebulaniya 13:5

Kur win kwo mewin ma wikimunyere i maro pesa, aka gima winigine worom win. Kole Were owaco ni. “Akibino weyo win; ak'ojala win.”

Yakobo 1:21

Am'omiyo, bol win woko kite makoc kodi reco ma wimore gine. Aka wijoli gi mwolo wac ma go pidho i cuny win, manyalo botho win.

Yakobo 2:18

To moro kwoŋ win bino waco ni, “Kole in gi yeyo; aka an gi tim.” Meno adwoko ni: “Nyuthan paka inyalo bedo gi yeyo m'ongoye tim; to an abino nyuthin yeyo paran i tim paran.”

Yakobo 3:1

Jomathoth kwoŋ win kiri jowolokere jofonji, wutmera gi nyimin, rupiri wiŋeyo ni wan ma wafonjo ibino thumo riwan banja m'onuŋ loyo joman.

Yakobo 3:17

To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

1 Petero 1:15

Kucel, bedi win maleŋ i gimoro je ma witimo, paka Were m'olwoŋo win leŋ;

1 Petero 2:12

Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 3:4

Kucel ŋono mewin ripo wok kwoŋ adieri ma cuny win, ŋono ma kirere ma cuny mamwol, m'okudere, manitie gi welo madwoŋ ruwaŋ Were.